Unidá del Cuerpu de Policía Adscrita a la Comunidá Autónoma del Principáu d'Asturies

Unidá del Cuerpu de Policía Adscrita a la Comunidá Autónoma del Principáu d'Asturies
	entidá sumida
	; Vehículu de la Policía adscrita al Principáu
País	España
Autonomía	Principáu d'Asturies
Direición	España
Historia
Fundación	payares 2006
Disolución	xineru 2014
Pertenez a	Cuerpu Nacional de Policía

La Unidá del Cuerpu Nacional de Policía adscrita a la Comunidá Autónoma del Principáu d'Asturies foi una unidá de Policía que pertenecía orgánicamente al Cuerpu Nacional de Policía d'España y que taba asignada a la Comunidá Autónoma del Principáu d'Asturies. Nun yera una Policía autonómica talmente como son los casos de los Mossos d'Esquadra, la Ertzaintza o la Policía Foral de Navarra. Entamó a funcionar en payares de 2006 y disolvióse en xineru de 2014^[1]

Les sos misiones yeren la custodia d'edificios pertenecientes al Principáu, la escolta de personalidaes, la coordinación y control de les funciones de seguridá asignaes a les empreses de seguridá privao y la inspeición y control del xuegu.

Los uniformes de la unidá adscrita yeren idénticos al restu de policíes del cuerpu nacional, magar que llevaben insignies distintives del Principáu d'Asturies: la bandera nel brazu derechu y l'escudu na gorra. Los diez vehículos que teníen tamién yeren de colores diferentes a los del cuerpu nacional.

Referencies

↑ «La crisis y las deudas liquidan la triste y corta vida de la Policía autonómica asturiana» (en castellanu). Consultáu'l 6 d'ochobre de 2020.

Enllaces esternos

Información de la Unidá Adscrita na páxina oficial del Gobiernu del Principáu d'Asturies Archiváu 2010-01-03 en Wayback Machine

[1] «La crisis y las deudas liquidan la triste y corta vida de la Policía autonómica asturiana» (en castellanu). Consultáu'l 6 d'ochobre de 2020.

[1]