Volkswagen Golf Plus

De Wikipedia
Saltar a navegación Saltar a la gueta

El Volkswagen Golf Plus y CrossGolf ye un monovolume del segmentu C producíu pol fabricante alemán Volkswagen dende l'añu 2005. Tien motor delanteru tresversal, tracción delantera y carrocería de cinco puertes. Ente loa so rivales atópense el Citroën C4 Picasso, el Ford C-Max, el Renault Scénic y el Toyota Corolla Versu. En 2014 el modelu pasa a denominase Volkswagen Golf Sportsvan.[1]

Volkswagen Golf Plus (2005- 2014)[editar | editar la fonte]

El VW Golf Plus utiliza la mesma de plataforma de los turismos del Grupu Volkswagen contemporaneos: l'Audi A3, el SEAT Llión, el Škoda Octavia y el Volkswagen Golf, según la del SEAT Altea, el SEAT Toledo y el Volkswagen Touran, que son monovolúmenes. El Golf Plus ye más baxu y curtiu qu'el Touran, y namái s'ufierta con cinco places, ente que el Touran puede consiguise con siete. A pesar de llamase igual que'l Golf, dambos modelos comparten bien pocos elementos visuales.

Motorizaciones[editar | editar la fonte]

Los motores del Golf Plus son toos de cuatro cilindros en llinia. Les de gasolina son de 1.4 llitros atmosféricu de 75, 80 ó 90 CV, un 1.6 llitros atmosféricu de 102 ó 116 CV, un 1.4 llitros con turbocompresor de 122 CV o con turbocompresor y compresor volumétrico de 140 CV, y un 2.0 llitros atmosféricu de 150 CV. Los Diésel son un 1.9 llitros de 90 ó 105 CV y un 2.0 llitros de 140 CV, toos ellos con turbocompresor ya inyección direuta con alimentación por inyector-bomba.

El Golf Plus ufiertase con caxa de cambeos manual de cinco o seis coles, y una automática de seis coles, y una automática de doble embrague de seis o siete coles.[2]

VW Cross Golf[editar | editar la fonte]

El CrossGolf ye una variante con accesorios decorativos similares a los d'un automóvil touterrén. A diferencia del CrossGolf, el Volkswagen Tiguan (tamién construyíu sobre la mesma plataforma) sí s'ufierta con tracción a los cuatro ruedes; dambos modelos tienen interiores bien similares, el modelu en 2010 recibe una versión igual que la versión plus.[3]

Volkswagen Golf Sportsvan (2014- Presente)[editar | editar la fonte]

El día Llunes 30 de xunu de 2014 créase una nueva xeneración pero'l modelu camuda de denominación y pasa a llamase Volkswagen Golf Sportsvan y deriva de la séptima xeneración del Golf colo cual lleva la plataforma MQB.[4]

Referencies[editar | editar la fonte]

Enllaces esternos[editar | editar la fonte]