Viḷḷayana

De Wikipedia
Saltar a navegación Saltar a la gueta
Blue globe icon.svgViḷḷayana
Villayana.jpg
Alministración
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuBandera de Lena.svg Ḷḷena
Partíu xudicial Ḷḷena
Tipu entidá parroquia d'Asturies
Nome oficial Viḷḷayana
Xeografía
Demografía
Cambiar los datos en Wikidata

Viḷḷayana[1] ye una parroquia del conceyu asturianu de Ḷḷena. Asitiada na fastera más septentrional del conceyu, tien una estensión de 11,31 km² y llenda: al norte col conceyu de Mieres, al este cola parroquia de Carabanzo, al sureste col conceyu d'Ayer, al sur cola parroquia de La Pola y al oeste cola de Muñón Cimiru, ye la tercer población del conceyu de Ḷḷena, depués de La Pola y Campumanes.

Toponimia[editar | editar la fonte]

La opinión común xeneralizada ye que'l topónimu procede del axetivu llatín plana (lisa, llana). Aunque parez más correcta la rellación con “villa iuliana”, pola condición de población asentada na continuidá de la Via Romana de La Carisa, sedría por tanto una villa dedicada a la familia de los emperadores romanos.

Historia[editar | editar la fonte]

La parroquia tuvo gran importancia nel Camín de Santiago, los nomes de los caserones denoten la condición de pasu como L´Hospitalón, L´Alberguería, El Portalón, La Venta, La Casa Postes. Toos ellos casi desapaecíos o mui modificaos pero que recuerden la so función hospitalaria. Tenía ún de los hospitales de pelegrinos más antiguos de la ruta xacobea per Asturies, la datación más antigua de la que se tien constancia fai referencia al añu 1619, el hospital llegó a tener más de sesenta censos impuestos, manteniéndolos polo menos hasta'l 1833.

Destaca tamién la importancia na actividá artesana y industrial; nel 1846 en La Bárcena la compañía “Jacquet y Cía.” funda la fábrica d'aceros, sería la tercera d'Asturies (anteriormente instaláronse otres n'Avilés y Trubia).

El primer direutor foi l'inxenieru de mines D. Adriano Paillete, el fierro importábase de Vizcaya y hasta de Suecia, l'óxidu colloráu sacábase de les mines de L'Aramo y Teyeo, el combustible pa los fornos conseguíase casi al pie de la fábrica, carbón de “La Estrepitosa”. Los productos d'esta fábrica consiguieron medaya d'oru na Exposición Española del 1850 y medaya de plata na Exposición Universal de Londres del 1851. En plena producción y fama cambió de dueñu, pasando a la Sociedá Hullera y Metalúrxica Asturiana (Llangreo) lo que propició un descensu tanto de producción como de calidá. Pa frenar el deterioru trespasóse a D. Numa Guilhou, gran expertu nestos negocios pero que nun consiguió evitar el pieslle nel 1871.

La teyera de Viḷḷayana

Viḷḷayana figura tristemente na historia ferroviaria asturiana por ún de los accidentes más graves del ferrocarril asturianu. El 10 d'abril del 1950 l'Expresu Madrid-Xixón salióse de la vía sobre les cases del Auxiliu Social (dábase esti serviciu al acabar la guerra nuna d'elles). La cifra de muertos y feríos tratóse de mantener oculto, énte la sospecha d'un posible atentáu, yá que nos vagones viaxaben delles personalidaes. Nel sitiu del accidente contabilizáronse 18 fallecíos y más de setenta feríos (dellos, finaron nos díes posteriores).

Demografía[editar | editar la fonte]

La parroquia tien una población de 590 habitantes según datos del INE del 2015, distribuíos en 290 homes y 291 muyeres.

Padremuñu[editar | editar la fonte]

Hospital de nuestra señora de l'Alberguería: construíu nel s. XVI, yera ún de los más antiguos y importantes del Camín de Santiago pola antigüedá y polos bienes. Nel 1897 D. Juan Menéndez Pidal escribía: “Los pelegrinos llegaben a la puesta de sol, recibíen cena y cama y a la mañana almuerzu cenciellu al siguir el camín. La obra-pía extendía tamién l'acción benéfica a otros fines, teniendo vaques de lleche y xugos de bueis p'ayudar a los vecinos probes que nun tuviesen ganáu propiu o en coomuña”.

Capilla del Cristu del Amparu: incluida nel Inventariu de Padremuñu Cultural d'Asturies. Apaez mencionada nel 1645 con ocasión de la visita del canónicu de la catedral d'Uviéu al Hospital de Viḷḷayana. De mano, contaba con una imaxe de Nuestra Señora que se sustituyó a mediaos del S. XVII pol del Santu Cristu de la Misericordia. Nel añu 1950 la capilla convirtióse n'ilesia parroquial.

Iglesia de Samartino- Na actualidá ye un edificiu con reformes importantes nel sieglu XIX sobre un edificiu n'esencia románico. Con planta de cruz llatina y cabecera semicircular. Nel añu 1698 Gerónimo de Villa, mayestru dorador y pintor d'Uviéu, pintó y doró dos retablos collaterales, de los que se conserven delles partes integrae nos retablos actuales.

Fuente de Viḷḷayana- Frente a la ilesia parroquial ye de fundición con decoraciones de cabeces d'animales.

Poblaciones[editar | editar la fonte]

La parroquia de Viḷḷayana, según el nomenclátor del 2009, ta formada polos siguientes pueblos:

  • Cabo
  • La Canterona
  • El Casqueyu
  • La Caseta
  • El Castiiḷḷu
  • El Questru
  • La Coḷḷá
  • La Corraona
  • La Corrona
  • Fresneo
  • Misiegos
  • La Mora
  • El Padrún
  • El Riquixu
  • Retruyés
  • Samartino
  • Vaḷḷines
  • La Vega
  • Vegamuro
  • La Viña
  • Viscarrionda
  • El Reteḷḷón
  • La Teyera
  • Son otros caseríos: L'Acebal, La Bárzana, La Calzá, El Cantarillón, La Escaldá, Malpica, La Pena'l Cuirvu, El Quentu'l Culibriru, La Quintana, El Quintanal, El Requexón, Retalente, La Sapera, Les Tercies, El Vaḷḷe, La Venta, Villasola y La Yana

Personaxes[editar | editar la fonte]

  • Ángeles Losada Gafo: Natural y vecina de Viḷḷayana, estudió deliniante na Escuela d'Artes y Oficios d'Uviéu y Arte y Decoración. Dende 1992 dedícase exclusivamente a pintar y dar clases de dibuxu y pintura. Foi primer premiu nel concursu de Tarxetes de Navidá de La Pola nel 1975, finalista nel III Certame Nacional de Pintura “Adolfo Lozano Sidro” en Córdoba, ilustradora de la Edición de Cuentos Premios del Concursu Internacional de Cuentos Lena. Xuráu del Concursu de Dibuxu y Pintura la Aire Llibre qu'organiza'l Conciyu de Ḷḷena.
  • Alejandro Fernández Osorio:(Viḷḷayana,1984),llicenciáu en Psicoloxía pola Universidá de Salamanca, Especialista en Teoría y Psicoterapia Psicoanalítica, Máster n'Estudios Lliterarios pola Universidá Complutense de Madrid. Tien tres poemarios publicaos:La exactitud del instante (2008), Frontería (2012) –Premiu Asturias Joven de Poesía 2011- y Magaya (2014).4 Fiestes y feries[editar] Fiestes Benditu Cristu del Amparu – El segundu fin de selmana de setiembre, n'honor al Cristu del Amparu.

Emplegu[editar | editar la fonte]

Na actualidá (2016) na marxe del ríu alcuéntrase'l polígonu industrial con dos empreses importantes asentaes: Rioglass Solar I, pa la producción de paneles solares. El Zinc5, pa la producción de bovines y chapes de zinc Y yá dende fai años una gasolinera en dambos dos sentíos de circulación de l'Autovía Ruta de la Plata|autovía A-66|autovía A-66

Referencies[editar | editar la fonte]

1. Volver p'arriba↑ Ayuntamiento de Lena (Ḷḷena)/Ayuntamiento de Lena «Ayuntamiento de Lena»]. Consultáu'l 21/04/2016.

2. Volver arriba↑ «Lena en el tiempo- José Antonio Vega». Consultáu'l 21/04/2016.

3. Volver arriba↑ Camino de Santiago Primitivo «El Camino de Santiago Primitivo». Consultáu'l 21/04/2016.

4. Volver arriba↑ «Primer libro de Alejandro Fernández». Consultáu'l 21/04/2016.

Bibliografía[editar | editar la fonte]

• Actividad minera e industrial en Lena : siglos XIX y XX / [Cristina Fernández Bustamante ; presentación, Ramón Argüelles ; prólogo, Javier Fernández López]. -- [La Pola, Lena] : Cristina Fernández Bustamante, [2015] ([La Pola, Lena] : Gráficas Lena • La ruta jacobea en Asturias / Alberto Montero Prieto. ISBN 84-604-7323-

Flag of Asturias (indoor).svg Parroquies de Ḷḷena Bandera de Lena.svg
Cabezón | Campumanes | Carabanzo | Casorvía | Castieḷḷo | Columbieḷḷo | Congostinas | Chanos de Somerón | Erías | Felgueras | Muñón Cimiru | Muñón Fondiru | Parana | Payares | Piñera | La Pola | Las Puentes | Samiguel del Río | Sotieḷḷo | Teyeo | Tuíza | Viḷḷayana | Xomezana | Zurea