Usuariu:Bikfayia

Nací nun pueblu a la vera'l Mar Cantábricu nos años 70. Nunca me prestó un res esto de facer collaboraciones de baldre pa instituciones, coses virtuales o asociaciones, porque magar que teo poca esperiencia vital, ya llevé les suficientes mozcaes en focicu pa dame cuenta qu'estes coses onde se trabaya por amor al arte col tiempu namai qu'apurren desgracies y gafures.

El casu ye que como l'home (home y muyer ta claro) ye l'únicu animal que zapica na mesma piedra dos vegaes (eso polo menos) nestos momentos d'aburrimientu estremu, de soledá, de tristura esgaya por atopame en paru como cinco millones de persones más y de nun saber que facer cola mio vida diome por gastar el tiempu esgaya que teo llibre en collaborar con esta Uikipedia.

Nun sé lo que tardaré en cansar equí, en engarrame con daquién nesos díes malos que teo, n'escaecer que los articulos hailos que facer bien. Nun lo sé, pero polo menos el tiempu que pase equí espero que sirva pa faceme recordar aquellos prestosos años 80 que namai que m'apurren bonos y prestosos recuerdos. A ver que coses escribo d'esa feliz dómina.

Saludos uikipedistes astures.