Veriña

Veriña
Alministración
País	España
Autonomía	Principáu d'Asturies
Provincia	provincia d'Asturies
Conceyu	Xixón
Partíu xudicial	Xixón
Tipu d'entidá	parroquia d'Asturies
Xeografía
Coordenaes	43°32′30″N 5°42′41″W / 43.54159°N 5.71131°O
	Veriña Veriña (Asturies)
Superficie	2.73 km²
Altitú	22 m
Llenda con	Xixón, Puao, Carrió y Prevera
Demografía
Población	710 hab. (2024); - 312 homes ; - 293 muyeres
Porcentaxe	0.26% de Xixón
Densidá	260,07 hab/km²

Veriña^[2] ye la parroquia más pequeña del conceyu de Xixón, na Comunidá autónoma d'Asturies. Per ella pasa'l ríu Aboño.

Tien una estensión de 2,73 km²^[3], y una población de 710 habitantes (2024)^[4].

Asitiada nel occidente del conceyu, ye ún importante nudu ferroviariu, ya que cuenta con una estación de Renfe y un apeaderu de FEVE.

Llocalidaes

Nᵘ	Nome	Población	% población Veriña
1	Veriña de Baxo	60	8,458,45%
2	Veriña de Riba	650	91,5591,55%

Sitios

El Monte
El Puente Secu
La Estación
La Falconera
La Piñona
Samartín

Pasáu y presente industrial

Contaba a finales del sieglu XIX con una "Gran fábrica de Licores y Aguardientes", perteneciente a la razón social de los Sres. M. Cuesta y Compañía, asitiada a ochocientos metros de la estación. Según la publicidá de la dómina fabricaba y vendía licores de todas las clases, especialmente el riquísimo ANISETE DE VERIÑA.

Igualmente contó con una importante fábrica azucrera, la primer asitiada n'Asturies d'esti ramu, que tuvo activa hasta los años sesenta, condicionando los cultivos agrícoles de la parroquia y de la redolada dedicaos en bona midida a la remolacha. Establecióse nel añu 1893, con un capital social de 1.500.000 pesetes, y ocupaba una superficie de dos hectaries, nun tarrén averáu a la llinia del ferrocarril de Xixón a Madrid.

La factoría siderúrxica de Veriña (Arcelor), en realidá ta asitiada en tarrén perteneciente a la parroquia de Fresno.

Deporte

Veriña cuenta con unu de los equipos de fútbol base de mayor sonadía del conceyu de Xixón, y que tien algamao importantes trunfos deportivos: el Veriña C.F. Por él pasaron xugadores que con posterioridá llegaríen al profesinalismu de la mano d'equipos como'l Sporting o l'Uviéu.

Fiestes y cultura popular

El 11 de payares celebra la fiesta de Samartín na capiella del mesmu nome, asitiada nun altu averáu a la factoría d'Arcelor.

El nome de la parroquia ye popular nel mundu del folklore asturianu de la mano de José Antonio García Suárez, El Gaiteru de Veriña, anque realmente naciera en Puao en 1928.

Referencies

↑ Afirmao en: Q107986385. Editorial: Institutu Xeográficu Nacional d'España.
↑ «Espediente colos topónimos oficiales de Xixón». BOPA.
↑ Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.
↑ Nomenclátor del INE: Población del padrón continuo por unidad poblacional. (Institutu Nacional d'Estadística).

Enllaces esternos

Veriña n'OpenStreetMap.

Parroquies de Xixón

	1 Serín 2 San Andrés de los Tacones 3 Fresno 4 Puao 5 Veriña 6 Xove 7 Xixón 8 Somió 9 Cabueñes 10 Deva	11 Caldones 12 Valdornón 13 Fano 14 Llavandera 15 Samartín de Güerces 16 Llorio 17 La Pedrera 18 Ruedes 19 L'Abadía Cenero 20 Porceyo	21 Tremañes 22 Roces 23 Granda 24 Castiello Bernueces 25 Vega 26 Santurio

[295a86791112e9f6fb69c894402525c5375513b3-1] Afirmao en: Q107986385. Editorial: Institutu Xeográficu Nacional d'España.

[toponimia-xixon-2] «Espediente colos topónimos oficiales de Xixón». BOPA.

[3] Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.

[4] Nomenclátor del INE: Población del padrón continuo por unidad poblacional. (Institutu Nacional d'Estadística).

[1]

[2]

[3]

[4]