Víctor Fernández Coalla

De Wikipedia
Saltar a navegación Saltar a la gueta
Víctor Fernández CoallaPicto infobox character.png
Víctor Fernández Coalla.jpg
Vida
Nacimientu

Uviéu1966

(53/54 años)
Nacionalidá Flag of Spain.svg España
Llingua materna castellanu
asturianu
Estudios
Estudios Universidá d'Uviéu
Universidad Icesi (es) Traducir
Universidad Pedagógica Nacional de Colombia (es) Traducir
Universidá Autónoma de Madrid
Escuela Superior d'Alministración y Direición d'Empreses
Llingües castellanu
asturianu
inglés
Oficiu
Oficiu xestor cultural, pedagoguhistoriador
Creencies
Relixón católicu
coallaconsulting.com
Cambiar los datos en Wikidata

Víctor Manuel Fernández Coalla (1966Uviéu) ye un empresariu, xestor cultural y coach asturianu.

Biografía[editar | editar la fonte]

Ñació n'Uviéu, capital d'Asturies. Dende mozu, entama na defensa activa de la cultura tradicional asturiana venceyándose estrechamente a proyeutos como Ámbitu Ediciones empobinada por Inaciu Iglesias y la Fundación Belenos presidida por Lisardo Lombardía. Llicénciase en Xeografía y Hestoria pola Universidá d'Uviéu con especialidá n'hestoria del arte en 1991. Realizó les maestríes de Direición y Alministración de Fundaciones na Universidá Autónoma de Madrid (1993) y de Desenvolvimientu Direutivu na Escuela Superior d'Alministración y Direición d'Empreses (ESADE) de Barcelona (2002). Cuenta con una especialización en Pedagoxía de la Universidá Pedagóxica Nacional de Colombia (2016) y una doble certificación en Coaching Ontolóxicu pola Universidá Icesi, Leading Group y la International Coach Federation (ICF) (2019).[1] Trabayó como téunicu d'esposiciones nel Centru d'Estudios Hestóricos d'Obres Públiques y Urbanismu del Ministeriu d'Obres Públiques y Urbanismu en Madrid dende 1992 a 1994, sol ministeriu de Josep Borrell, onde entamó esposiciones itinerantes per España y n'América como «La Ciudá Hispanoamericana, el suañu d'un Orde» y «Obres Hidráuliques n'América Colonial». Depués trabayó hasta 1996 mientres la etapa de ministra de Carmen Alborch na Subdireición Xeneral de Museos Estatales del Ministeriu de Cultura, onde xestionó construcciones y rehabilitaciones arquiteutóniques y amás de coordinar el programa d'inauguraciones de los museos estatales españoles. Dirixió los cursos de branu «Sobro arquiteutura de museos» y «Muséu, territoriu y ciudá» na Universidá d'Uviéu. Formó parte de la direición qu'entamó'l VIII Congresu Internacional para'l Caltenimientu del Patrimoniu que tuvo llugar na capital española.[1] Torna a la so natal Asturies onde crea una de les primeres empreses consultores de calter cultural desendolcando múltiples proyeutos llocales, rexonales y europeos, destacando la so collaboración y participación na organización del Aula Príncipe d'Asturies de la Fundación Príncipe d'Asturies dirixida entós por Graciano García con esposiciones como «La UNAM, güei» o «Fernando Alonso, alcordances d'un campeón».

Fundación José Cardín Fernández[editar | editar la fonte]

Foi direutor de la Fundación José Cardín Fernández, venceyada cola empresa productora de sidra El Gaiteru, hasta l'añu 2013 cuando foi sustituyíu por Enriqueta de Valdés Cavanilles.[2] Mientres el so tiempu na Fundación Cardín destacóse pola planeación y desendolcu d'una gran cantidá d'actividaes pa la promoción del saber y la cultura de la Comarca de la Sidra, ensin desdexar el patrimoniu artísticu y hestóricu del restu d'Asturies, onde llegó a trabayar al pie de Víctor García de la Concha, presidente del patronatu de la Fundación.[3] Resalta'l so ampliu llabor editorial destacando la so aportación como autor del llibru «La Fundación José Cardín Fernández: una entidad al servicio de la cultura y un instrumento de la responsabilidad social de la empresa» (2011).

Depués de más de siete años como direutor de la Fundación José Cardín Fernández treslládase a Cali, en Colombia, onde impartió conferencies y vencéyase al sector educativu llegando a ocupar el cargu de rector del Colexu Hispanoamericanu.[4] Nesa ciudá fai parte de la Xunta Direutiva como sociu fundador del capítulu colombianu de la Fundación Padrinos Asturianos, dirixida pol sacerdote asturianu José «Pepe» Pérez, que busca aidar al desendolcu integral de los neños más desfavorecidos d'El Cerrito.[5][6] Caltién collaboraciones periódiques en medios de comunicación y una columna editorial nel diariu electrónicu n'asturianu Asturies.com llamada Cróniques ultramarines.[7]

Anguaño exerz en Colombia desenvolviendo proyeutos de xestión y consultoría socioculturales,[2] y como coach executivu empresarial na empresa Coalla Coaching & Consulting.

Espublizaciones y obra[editar | editar la fonte]

Ensayu[editar | editar la fonte]

  • La ruta Oviedo - L'Angliru: un recurso natural y cultural en el corazón de Asturias. Publicado en Arqueología industrial, patrimonio y turismo cultural (2001). ISBN 84-607-2646-0. pp. 183-192.[8]

Llibros[editar | editar la fonte]

  • Premiu Internacional de Pintura de la FLC: Fundación Laboral de la Construcción del Principado de Asturias (2009). Coautor.[9]
  • La Fundación José Cardín Fernández: una entidad al servicio de la cultura y un instrumento de la responsabilidad social de la empresa (2011). Villaviciosa: Editorial Fundación José Cardín Fernández. Depósitu Llegal: AS-643-2011

Esposiciones[editar | editar la fonte]

  • Fernando Alonso, recuerdos de un campeón (2005)
  • El pasu del tiempu: La emigración asturiana a Bruselas (2006). Axencia Asturiana d'Emigración (Comisariáu y testos).[10]
  • La asturiana de Mariano Benlliure (2007). Fundación José Cardín Fernández (Testos).[11]
  • La UNAM, Hoy (2010).
  • Objeto Villaviciosa (2011). Exposición de la obra del xixonés Joaquín Fanjul (Comisariáu).[12]

Referencies[editar | editar la fonte]

  1. 1,0 1,1 «Víctor Fernández Coalla» (es). Araz.net. Consultáu'l 2019-05-22.
  2. 2,0 2,1 Menéndez, Mariola (18 de noviembre de 2016). «Quetina de Valdés, gerente de la Fundación Cardín, recibe la cruz de oficial del Mérito Civil» (es). www.lne.es. Uviéu: La Nueva España. Consultáu'l 2019-05-22.
  3. Cuervo, Óscar (2012-12-27). «Víctor Fernández abandona la presidencia de la Fundación Cardín» (es-es). El Comercio. Consultáu'l 2019-05-22.
  4. «Comunicado Colegio Hispanoamericano» (5 de febrero de 2016).
  5. «PadrinosAsturianos-Biografía». www.padrinosasturianos.es. Consultáu'l 2019-05-24.
  6. «Informe de Financiero año 2017».
  7. «Estrenamos 'Cróniques ultramarines': Asturies y lo asturiano nel mundu» (asturiano). Asturies.com. Consultáu'l 2019-05-22.
  8. Coalla, Víctor Fernández (2001). «La ruta Oviedo - L'Angliru: un recurso natural y cultural en el corazón de Asturias». Arqueología industrial, patrimonio y turismo cultural, 2001, ISBN 84-607-2646-0, páxs. 183-192 (Incuna. Asociación de Arqueología Industrial):  pp. 183–192. ISBN 9788460726463. https://dialnet.unirioja.es/servlet/articulo?codigo=751184. Consultáu 'l 2019-05-22. 
  9. «FLC Fundación Laboral de la Construcción del Principado de Asturias» (es). datos.bne.es. Consultáu'l 2019-05-22.
  10. «El pasu del tiempu: la emigración asturiana a Bruselas» (es). datos.bne.es. Consultáu'l 2019-05-22.
  11. «La Asturiana de Mariano Benlliure» (es). datos.bne.es. Consultáu'l 2019-05-22.
  12. España, La Nueva. «Villaviciosa en la mirada de Joaquín Fanjul» (es). www.lne.es. Consultáu'l 2019-05-24.