William Bendix

De Wikipedia
Saltar a navegación Saltar a la gueta
William Bendix
William Bendix
William Bendix 1960.JPG
Vida
Nacimientu Nueva York14 de xineru de 1906
Nacionalidá Bandera de Estaos Xuníos d'América Estaos Xuníos d'América
Fallecimientu

Los Ángeles14 d'avientu de 1964

(58 años)
Sepultura San Fernando Mission Cemetery
Causa de la muerte Neumonía
Oficiu
Oficiu actor, actor de cine y actor de televisión
Nominaciones
Creencies
Partíu políticu Partíu Republicanu de los Estaos Xuníos
IMDb nm0000904
Cambiar los datos en Wikidata

William Bendix (14 de xineru de 190614 d'avientu de 1964) foi un actor cinematográficu estauxunidense.

Biografía[editar | editar la fonte]

Bendix nació en Manhattan, Nueva York. De mozu, nos entamos de la década de 1920, Bendix taba al cuidu de los bates de béisbol del equipu New York Yankees. En 1927 casóse con Theresa Stefanotti.

Bendix trabayó como tenderu hasta la Gran Depresión, y el so debú nel cine tuvo llugar en 1942. Foi actor de repartu en docenes de filmes de Hollywood, usualmente como soldáu, gángster o detective. Empezó con interpretaciones en películes de cine negru, incluyendo una actuación destacada en The Glass Key (1942), na cual trabayaben Brian Donlevy y Veronica Lake. Ganó fama en participando nel filme de Alfred Hitchcock Lifeboat (1944), nel papel de Gus, un marineru mancáu y morrebundu. Otros papeles bien conocíos de Bendix son la so actuación como'l xugador de béisbol Babe Ruth en The Babe Ruth Story (1948), y como Sir Sagramore en A Connecticut Yankee in King Arthur's Court (1949), filme nel que trabayó con Bing Crosby y nel cual intervieno na interpretación de la famosa tema "Busy Doing Nothing". Tamién foi'l camareru Nick na versión de 1948 de la obra de William Saroyan The Time of Your Life, xuntu a James Cagney. Bendix actuó coles mesmes na versión teatral, pero nel papel de Krupp (personaxe interpretáu nel cine por Broderick Crawford).

Bendix foi tamién conocíu nesa dómina pol so trabayu radiofónicu, trabayando como Chester A. Riley na serie The Life Riley ente 1944 y 1951. Tamién protagonizó'l papel principal na segunda versión televisiva de dicha serie, que s'emitió dende 1953 a 1958 (Jackie Gleason interpretó a Riley nuna versión realizada en 1949).

En 1958, Bendix interpretó'l papel principal de The Time Element, títulu escritu por Rod Serling. The Time Element foi una aventura alrodiu de un home que viaxa nel tiempu a Honolulu en 1941 ya intenta, ensin ésitu, sollertar sobre l'inminente ataque a Pearl Harbor.

En 1960 Bendix protagonizó 17 episodios de la serie western de la NBC Overland Trail, col papel de Frederick Thomas "Fred" Kelly, superintendente de la Overland Stage Company. Doug McClure, darréu Trampass na serie de la NBC El virginiano, yera'l so co-protagonista.

Bendix finó en Los Angeles, California, por causa d'una neumonía en 1964, y foi soterráu nel Campusantu San Fernando Mission.

Recibió una estrella nel Paséu de la Fama de Hollywood, nel 6251 de Hollywood Boulevard, pol so trabayu televisivu.

Filmografía escoyida[editar | editar la fonte]

  • Woman of the Year (1942)
  • Wake Island (1942) – Nomáu al Óscar al meyor actor de repartu
  • Who Done It? (1942)
  • The Glass Key (La llave de cristal) (1942)
  • Guadalcanal Diary (1943)
  • Lifeboat (1944)
  • The Hairy Ape (Pasión selvaxe) (1944)
  • A Bell for Adano (La campana de la llibertá) (1945)
  • Two Years Before the Mast (Revolución n'alta mar) (1946)
  • The Dark Corner (Envueltu na solombra) (1946)
  • The Blue Dahlia (La dalia azul) (1946)
  • The Web (L'araña) (1947)
  • Where There's Life (1947)
  • The Time of Your Life (1948)
  • The Babe Ruth Story (1948)
  • Cover Up (1949)
  • A Connecticut Yankee in King Arthur's Court (Un yanki na corte del rei Arturo) (1949)
  • Streets of Laredo (Trés texanos) (1949)
  • The Big Steal (1949)
  • Kill the Umpire (1950)
  • Detective Story (Brigada 21) (1951)
  • Submarine Command (1951)
  • A Girl in Every Port (1952)
  • Macao (1952)
  • Blackbeard the Pirate (El pirata Barbanegra) (1952)
  • Dangerous Mission (Nieves traidores) (1954)
  • Crashout (1955)
  • Johnny Nobody (1961)
  • Boys' Night Out (1962)
  • For Love or Money (Trés herederes) (1963)

Referencies[editar | editar la fonte]

  • Smithsonian Collection: Old Time Radiu All-Time Favourites, liner notes from audiu cassette box set. Joe Bevilaqua. Radio Spirits: Schiller Park, 1994.

Enllaces esternos[editar | editar la fonte]