Branín de San Xuan

De Wikipedia
(Redirixío dende Veranín de San Xuan)
Saltar a navegación Saltar a la gueta

El Veranín o Branín de San Xuan ye un fenómenu meteorolóxicu que se produz en América del Sur y en América Central, pol cual mientres dellos díes rexistren condiciones atípiques pa un mes ivernizu. Nel casu de Suramérica, los frentes fríos subantárticos nun llogren xubir escontra'l norte, polo que les temperatures suelen algamar valores altos pa la dómina del añu, cuantimás na parte que ta nel Hemisferiu Sur; nel casu d'América Central, hai una interrupción de la estación de les agües.

Orixe del nome[editar | editar la fonte]

Llámase-y de San Xuan yá que suel producise alredor del 24 de xunu (día de San Xuan), fecha escontra la que se produz el solsticiu d'iviernu nel Hemisferiu Sur.

Exemplos xeográficos[editar | editar la fonte]

Al sur del trópicu de Capricorniu, en Arxentina,[1] Paraguái, Chile, Uruguái el veranín de San Xuan asocede al empiezu del iviernu cuando les temperatures tán baxes. Mientres esti fenómenu apruz abruptamente un frente d'aire templao dende'l norte qu'alza mientres aprosimao una selmana les temperatures hasta rondar inclusive los 30 °C en delles zones[ensin referencies], tres esa selmana de "veranín" ivernizu les temperatures vuelven cayer sópito y l'iviernu sigue.

En Barranquilla, Colombia, mientres los meses d'avientu y xunu soplen los vientos alisios del nordés y del sureste respeutivamente (que son secantes), produciendo'l Branín de San Xuan.[2] Ye por esto que nesa dómina na ciudá suramericana vívese un ambiente paecíu los díes alredor del 22 d'avientu (fecha del solsticiu de branu nel Hemisferiu Sur) y los díes alredor del 24 de xunu (fecha del solsticiu de branu nel Hemisferiu Norte), con díes soleyeros, airosos y con cielu estenu.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]

Veranito de San Juan