Valeriano León

De Wikipedia
Saltar a navegación Saltar a la gueta
10-06-2019 11:16
Valeriano León
Valeriano León.JPG
Vida
Nacimientu Madrid15  d'avientu de 1892
Nacionalidá Bandera d'España España
Fallecimientu

Madrid13  d'avientu de 1955

(62 años)
Familia
Casáu/ada con Aurora Redondo
Estudios
Llingües castellán
Oficiu
Oficiu actor de cine y actor de teatru
Trabayos destacaos Es mi hombre
Don Floripondio
A los pies de usted
El Padre Pitillo
IMDb nm0508275
Cambiar los datos en Wikidata

Valeriano León (15  d'avientu de 1892Madrid - 13  d'avientu de 1955Madrid) foi un actor de cine y teatru asturianu.

Biografía[editar | editar la fonte]

Caricaturizáu por Tovar (1921)

Nació na llocalidá asturiana de Cualloto, en Siero, el 15 d'avientu de 1892. Formáu nel teatru cuando entá yera un neñu, más tarde entra a formar parte de la Compañía Chicote-Prado, cola que realiza xires por Llatinoamérica.

Al so regresu a España, reinicia la so trayeutoria teatral y atopóse-y na quema del Teatru Arriaga de Bilbao cola compañía de Salvador Videgain na Navidá de 1914.

En 1925 contrái matrimoniu cola actriz Aurora Redondo, cola que collecha un enorme ésitu interpretando la obra de Carlos Arniches Es mi hombre (1921). Poco dempués el matrimoniu forma la so propia compañía teatral percorriendo los principales teatros españoles con numberoses comedies.

En 1935 lleva aquel personaxe al cine, no que foi'l so debú na gran pantalla, de la mano de Benito Perojo. Un añu dempués empecipia'l rodaxe del filme Don Floripondio, que nun pudo estrenase hasta'l final de la Guerra Civil.

Hasta'l so fallecimientu siguió trabayando sobre los escenarios y rodó ocho películes más, ente les que destaquen A los pies de usted (1945) y El Padre Pitillo (1954), de Juan de Orduña. El so entierru ye recoyíu en portada del diariu ABC como una multitudinaria amuesa de ciñu popular.[1][2]

Premios[editar | editar la fonte]

Referencies[editar | editar la fonte]

  1. «Entierro de Valeriano León» (castellanu). ABC (15 d'avientu de 1995). Consultáu'l 10 de xunu de 2019.
  2. «Algunos recuerdos de la vida de Valeriano León» (castellanu). ABC (15 d'avientu de 1995). Consultáu'l 10 de xunu de 2019.
  3. «Premios del CEC a la producción española de 1955» (castellanu). CEC. Consultáu'l 10 de xunu de 2019.

Enllaces esternos[editar | editar la fonte]