Villanueva (Cangues d'Onís)

Villanueva ye una parroquia del conceyu asturianu de Cangues d'Onís. Comparte'l so territoriu col conceyu vecín de Parres, y tien un estensión, na parte canguesa (la qu'ocupa la oriella derecha del ríu Sella), de 6,17 km². Viven nella, nos llugares de Les Roces y Villanueva, 201 persones (INE, 2007).

En Villanueva s'alcuentra el monasteriu de San Pedru. Creáu, según la tradición, como ilesia na dómina de Alfonsu I, foi remocicáu nel sieglu XII nel estilu románicu. D'aquella foi cuando pasó a ser un monasteriu benedictinu. D'aquel tiempu está caltién delles partes cola so traza orixinal: dellos ábsides y portaes, los muros de la nave de la ilesia... Ficiéron-y reformes otra vuelta nel sieglu XVII: tiraron la torre románica, faciendo la que puede vese anguaño, y remocicaron el claustru. Desamortizáronlu en 1835, y, magar foi declaráu Monumentu Nacional en 1907, taba abondo deterioráu cuando foi restauráu, en 1964, según el proyeutu de los arquitectos Francisco Pons y Ramiro Moya. Dende 1998 ye un Parador Nacional de Turismu.