V1034 Scorpii

De Wikipedia
Saltar a navegación Saltar a la gueta
V1034 Scorpii
V1034 Scorpii A/B
Constelación Escorpiu
Ascensión reuta α 16h 54min 19,85s
Declinación δ -41º 50’ 09,4’’
Distancia 5600 años-lluz (aprox)
Magnitú visual +8,23 (conxunta / media)
Magnitú absoluta -4,04 / -2,44
Lluminosidá 61.500 / 7.670 soles
Temperatura 33.200 / 26.330 K
Masa 17,2 / 9,6 soles
Radiu 7,5 / 4,2 soles
Tipu espectral O9V / B1-1.5V
Velocidá radial -101 km/s

V1034 Scorpii (V1034 Sco / CPD-41 7742)[1] ye una estrella variable na constelación d'Escorpiu que'l so rellumu varia ente magnitú aparente +8,12 y +8,43.[2] Asitiada a unos 5600 años lluz del Sistema Solar, ye miembru del cúmulu abiertu NGC 6231[3] al igual que la brillosa ζ1 Scorpii.

V1034 Scorpii ye una binaria eclipsante compuesta por dos estrelles de la secuencia principal que los sos tipos espectrales son O9V y B1-1.5V. La estrella O9V ye la más lluminosa —casi 62.000 vegaes más qu'el Sol— y la so superficie alcuéntrase a una temperatura de 33.200 K. Tien 17 vegaes más masa que'l Sol y tien un radiu 7,5 vegaes más grande qu'el radiu solar. La estrella secundaria ye daqué más fría que la so compañera, siendo la so temperatura efectivo de 26.330 K. Ye 7.670 vegaes más lluminosa que'l Sol, lo qu'equival a 1/8 de la lluminosidá de la so compañera. Tien una masa de 9,6 mases solares y un radiu 4,2 vegaes más grande qu'el del Sol.[4]

Anque'l periodu orbital del sistema ye de namái 2,44 díes, nun constitúi una binaria de contautu. La órbita tien una escentricidá, pequeña pero confirmada, de ε = 0,027. L'enclín del planu orbital ye de cerca de 77º. El sistema emite rayos X, que la so curva de lluz amuesa claros signos de variabilidá. La emisión de rayos X ye mayor cuando la estrella primaria alcuéntrase delantre de la secundaria; mientres l'estáu d'alta emisión, produzse una cayida na emisión de rayos X que coincide casi exautamente col eclís ópticu. Los rayos X paecen venir de la interaición del vientu estelar de la estrella O9V al topetar contra la fotosfera de la estrella secundaria; alternativamente, tamién podríen ser la resultancia de la interaición ente los vientos estelares de dambes estrelles, alcontrada cerca de la superficie d'estrella B1.5V.[3]

Referencies[editar | editar la fonte]