La 40ª edición de la Vuelta a España apostar del 23 d'abril al 12 de mayu de 1985 con un percorríu de 3474 km estremáu nun prólogu y 19 etapes con entamu en Valladolid y final en Salamanca.
Participaron 169 corredores partíos en 17 equipos de los que namái llograron rematar la prueba 101 ciclistes.
El vencedor, l'español Pedro Delgado, cubrió la prueba a una velocidá media de 36,417 km/h.
Ente los favoritos a ganar la carrera, destaquen los españoles Pedro Delgado, Faustino Rupérez y Pello Ruiz Cabestany, ente otros. De la participación estranxera, destaquen Sean Kelly, Eric Caritoux, Peter Winnen o Gianbattista Baronchelli.
Nos primeros díes de carrera, un mozu neoprofesional de 20 años consiguió faese col maillot mariellu. Trátase de Miguel Indurain, que daría enforma que falar nel ciclismu profesional nos años 1990.
La sesta etapa, con final nos Llagos de Cuadonga, foi la primer cita importante de la carrera. Na ascensión final, intentaron demarrar dellos corredores, Lucho Herrera o Robert Millar ente ellos, pero foi finalmente Perico Delgado quien consiguiera alloñase lo suficiente del grupu y ganar la etapa. Coles mesmes, tamién llograba'l maillot mariellu. Sicasí, na etapa del día siguiente, con dellos puertos de monte y final en Alto Campoo, na Sierra de Híjar, producióse una escapada con dellos homes importantes, y Delgado perdió más de tres minutos en llinia de meta, dexando'l lideralgu al so compañeru d'equipu Pello Ruiz Cabesatany, anque Millar taba a namái seis segundos.
Nes etapes apostaes nos Pirineos, Millar llogró alloñase na xeneral mientres el colombianu Francisco "Pacho" Rodríguez axudicábase dos trunfos d'etapa. Delgado siguía perdiendo tiempu na xeneral, y tres la contrarreló d'Alcalá de Henares, atopábase yá a más de seis minutos del líder y paecía finalmente refugáu pa ganar la Vuelta. Detrás de Millar, Francisco Rodríguez taba a namái diez segundos, y quedaben sólos dos etapes.
Sería na penúltima etapa cuando tola situación diera un entorno inesperáu. Mientres l'ascensión a unu de los varios puertos de monte del día, escapóse'l ciclista del equipu Kelme José Recio, y pocu más tarde, xunióse-y Perico Delgado. Los dos corredores se compenetraron a la perfeición y empezaron a aumentar la so distancia respeuto al pelotón. En llinia de meta, los dos escapaos aventayaron en casi siete minutos al escocés Robert Millar, que perdía asina la Vuelta a España, en beneficiu de Pedro Delgado. Francisco Rodríguez, tercer clasificáu, acompañó-yos nel podiu.
España.svg){kind=small}
Robert Millar (Peugeot-Shell-Michelin)
Francisco Rodríguez
Sean Kelly (Skil-Sem-Kas-Miko).svg){kind=small}
Ronny Van Holen (Safir-Van de Ven)
_pictogram.svg){kind=small}
Datos: Q935715