V394 Aurigae

De Wikipedia
Saltar a navegación Saltar a la gueta
V394 Aurigae
V394 Aurigae
Constelación Auriga
Ascensión reuta α 06h 06min 22,44s
Declinación δ +29º 30’ 44,7’’
Distancia 727 años lluz (aprox)
Magnitú visual +6,08
Magnitú absoluta -1,57
Lluminosidá 873 soles
Temperatura 3365 K
Masa 0,93 soles (aprox)
Radiu 236 soles
Tipu espectral M3II
Velocidá radial -36,00 km/s

V394 Aurigae (V394 Aur / HD 41429 / HR 2146) ye una estrella variable asitiada al sur de la constelación d'Auriga. De magnitú aparente media +6,08, alcuéntrase aprosimao a 727 años lluz de distancia del Sistema Solar.[1]

V394 Aurigae ye una xigante colorada lluminosa de tipu espectral M3II.[2] Asemeyáu a π Aurigae —nesta mesma constelación—, la so temperatura superficial ye de 3365 K y ye 873 vegaes más lluminosa qu'el Sol. Sicasí, nun ye una estrella masiva; envalórase que la so masa actual ye aprosimao un 7% inferior a la masa solar.[1] La variabilidá d'esta xigante colorada afayóse en 1991 por L.F. Snyder.[3] Catalogada como variable semirregular de tipu SRC, el so rellumu varia 0,1 magnitúes a lo llargo d'un periodu de 32,896 díes.[4]

V394 Aurigae forma una estrella doble al pie de HD 41429B,[5] estrella de la secuencia principal de tipu F7V y magnitú +10,3. Visualmente dambes estrelles tán dixebraes 10 segundos d'arcu, separación que nun varió desque Otto Wilhelm von Struve afayó la so duplicidá en 1848.[6] Dambes estrelles paecen tar físicamente amestaes, siendo la distancia real ente elles cimera a 2300 UA.

Referencies[editar | editar la fonte]