Xunión Europea Occidental

Xunión Europea Occidental
	organización internacional, alianza militar y coalición militar multinacional (es)
Llocalización
Sede	Bruxeles
Direición	Bélxica
Historia
Fundación	1954
Disolución	2011
	Web oficial

La Xunión Europea Occidental o UEO ye una organización de defensa y seguridá del ámbitu européu formada polos estaos miembros de la Xunión Europea y los miembros europeos de la Organización del Tratáu del Atlánticu Norte (OTAN).

La UEO nun s'ha tracamundiar cola Unión Europea, organización estremada fecha depués, anque lleven nomes asemeyaos.

Historia[editar | editar la fonte]

Les bases de la UEO estableciéronse nel Tratáu de Bruxeles de 1948, como organización europea de defensa y seguridá.

Esta organización internacional, fundada nun entamu por Francia, Bélxica, Reinu Xuníu, Luxemburgu y Países Baxos, faise, de mano, pa sofitar a cualuquier de los sos integrantes nel casu de que recibiere una agresión, y amás, mesmo que'l Conseyu d'Europa y les estremaes Comunidaes Europees (embriones de la Unión Europea d'anguaño) p'axudar a la cooperación ya integración europees.

L'añu de la fundación de la UEO foi bien poco depués de finar la Segunda Guerra Mundial, y eso desplica l'envís col que foi fecha, y ello ye que los países europeos que quedaren fora del bloque comunista, tarrecíen un posible ataque de los países soviéticos, y tenten d'esta manera crear una organización común de defensa.

En 1954 fixéronse miembros d'ella l'Alemaña Occidental (RFA) ya Italia, antiguos enemigos na Segunda Guerra Mundial de los países que fundaron esta organización internacional. Esi mesmu añu la UEO fixo por establacer l'estatutu del Sarre.

Magar que la UEO cuntare con una estructura propia bien definida, la importancia de la OTAN (establecida en 1949) torgó que la UEO actuara de manera independiente y eso dexóla nun segundu planu.

Plantégase que la Xunión Europea, que quier tener competencies en seguridá y defensa por mor del so segundu pegollu, fine por absorber a la UEO, porque los miembros d'una y otra son los mesmos amás de que l'actividá de la UEO foi cuasi que nenguna en tolos años d'esistencia pol protagonismu de la OTAN.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]

Sitiu oficial de la Union Europea Occidental (inglés y francés)
Conceyu de la de la Union Europea Occidental (inglés y francés)