Wikipedia:Pallabres a evitar
De xuru nun hai nenguna pallabra que nun pueda usase nunca na Wikipedia. Siempre hai pallabres apropiaes y pallabres desavenientes y, dependiendo del artículu, unos términos mal escoyíos pueden apareyar una redaición deficiente o tendenciosa. Diches pallabres pueden promover un puntu de vista, ser despreciatibles o faltes de rigor enciclopédico.
Términos qu'evitar
En llinies xenerales, una pallabra o espresión tendría d'evitase si:
- Ye ambigua, nun ye informativa, o nun ye específica
- Ye condenatoria o ofensiva
- Suxer que Wikipedia demostrara sofitu o dulda al respective de un puntu de vista
- Ye condescendiente col llector
- Contién xíriga propia de ciertos grupos en forma innecesaria
- Ye innecesariamente emponderadora
- Ye un clixé
Ye preferible usar sustantivos y verbos específicos más que recurrir a axetivos o alverbios innecesarios. De toes maneres, toles pallabres del idioma asturianu tienen el so llugar en Wikipedia, mentanto s'use de manera precisa, correuta y atamañada.
Referencies temporales relatives
Nun siendo que s'usen en cites o contestos específicos, hai pallabres que la so precisión puede camudar col tiempu. Tenga cuidau al usar, por casu:
- Ayeri, güei, mañana
- Esti mes, el próximu añu, el pasáu 15 de xineru
- Apocayá, anguaño, llueu
- Agora
- Hasta la fecha, hasta'l momentu
- Dende hai 15 años, nos postreros 30 años
- El branu de 2010 (referise a estaciones del añu ye desaconsejable porque los meses nun coinciden en dambos hemisferios)
La llista nun ye cerrada. Ye posible qu'haya casos onde l'usu sí seya aceptable, especialmente en coses que'l so valor nun camude col tiempu o nun tea previstu que lo faiga. «Anguaño X país ta compuestu de Y provincies» puede ser fayadizu al falar de la historia del país, yá que va ser un datu válidu güei y de xuru lo siguirá siendo per años.
Al falar de temes sensibles al tiempu o desactualizables, pue ser apropiáu añader la fecha na que se fai l'afirmación (non la exacta, pero sí l'añu, y quiciabes el mes). Amás, si puede envalorase en qué fecha tendrá de ser revisada y seique modificada esa afirmación, ye bien recomendable inxertar la plantía {{actualizar}} indicando dicha fecha (p. ex. {{ep|actualizar|{{#expr:{{CURRENTYEAR}}+3}}|10|30}} conviértese en {{actualizar|2027|10|30}}), colo que al llegar la mesma avisaráse por aciu una nota y una categorización de la necesidá de revisar.
Como riegla xeneral, tien de considerase cómo se vería l'artículu d'equí a 10 o 20 años si naide lu actualizase.