Van Halen

De Wikipedia
Van Halen
Datos
Tipu grupu musical
Miembros Michael Anthony, Eddie Van Halen, Alex Van Halen, Wolfgang Van Halen, David Lee Roth, Sammy Hagar, Mark Stone y Gary Cherone
Xéneru hard rock
Sellu discográficu Warner Bros. Records
País Bandera de Estaos Xuníos d'América Estaos Xuníos
Orixinarios de Pasadena
Fecha fundación 1972
Fecha disolución 2020
Web oficial
Cambiar los datos en Wikidata

Van Halen ye una banda de Hard rock d'Estaos Xuníos formada por Eddie Van Halen, Alex Van Halen y Mark Stone en Los Angeles, California, en 1972. Más tarde Stone alloñaríase del grupu, ingresando'l cantante David Lee Roth y el baxista Michael Anthony, conformando l'alliniación clásica.

Carrera[editar | editar la fonte]

Van Halen algamó la fama rápido col so primer álbum debú homónimu en 1978, llargamente consideráu como un hit del rock, algamando ventes n'Estaos Xuníos cimeres a les 10 millones de copies y siendo calificáu n'agostu de 1996 como discu de diamante.

Muncha de la fama ganada nos sos empiezos débese a l'habilidá de Eddie Van Halen, que ye consideráu unu de los más influyentes ya innovadores guitarristes llétricos de tolos tiempos. La banda tuvo 3 vocalistas: David Lee Roth, Sammy Hagar y Gary Cherone, y mientres los años 80 tuvo más hits na revista Billboard que nenguna otra banda de Hard rock o Heavy metal.

Editando 12 álbumes dende 1978 hasta l'actualidá, Van Halen ta nel puestu númberu diecinueve de les bandes que más álbumes vendieron nos Estaos Xuníos, con un total de 56 millones de copies, y 90 millones mundialmente. Van Halen tamién ye una de les 5 bandes de rock que cunten con 2 álbumes que vendieron más de 10 millones de copies nos Estaos Xuníos, y nel añu 2007 fueron incluyíos nel "Salón de la Fama del Rock".

Dempués de ser nomaos 3 vegaes al premiu Grammy, ganaron el primeru pol so álbum "For Unlawful Carnal Knowledge" (1991), que tamién-yos otorgó'l premiu AMA. Nel añu 2004 la banda decidió tomar un descansu de los escenarios al rematar el tour con Sammy Hagar, quien decide alloñar el grupu. Dempués de la posterior 'esclusión' de Anthony en 2006, cuando Eddie anunció que'l nuevu baxista sería'l so fíu Wolfgang, y dempués de delles especulaciones del regresu de la banda con David Lee Roth, nel añu 2007 la banda tornó a los escenarios nun tour con Roth polos Estaos Xuníos que siguió hasta 2008.

N'agostu de 2010 la compañía discográfica Warner Bros. Records realizó una conferencia de prensa na qu'informaron que Van Halen llanzaría un nuevu álbum d'estudiu, y entamaba un tour pa 2011. N'ochobre-payares de 2011 confirmáronse rumores de que Van Halen, tres más de 30 años con Warner Bros. Records, roblaría con Interscope Records pal llanzamientu del nuevu álbum "A Different Kind of Truth", confirmáu pal 7 de febreru de 2012.

Discografía[editar | editar la fonte]

  • Van Halen (1978)
  • Van Halen II (1979)
  • Women and Children First (1980)
  • Fair Warning (1981)
  • Diver Down (1982)
  • 1984 (1984)
  • 5150 (1986)
  • OU812 (1988)
  • For Unlawful Carnal Knowledge (1991)
  • Balance (1995)
  • Van Halen III (1998)
  • A Different Kind of Truth (2012)

Referencies[editar | editar la fonte]

Enllaces esternos[editar | editar la fonte]