V636 Centauri
 V636 Centauri A/B | ||
|---|---|---|
| Datos d'observación (Dómina J2000.0) | ||
| Constelación | Centauru | |
| Ascensión reuta (α) | 14h 16min 57,91s | |
| Declinación (δ) | -49º 56’ 42,4’’ | |
| Mag. aparente (V) | +8,70 (conxunta) | |
| Carauterístiques físiques | ||
| Clasificación estelar | G1V / K2V | |
| Masa solar | 1,05 / 0,85 M☉ | |
| Radiu | (1,02 / 0,83 R☉) | |
| Magnitú absoluta | +4,66 / +6,05 | |
| Gravedá superficial | 4,44 / 4,53 (log g) | |
| Lluminosidá | 1,13 / 0,39 L☉ | |
| Temperatura superficial | 5900 / 5000 K | |
| Metalicidá | [Fe/H] = -0,20 | |
| Variabilidá | Binaria eclipsante | |
| Periodu d'oscilación | 4,284 díes | |
| Edad | 1260 × 10⁶ años | |
| Astrometría | ||
| Velocidá radial | -14,6 km/s | |
| Distancia | 234 años lluz (71,9 pc) | |
| Sistema | ||
| Nᵁ de componentes | 2 | |
| Referencies | ||
| SIMBAD | enllaz | |
| NStED | enllaz | |
| Otres designaciones | ||
| HD 124784 / HIP 69781 / SAO 224812 / CD-49 8609 / GSC 08285-00847 | ||
| [editar datos en Wikidata] | ||
V636 Centauri (V636 Cen)[1] ye un sistema estelar de magnitú aparente máxima +8,78 asitiáu na constelación de Centauru. Alcuéntrase a 234 años lluz de distancia del Sistema Solar.[2]
Carauterístiques del sistema[editar | editar la fonte]
V636 Centauri ye una binaria cercana que la so componente principal ye una nana mariella de tipu espectral G1V y la secundaria una nana naranxa de tipu K2V. El sistema recuerda a Alfa Centauri, cola notable salvedá de qu'ente que nesti postreru'l periodu orbital ye de 29.189 díes, en V636 Centauri ye de namái 4,284 díes, esto ye, 6800 vegaes menor.
La nana mariella, bien asemeyada al Sol, tien una temperatura efectivo de 5900 K. La so lluminosidá ye un 13% superior a la lluminosidá solar y tien una masa un 5% mayor que la del Sol. Con un radiu apenes un 2% más grande que'l radiu solar, xira sobre si mesma con una velocidá de rotación de siquier 13 km/s. La so compañera estelar tien una temperatura de 5000 K y la so lluminosidá equival al 39% de la del Sol. Tien un radiu un 17% más pequeñu que'l del Sol y la so velocidá de rotación proyeutada ye de 11,2 km/s. La so masa ye un 15% inferior a la masa solar.[2]
V636 Centauri exhibe una metalicidá —bayura relativa d'elementos más pesaos que'l heliu— igual a 2/3 partes de la solar ([Fe/H] = -0,20). El sistema ye relativamente nuevu, envalorándose la so edá en 1260 millones d'años.[2]
Variabilidá[editar | editar la fonte]
V636 Centauri constitúi una binaria eclipsante onde, mientres l'eclís principal, el so rellumu mengua 0,50 magnitúes. Nel secundariu'l descensu de rellumu ye de 0,10 magnitúes.[3] La condición de variable de V636 Centauri afayóse pol astrónomu alemán Cuno Hoffmeister en 1958.[4]
Referencies[editar | editar la fonte]
- ↑ V636 Cen -- Eclipsing binary of Algol type (SIMBAD)
- ↑ 2,0 2,1 2,2 Torres, G.; Andersen, J.; Giménez, A. (2010). «Accurate masses and radii of normal stars: modern results and applications». The Astronomy and Astrophysics Review 18 (1-2). páxs. 67-126. http://cdsads.u-strasbg.fr/cgi-bin/nph-bib_query?2010A%26ARv..18...67T&db_key=AST&nosetcookie=1.
- ↑ Malkov, O. Yu.; Oblak, E.; Snegireva, E. A.; Torra, J. (2006). «A catalogue of eclipsing variables». Astronomy and Astrophysics 446 (2). páxs. 785-789. http://cdsads.u-strasbg.fr/cgi-bin/nph-bib_query?2006A%26A...446..785M&db_key=AST&nosetcookie=1.
- ↑ Hoffmeister, C. (1958). «Bearbeitung des Lichtwechsels von 10 sudlichen veranderlichen Sternen». Veroeff. Sternwarte Sonneberg 3. páxs. 439-447. http://cdsads.u-strasbg.fr/cgi-bin/nph-bib_query?1958VeSon...3..439H&db_key=AST&nosetcookie=1.
Coordenaes: 
14h 16m 57.912s, -49° 56′ 42.366″
| Control d'autoridaes |
|
|---|
Datos: Q6158322