Vipera seoanei

De Wikipedia
Saltar a navegación Saltar a la gueta
Wikipedia:Correxir

La víbora de Seoane o víbora cantábrica (Vipera seoanei) ye una especie de víbora presente na cornisa cantábrica d'España, el suroeste de Francia y el norte del Portugal. Puede algamar los 70 cm de llargor.[1] Debi'l so nome al naturalista gallegu Víctor López Seoane.[2]

Descripción[editar | editar la fonte]

Ye una víbora de talla mediana, en comparanza con otres especies europees, con una cabeza grande y el focico estrapáu o llixeramente llevantáu. La cola ye pequena (10-15% del total). Los adultos pueden algamar los 70-75 cm de llargor total, pero usualmente varien ente los 45 y 58 cm. Ye una especie bien polimórfica, con una variación individual y xeográfico notable.

Les marques vertebrales y llaterales son bien variables, con cuatro patrones distintos:[3]

  • Clásicu: Ye'l más característicu; la coloración de fondu dorsal y llateral ye beige o gris claru. Nel envés hai una banda llonxitudinal más escura con marques negres alternes o opuestes que pueden formar una banda en zigzag bien desenvuelta.
  • Bilineata: La banda llonxitudinal ta dixebrada en dos bandes llonxitudinales dorsolaterales sobre un fondu xeneralmente negru y uniforme.
  • Cantábrica: Esiste un amenorgamientu o ausencia total de la banda llonxitudinal. El zigzag dorsal ye más estrechu y puede ser atayáu formando bandes negres tresversales sobre fondu gris.
  • Uniforme: Ta caracterizáu por una coloración de fondu gris escura, homoxénea, ensin marques escures nel llau dorsal.

Los individuos melánicos son más frecuentes n'árees de monte. El llau ventral ye menos variable, siendo de color gris escuru o negru con pequenos llurdios blancos nos cantos llateral y posterior de les escames ventrales. La punta de la cola puede ser mariella o naranxa.

Taxonomía[editar | editar la fonte]

Foi descrita primeramente por Lataste en 1879 como una subespecie de la víbora europea (Vipera berus) y clasificada como Vipera berus seoanei, estatus que caltuvo mientres casi un sieglu, hasta que, atendiendo a les diferencies na morfoloxía esterna, Saint Girons & Duguy alzaronse al rangu d'especie en 1976 clasificándola como Vipera seoanei.[4][5] Anguaño reconócense dos subespecies, la forma nominal Vipera seoanei seoanei y la subespecie Vipera seoanei cantabriaca, anque individuos morfológicamente distintos y entemedios pueden ser topaos xuntos.

Vipera seoanei seoanei[editar | editar la fonte]

La subespecie nominal caracterizase por tener un númberu amenorgáu d'escames ventrales (137). Ye bien polimórfica, con importantes variaciones nel patrón de coloración (inclúi los patrones Clásicu, Uniforme, Bilineata y melánico), nel nivel de fragmentación de les escames cefáliques y na tosicidá del venenu. Nes poblaciones del País Vascu, Cantabria y árees costeres y centrales d'Asturies, les escames cefáliques tán pocu estazaes, los individuos tienen frecuentemente'l patrón Clásicu y el venenu menos tóxicu. Nes poblaciones de Galicia les escames tán más estazaes y el patrón Clásicu ye menos frecuente. Nos Picos d'Europa esiste una elevada proporción d'individuos con ñ los patrones de coloración Bilineata y Uniforme y la tosicidá del venenu ye entemedia cola otra subespecie.

Distribución y hábitat[editar | editar la fonte]

Distribución[editar | editar la fonte]

La so área de distribución ocupa'l norte y noroeste de la Península Ibérica dende Galicia y l'estremu norte de Portugal hasta Navarra. Anque la so distribución estiende unos pocos kilómetros per árees bien alcontraes del estremu suroeste de Francia, esta especie considérase un endemismu ibéricu.[6] La área de distribución ye principalmente parapátrica cola distribución de les otres víbores ibériques (V. latastei y V. aspis), lo que ye un patrón típicu de los vipéridos europeos.

La subespecie cantabrica distribuyese pola metá norte de Llión, suroeste d'Asturies y sureste de Galicia a una altitú media de 800 – 1000 m sobre'l nivel del mar. Pela so parte la forma nominal (Vipera seoanei seoanei) estendese dende l'estremu norte de Portugal percima del ríu Douru hasta Navarra y l'estremu suroeste del pirineo francés, y l'altitú media onde habita ye de 600 m anque puede atopase dende 0 a 1600 m sobre'l nivel del mar.[6]

Hábitat[editar | editar la fonte]

L'hábitat característicu de V. seoanei ye homoxéneu en tola so área de distribución, ocupando montes abiertos y húmedos de Quercus robur y Quercus pyrenaica, zones d'alcuentru ente montes y praos y árees con abondosa vexetación basal que dexen l'actividá de termoregulación. Al igual que la mayoría de vipéridos europeos habita xeneralmente llugares onde predominen los felechos, una y bones esti tipu de planta favorez la so camuflaje.

Esisten delles diferencies apreciables nes preferencies de dambes subespecies. La V. seoanei cantábrica prefier llugares menos húmedos, más próximos al monte mediterraneu, con predominiu de carbayos y uz, mientres V. Seoanei seoanei escueye zones de mayor mugor.[6]

Depredación[editar | editar la fonte]

Ye depredada por rapazos como la águila culebrera (Circaetus gallicus), el busardo ratoneru (Buteo buteo), y mamíferos como'l foín (Vulpes vulpes), la llondra (Lutra lutra), el gatu montés (Felis silvestris) y la gineta (Genetta genetta).

Amenaces[editar | editar la fonte]

El principal factor qu'amenacia a la especie ye la destrucción de los hábitats, por cuenta de la intensificación de l'agricultura, cola destrucción de los marxes de los montes y murios de piedra y el plantíu estensivu de Pinus y Eucalyptus. La persecución directa y los atropellos na carretera son factores d'amenaza adicionales pa esta especie. En Francia les poblaciones tán aisllaes y delles amenaciaes pola urbanización del so hábitat. En Portugal les poblaciones tán aisllaes, y la zona d'ocupación y calidá de los hábitats tán en continuu cayente.

Referencies[editar | editar la fonte]

  1. Azara, C. B. 1995.
  2. http://ijcec.es/index.php?sec=lseoane1 Las investigaciones sobre invertebrados de Víctor López Seoane
  3. Bea, A., Bas, S., Braña, F., Saint-Girons, H. (1984) Morphologie comparée et repartitition de Vipera seoanei (Lataste, 1879), en Espagne.
  4. Lataste, F. (1879).
  5. «Le statut de Vipera seoanei Lataste, 1879». Bulletin de la Société Zoologique de France 101:  pp. 729-730. 
  6. 6,0 6,1 6,2 «La Víbora de seoane - Vipera seoanei Lataste, 1879». Consultáu'l 31 de mayo de 2015.

Enllaces esternos[editar | editar la fonte]