Viesca

De Uiquipedia
Saltar a: navegación, buscar
Viesca na Seronda.

Una viesca ye una superficie con gran densidá d'árboles. Cuando la estensión de la viesca ye pequeña suelen emplegase términos como viescu, mata o monte.

Les viesques tópense en toles rexones nes que ye posible'l so crecimientu, hasta l'altitú llamada "la llinia de los árboles" (llinia tope imaxinaria según la que nun se da'l crecimientu, pola mor del fríu o de la escasez d'oxíxenu) y esceptu en zones de baxa pluviosidá o riesgu frecuente d'incendios naturales.

Ye corriente estremar les viesques naturales ( o primaries ) y les artificiales, creaes pola intervención del home. En realidá, na mayoría de los casos esti desamecimientu nun tien munchu sentíu, ya que na práctica córtase madera en cuasi toles viesques. Sólo delles viesques tropicales o boreales siguen siendo naturales.

En xeneral, les viesques tienen un gran númberu d'árboles de diferentes especies y altures combinaos con capes de vexetación baxa, lo que fai una bona distribución de la lluz del sol.

Una viesca, na so forma natural, ye l' hábitat de munches especies animales y vexetales, y el pesu de la so biomasa nun quilómetru cuadráu ye mui altu comparáu con otros ecosistemes.


La viesca cubre'l 30 % de la superficie non inundada de la tierra.

La ciencia que estudia les viesques como esplotación comercial llámase silvicultura.

viesca
Wikimedia Commons tien archivos rellacionaos con: