Usera

De Wikipedia
Llocalización.

Usera ye'l nome d'un distritu que pertenez a la ciudá de Madrid y compuestu polos barrios alministrativos d'Orcasitas, Orcasur, San Fermin, Almendrales, Moscardó, Zofio y Padolongo.

Una pequeña parte del territoriu d'esti distritu tenía perteneciencia a los conceyos de Carabanchel y Madrid enantes de la amestadura asocedida pente estos dos conceyos na década de los 40 y principios de los 50 del sieglu XX. La mayor parte del distritu vien de dellos terrenos de pertenencia al conceyu de Villaverde enantes de la so amestadura dientro Madrid ascocedida'l 31 de xunetu de 1954.

El distritu cueye'l nome del barriu d'Usera, asitiáu al norte'l distritu. Esti barriu tien el so orixe nunos terrenos asitiaos al norte'l conceyu Villaverde que yera d'un agricultor de dichu pueblu, "El tío Sordillo". Una fía d'esti tuvo casamientu col coronel Marcelo Usera. Esti militar y home de negocios plantegó que la edificación del terrén sería más rentable que'l so cultivu, polo qu'ente 1925 y 1930 procedióse a la so parcelación y venta.

L'encargáu de la delliniación y el trazáu de les cais foi l'alministrador de D. marcelo, polo que camentó da-y a les cais nomes de la xente de la familia usera, asina como del personal del so serviciu y dalgunos vecinos.

La so cai principal ye Marcelo Usera, asitiada ente la plaza Fernandez Ladreda (Plaza Elíptica) y la Glorieta de Cádiz.

Tien les sos llendes al oeste y noroeste col distritu de Carabanchel, y col distritu d'Arganzuela y el ríu Manzanares pol nordés, y col distritu de Puente de vallecas pol este y col distritu de Villaverde pel sur.

Referencies[editar | editar la fonte]

Enllaces esternos[editar | editar la fonte]