Virginia Andreescu Haret

Virginia Andreescu Haret
Vida
Nacimientu	Bucarest, 21 de xunu de 1894
Nacionalidá	Rumanía
Muerte	Bucarest, 6 de mayu de 1962 (67 años)
Familia
Familia	ver Ion Andreescu (es) (tío (es) );
Estudios
Llingües falaes	rumanu
Alumna de	Ipolit Strâmbu
Oficiu	arquiteuta
Trabayos destacaos	Colegio Nacional Gheorghe Șincai (es) ; Colegio Nacional Cantemir Vodă (es)

María Virginia Andreescu Haret (21 de xunu de 1894, Bucarest – 6 de mayu de 1962, Bucarest) foi la primer muyer en llograr el grau d'arquiteuta, reconocida amás por algamar el Cargu d'Inspector Xeneral d'Arquiteutura de Rumanía.^[2]

Primeros años[editar | editar la fonte]

Foi sobrina del reconocíu pintor impresionista rumanu Ion Andreescu. A la edá de nueve años quedó güérfana de madre, y siendo ella la mayor tuvo que faese cargu de los sos hermanos; situación que la fixo crecer con un poderosu sentíu de la responsabilidá y de la disciplina. Nun llar onde abondaben les obres roblaes pol so tíu, tuvo espuesta dende mozu a la fuerte influencia del arte.

Mientres los sos estudios primarios, asistió a la escuela Pitar Mos, y graduóse en 1912 del Llicéu Mihai Viteazul. El mesmu añu empecipió los sos estudios na Escuela Cimera d'Arquiteutura onde non solo foi la primer muyer almitida, sinón la primera n'algamar la calificación más alta d'ingresu de 9.25. En paralelu asistió a la Escuela de Belles Artes, siendo alumna de Ipolit Strâmbu. Mientres la Primer Guerra Mundial, ella realizó una corte na so carrera pa sirvir como enfermera. Darréu retomó los sos estudios y llogró'l grau d'arquiteuta primer muyer en Rumanía- col so proyeutu d'una Escuela de Belles Artes, y pol cual llogró un premiu del Ministeriu d'Educación y Enseñanza.^[3]

En 1920, el so profesor de la Escuela de Belles Artes entamó una esposición con 66 de los trabayos de Andreescu, incluyendo dibuxos y acuareles, que fueron perbién recibíos pola crítica; y la Comisión de Monumentos Históricos mercó 28 de les sos obres pa una esposición permanente. En 1922 realizó un viaxe onde pudo estudiar l'arquiteutura de los Balcanes, y visitó Serbia, Croacia y Eslovenia, tornando con una gran cantidá d'información que lu sirviría de base pa futures publicaciones. Ye d'esti viaxe onde pudo recibir influencies del renombráu arquiteutu eslovenu Jožy Plečnik, quien s'atopaba activu per aquellos años en Liubliana.

Col dineru llográu de la venta de les sos obres, Andreescu viaxó a Roma, onde siguió los sos estudios na recién creada Escuela Rumana de Roma. Mientres un añu y mediu tuvo so la supervisión del Profesor Gr. Bargellini y del Profesor Montecchi, un reconocíu arqueólogu con quién pudo afondar sobre método de construcción tradicionales. El movimientu del Novecento Italianu, que yera popular entós daquella pudo ser de gran influencia pa los sos trabayos posteriores.^[4]

Trayeutoria[editar | editar la fonte]

Depués de completar los sos estudios en Roma, Andreescu tornó a Rumanía na segunda metá de 1923 y empezó a trabayar nel Ministeriu d'Educación Téunica, onde se desempeñó hasta'l so retiru en 1947.

Dempués d'una década d'intensa actividá profesional, en 1928 casóse col inxenieru Spiru I. Haret, sobrín del científicu, educador y políticu Spiru C. Haret. El so matrimoniu tomó la forma d'una sociedá profesional, yá que trabayaron xuntos en numberosos proyeutos. La pareya tuvo un fíu, l'inxenieru Radu Haret, que xugó un rol importante na preservación de la memoria de la so madre, al traviés d'artículos publicaos nes revistes Muzeelor y Arhitectura y de la so propia coleición d'archivos.

El so periodu más abondo foi'l desenvueltu ente los dos grandes guerres. Los trabayos de Virginia Andreescu fueron bien variaos y asocédense ente toles llinies estilístiques presentes na primer metá del sieglu XX: de proyeutos con llinies claramente clasicistes a neorrománicos, siguíos d'Art Deco ya influencies Modernes, y terminando la so carrera con proyeutos funcionalistes pa escueles.^[5]

Depués de diseñar y construyir alredor de cuarenta edificios, foi designada Inspector Xeneral d'Arquiteutura, siendo asina la primer muyer n'algamar esti puestu. De la mesma ente les múltiples facetes d'esti particular personaxe puede dicise qu'al pie de Nicolae Ghica-Budești publicaron una hestoria de l'arquiteutura conformada por cuatro volumes.

Ente'l so obres destáquense'l Llicéu Gheorghe Sincai (1920), la Villa Colonel Cezar Golici (1928), el Palaciu pa la Sociedá Tinerimea Rumana (1923-1927), la Villa Dem. Iurascu (1935), los sos dos residencies familiares (1926 y 1931 respeutivamente), y el Casino de Govora (1928-1929).^[6]

Marcada por llargues busques estétiques y plástiques, la carrera d'esta arquiteuta guardó un llugar especial pal Art Deco y el Movimientu Modernu, fechu que se pon de manifiestu nel diseñu de les sos propies residencies familiares, nes cualos vivió ente 1934 y 1962, hasta la so muerte'l 6 de mayu d'esi añu.^[4]

Ver tamién[editar | editar la fonte]

Muyeres na arquiteutura

Referencies[editar | editar la fonte]

↑ Afirmao en: Artists of the World Online. Identificador AKL Online de artista: 40557365. Apaez como: Maria Virginia Haret-Andreescu. DOI: 10.1515/AKL. Llingua de la obra o nome: alemán. Data d'espublización: 2009. Editorial: K. G. Saur Verlag. ISSN: 2750-6088.
↑ FOTO Virginia Andreescu Haret, prima femeie arhitect din România (I). adevarul.ro. 1366187828. http://adevarul.ro/news/bucuresti/semeya-virginia-andreescu-haret-femeie-arhitect-romania-i-1_516d8939053c7dd83f15d8cf/index.html. Consultáu'l 21 d'avientu de 2017.
↑ «Virginia Haret-Andreescu - Enciclopedia României - prima enciclopedie online despre România» (rumanu). Consultáu'l 21 d'avientu de 2017.
↑ ^4,0 ^4,1 Cufré, Pedro (11 d'avientu de 2017) (en castellanu). VIRGINIA ANDREESCU HARET 1894-1962. UN DIA | UNA ARQUITEUTA 3. https://undiaunaarquitecta3.wordpress.com/2017/12/11/virginia-andreescu-haret-1894-1962/. Consultáu'l 20 d'avientu de 2017.
↑ Bostenaru Dan, Maria (2013). «Virginia Haret – The First Woman Architect in the World». Review of European Studies (Canadian Center of Science and Education) 5 (5): páxs. 172-186. ISSN 1918-7173. http://www.ccsenet.org/journal/index.php/res/article/viewFile/30102/18654.
↑ «The casino in Govora, an unfinished architectural monument | Casino Inside – Revista industriei de Gambling!» (inglés). Consultáu'l 21 d'avientu de 2017.

Enllaces esternos[editar | editar la fonte]

Esti artículu o parte d'él deriva de la páxina Cufré, Pedro (2017), VIRGINIA ANDREESCU HARET 1894-1962 del portal Un día / una arquiteuta 3, que los sos conteníos orixinales tán publicaos so la Llicencia Creative Commons Atribución-CompartirIgual 4.0 Internacional

[01e8c9a40e145dce709fe9b06ab22b49e1287b4a-1] Afirmao en: Artists of the World Online. Identificador AKL Online de artista: 40557365. Apaez como: Maria Virginia Haret-Andreescu. DOI: 10.1515/AKL. Llingua de la obra o nome: alemán. Data d'espublización: 2009. Editorial: K. G. Saur Verlag. ISSN: 2750-6088.

[2] FOTO Virginia Andreescu Haret, prima femeie arhitect din România (I). adevarul.ro. 1366187828. http://adevarul.ro/news/bucuresti/semeya-virginia-andreescu-haret-femeie-arhitect-romania-i-1_516d8939053c7dd83f15d8cf/index.html. Consultáu'l 21 d'avientu de 2017.

[3] «Virginia Haret-Andreescu - Enciclopedia României - prima enciclopedie online despre România» (rumanu). Consultáu'l 21 d'avientu de 2017.

[:0-4] 4,0 ^4,1 Cufré, Pedro (11 d'avientu de 2017) (en castellanu). VIRGINIA ANDREESCU HARET 1894-1962. UN DIA | UNA ARQUITEUTA 3. https://undiaunaarquitecta3.wordpress.com/2017/12/11/virginia-andreescu-haret-1894-1962/. Consultáu'l 20 d'avientu de 2017.

[5] Bostenaru Dan, Maria (2013). «Virginia Haret – The First Woman Architect in the World». Review of European Studies (Canadian Center of Science and Education) 5 (5): páxs. 172-186. ISSN 1918-7173. http://www.ccsenet.org/journal/index.php/res/article/viewFile/30102/18654.

[6] «The casino in Govora, an unfinished architectural monument | Casino Inside – Revista industriei de Gambling!» (inglés). Consultáu'l 21 d'avientu de 2017.

[1]

[2]

[3]

[4]

[5]

[6]