Whitehall

De Wikipedia
Saltar a: navegación, buscar
Whitehall en 2012. A la izquierda, Monument to the Women of World War II y a la derecha El Cenotafiu. Nel centru, al fondu ve'l Elizabeth Tower, más conocíu como Big Ben.
Whitehall, mirando al sur, en 1740.
En 1799 munchos d'estos sitios, agora ocupaos por grandes edificios gubernamentales, taben ocupaos por cases adosaes en filera.

Whitehall ye una cai de la ciudá de Westminster en Londres, la capital del Reinu Xuníu.

Ye la principal arteria que va escontra'l norte dende la plaza del Parlamentu (Parliament Square) hasta l'estremu sur de Trafalgar Square. A lo llargo d'esta vía pueden atopase munchos edificios gubernamentales, motivu pol cual el nome "Whitehall" ye frecuentemente usáu como un metónimo pa gobiernu alministrativu del gobiernu del Reinu Xuníu, el Serviciu Civil Británicu o al gobiernu mesmu. amás de la estatua de Carlos I y el Cenotafiu.

El nome provien del Palaciu de Whitehall qu'ocupaba la área cercana pero que foi destruyíu en gran parte pol fueu en 1698. Whitehall foi originalmente un camín anchu que xubía hasta la entrada del Palaciu. La plaza de Trafalgar foi construyida nel estremu norte a empiezos del sieglu XIX. Falando puramente, namái los dos terceres partes al norte de la cai ye llamada "Whitehall", el terciu al sur ye llamáu cai del Parlamentu. Sicasí, nun esiste nenguna distinción vultable ente dambes. Estes cais cubren una distancia total averada de 1 km (0,6 milles).

Originalmente la cai del Parlamentu yera un pequenu camín al llau del Palaciu de Westminster. Cuando'l palaciu foi destruyíu y les sos ruines baltaes, la cai del Parlamentu foi ampliada pa encaxar col anchu de Whitehall. L'apariencia actual de la cai ye la resultancia de la remodelación nel sieglu XIX.

La sección central de la cai ta ocupada por edificios militares, incluyendo'l Ministeriu de Defensa y los antiguos cuarteles xenerales del Exércitu Británicu (British Army) y la Marina Real (Royal Navy), l'Edificiu de la Caballería Real Británica (House Guards) y el Almirantazgo respectivamente. El camín tamién agospia una estatua ecuestre del príncipe Jorge, duque de Cambridge, antiguu Comandante en Xefe de l'Armada.

Monumentos y estatues[editar | editar la fonte]

El Cenotafiu[editar | editar la fonte]

Artículu principal: El Cenotafiu (Londres)

El Cenotafiu de Whitehall

El Cenotafiu, el principal monumentu de guerra del país, ta allugáu nel centru d'esta vía, y ye el sitiu onde se realicen les ceremonies añales conmemorativas del Remembrance Sunday. De piedra de Pórtland y diseñáu por sir Edwin Lutyens[1] nello figura una corona funébre en cada estremu y la inscripición «Los gloriosos finaos», a pidimientu del entós primer ministru Lloyd George, en cada llateral.[2]

Monumentu a les muyeres de la Segunda Guerra Mundial[editar | editar la fonte]

Monumentu a les muyeres de la Segunda Guerra Mundial

En 2005, la reina Isabel II desveló'l Monument to the Women of World War II (Monumentu a les muyeres de la Segunda Guerra Mundial), una estatua de bronce de 6.7 m d'altor y 4.9 m de llargu.[3]

Edificios principales[editar | editar la fonte]

Edificios gubernamentales en Whitehall (de norte a sur)[editar | editar la fonte]

Mapa resumen de Whitehall amosando los principales edificios gubernamentales del Reinu Xuníu.

Otros edificios notables en Whitehall[editar | editar la fonte]

Banqueting House[editar | editar la fonte]

Artículu principal: Banqueting House

La Banqueting House, construyida en 1622 por Íñigo Jones, ye la única parte que subsiste del palaciu orixinal. Rubens pintó un techu de dichu edificiu escontra 1630. Carlos I foi executáu'l 30 de xineru de 1649 nun patíbulu alzáu delantre del edificiu, con una pasadera que daba a les ventanes de les ventanes del primer pisu. Los realistes entá conmemoren el regicidio añalmente nel aniversariu de la execución.[ensin referencies]

Teatru Whitehall[editar | editar la fonte]

Artículu principal: Teatru Whitehall

Cais[editar | editar la fonte]

Al estremu nordés de Whitehall, la cai Great Scotland Yard allugaba l'antiguu see de la Policía Metropolitana, y foi l'orixe del so metonimia, Scotland Yard.

Downing Street[editar | editar la fonte]

Artículu principal: Downing Street

Downing Street conduz al estremu suroeste de Whitehall, xusto percima de la cai del Parlamentu (Parliament Street). Yá nun ta abierta al públicu y ta cerrada por dambos extermos per enormes puertes de seguridá alzaes en 1989. Estes puertes fueron complementaes por una barra protectora d'alredor de tres metros fora de les puertes principales, qu'enzanca entá más a los contribuyentes, quien técnicamente son dueños d'estos edificios, apreciar esta famosa cai.

Referencies[editar | editar la fonte]

  1. (n'inglés) «The Cenotaph.» BBC. Consultáu'l 3 de payares de 2014.
  2. (n'inglés) Ficha English Heritage. Consultáu'l 3 de payares de 2014.
  3. (n'inglés) «Memorial to Women of World War II.»
    • Archiváu el 23 de xineru de 2012 na Wayback Machine. National Heritage Memorial Fund. Consultáu'l 3 de payares de 2014.

Enllaces esternos[editar | editar la fonte]


Whitehall