Wikipedia:Política de votaciones

De Wikipedia
Saltar a navegación Saltar a la gueta
Election presidentielle 2007 Lausanne MG 2761.jpg

Esta ye la páxina de guía pa realizar votaciones. Amuésase equí'l criteriu adoptáu pola comunidá de la Wikipedia n'asturianu en febreru de 2014.

¿Quién pue votar[editar la fonte]

Solo usuarios rexistraos, con una antigüedá de polo menos 1 mes dende la primer contribución y una contribución de polo menos 100 ediciones n'artículos (esclúyense les ediciones feches n'alderiques). Estes trés condiciones han dase simultáneamente (una nun sustitúi a otra). El votu d'un usuariu que nun cumpla esos trés requisitos (rexistru, antigüedá y contribuciones mínimes) sedrá nulu.

¿Quién pue proponer una votación?[editar la fonte]

Cualquier usuariu que cumpla los requisitos pa poder votar: tar rexistráu, antigüedá d'1 mes y 100 ediciones n'artículos. Pa entamar una votación, esta tien de tar xustificada. Si nun se xustifica, o'l que la propón nun cumple colos requisitos, la votación sedrá nula.

¿Cuántu tiempu hai pa poder votar?[editar la fonte]

La Wikipedia n'asturllionés somos una comunidá pequeña y nun podemos collaborar diariamente toos, polo que'l periodu de votación ye de 30 díes.

¿Qué pue proponese pa ser votao?[editar la fonte]

Wikipedia nun ye una democracia polo que nun vamos votar too, básase nel consensu entre los participantes de la comunidá. Pero hai delles coses que sí se puen considerar "votables":

  • La elección (o refugu) d'un alministrador y/o burócrata pa esta wikipedia.
  • Adoptar o modificar polítiques d'usu nesta wikipedia.
  • Borráu dafechu d'un artículu (sacante los creaos por vandalismu, que sedríen desaniciaos directamente).

¿Cuántos votos son necesarios?[editar la fonte]

Les propuestes apruébense por mayoría simple (metada más un).

Una vez finalizada la votación, ¿qué hai que facer?[editar la fonte]

L'usuariu que propunxo la votación fadrá'l recuentu de votos, y publicará'l resultáu y la decisión final asina escoyida pola comunidá, al final de la votación. Tolos usuarios (participantes o non na votación seya'l que seya'l motivu) han aceptar el resultáu participaren o non pol motivu que fora. La persona que propunxo la votación sedrá l'encargáu de da-y efectu.

¿Cuántu tiempu ye válida la decisión d'una votación?[editar la fonte]

El trabayu nesta enciclopedia básase nel consensu, y la Wikipedia constrúyese nel cambiu continuu. Nun hai periodu mínimu de validez de los resultaos.