V 2009 (serie de televisión)

De Wikipedia
Saltar a navegación Saltar a la gueta
V 2009 (serie de televisión)
V 2009 Intertitle.png
Datos
Xéneru ciencia ficción y invasión extraterrestre
País d'orixe Estaos Xuníos
Idioma orixinal inglés
Duración 42 min.
Director Yves Simoneau, Jonathan Frakes, Robert Duncan McNeill, Bryan Spicer y Jesse Warn
Guionista Sam Egan y Rockne S. O'Bannon
Compositor Marco Beltrami
Númberu de temporaes 2
Númberu d'episodios 22
Llista d'episodios Anexo:Episodios de V
Fecha d'entamu 001130UTCTue, 3 Nov 2009 :00:00 +000011ammartesmartes0011k
Web oficial
Cambiar los datos en Wikidata

V ye una serie de televisión de ciencia ficción emitida pola estadoxunidense ABC durante dos temporaes, ente'l 3 de payares de 2009 al 15 de marzu de 2011[1][2]. N'Asturies emitióla TPA.

Ye un remake de V, creada pol productor Kenneth Johnson. Cunta la hestoria dende la llegada a la Tierra d'un especie alieníxena tecnolóxicamente avanzada y pacífica, pero qu'en realidá tien motivos siniestros[3]. El repartu de V ta compuestu por Morena Baccarin, Lourdes Benedicto, Morris Chestnut, Joel Gretsch, Logan Huffman, Charles Mesure, Elizabeth Mitchell, Laura Vandervoort y Scott Wolf. L'equipu de producción exceutiva ta formáu por Scott Rosenbaum, Yves Simoneau, Scott Peters, y Jace Hall[4]. La serie foi producida por The Scott Peters Company, HDFilms y la Warner Bros. Television.

El 13 de mayu de 2011, ABC anuncia la cancelación de V[5].

Premise[editar | editar la fonte]

Xigantes naves estraterrestres apaecen sobre les 29 mayores ciudaes del mundiu y Anna (Morena Baccarin), la guapa y carismática llíder de los Visitantes, declara la so llegada en son de paz. Los Visitantes dicen precisar una pequeña cantidá de recursos de la Tierra pa poder continuar el so viaxe, a cambiu de lo que dexaran parte de la so avanzada tecnoloxía. Un grupu pequeñu d'humanos entama a duldar de la benevolencia de los Visitantes. Esti grupu va ser investigáu pola axente del FBI Erica Evans (Elizabeth Mitchell) que fina por descubrir que los estraterrestres, reptiles cubiertos d'una piel humano artificial, llevan años infiltraos na vida del planeta. Erica va xunise al movimientu de resistencia escontra la ocupación de los visitantes xunto a Ryan (Morris Chestnut), un visitante d'una cédula dormida qu'entama a sintir emociones humanes y lluchará escontra de la so especie pa salvar la humanidá.

Repartu y personaxes[editar | editar la fonte]

  • Elizabeth Mitchell ye Erica Evans, una axente antiterrorista del FBI que llega a convertise en llíder de la resistencia de la Quinta Columna.
  • Morris Chestnut ye Ryan Nichols, un visitante que llega a la Tierra pa infiltrase ente los humanos y da-y apoyu a los planes invasores de la so especie. Poro embargu, desarrolla emociones humanes y terminará por xunise a la Quinta Columna, a la que traicionará cuando Anna, la llíder de los Visitantes, secuestra a la so fía.
  • Joel Gretsch ye'l Padre Jack Landry, un cura católicu con un pasáu nel exércitu americanu. Xunirase a Erica nun alianza escontra los invasores tres descubrir el so secretu. Col tiempu, verase en conflictu cola xerarquía de la ilesia. Ye finalmente espulsáu de la Ilesia católica dempués de falar escontra los Visitantes.
  • Logan Huffman ye Tyler Evans, el fíu mozu d'Erica. Tyler verase atrayíu por Lisa, una xoven visitante, pa xunise al programa d'embaxadores pola paz. Col tiempu, va averase a Anna. Los Visitantes esperimentaron con él cuando namái yera un fetu durante l'embarazu d'Érica pa robá-y parte del so ADN. Muerre nel final de la segunda temporada taramiáu pola hermana ximielga de Lisa.
  • Lourdes Benedicto ye Valerie Stevens (temporada 1)ye la muyer de Ryan. Desconoz el secretu del so home, que descubre enantes de ser asesinada por Anna dempués del partu del primer neñu híbridu ente Visitantes y humanos.
  • Laura Vandervoort ye Lisa, una Visitante a la que so ma, Anna, va encarga-y enamorar a Tyler. Esi amor acabará despertando nella sentimientos humanos, polo que terminará xuniéndose a la Quinta Columna. Na segunda temporada, Anna descubre la so traición y va sustituyíla pola so hermana ximielga (tamién interpretada por Laura Vandervoort).
  • Charles Mesure ye Kyle Hobbes, ún de los mercenarios más buscaos del planeta, que va ser reclutáu pola Quinta Columna pa derrotar a Anna.
  • Morena Baccarin ya Anna, la llíder de los Visitantes. Ye fría y manipuladora. Reina de los Visitantes caltién el control de los sos súbditos mediante la telepatía.
  • Scott Wolf ye Chad Decker, un periodista televisivu que va caltener una cercana rellación con Anna, que va utilizalu pa manipular a la humanidá. Na segunda temporada va xunise a la Quinta Columna, dende onde conspirará escontra la llíder alieníxena.

Cancelación[editar | editar la fonte]

Depués de la cancelación anunciada pola cadena d'emisión ABC en mayu de 2011, entamó una campaña ente los fans de la serie baxo'l nome de "Project Alice", que tien l'oxetivu d'algamar la renovación de la ficción n'otra canal[6].

Referencies[editar | editar la fonte]

  1. Rice, Lynette (July 25, 2009). «V: ABC's alien series invades Comic-Con—but does it come in peace?». Entertainment Weekly.
  2. Sullivan, Brian Ford (8 agostu 2009). «ABC Books V for November 3». The Futon Critic.
  3. Garron, Barry (30 ochobre 2009). «V – TV Review». The Hollywood Reporter.
  4. Abrams, Natalie (3 payares 2009). «V Switches Showrunner». TVGuide.com.
  5. Ausiello, Michael (13 mayu 2011). «Breaking: ABC Cancels Brothers & Sisters, V, Mr. Sunshine, Four Others». TV Line.
  6. D'Orazio, Valerie (April 8, 2011). «V Executive Producer Scott Rosenbaum Talks Project Alice...and Saving The Show!». MTV Geek.