Ugné Karvelis

Ugné Karvelis
embaxadora	;
embaxadora
Vida
Nacimientu	Noreikiškės (en) , 13 de xunu de 1935
Nacionalidá	Arxentina ; Lituania
Muerte	París, 4 de marzu de 2002 (66 años)
Familia
Padre	Petras Karvelis
Madre	Q12676914
Pareyes	Julio Cortázar
Estudios
Estudios	Universidá de Columbia
Llingües falaes	francés; alemán; lituanu
Oficiu
Oficiu	llingüista, diplomática, traductora, escritora, crítica lliteraria

Ugné Karvelis (13 de xunu de 1935, Noreikiškės ^(en) – 4 de marzu de 2002, París) foi una escritora, crítica lliteraria, traductora y diplomática lituana. El so trabayu como editora de la editorial francesa Gallimard foi fundamental pal espardimientu en Francia de la lliteratura llatinoamericana y d'Europa Oriental. Foi compañera sentimental de Julio Cortázar, representante lliteraria y divulgadora de la so obra n'Europa.^[2]

Biografía

Ugné Karvelis nació en Noreikiškės, cerca de Kaunas, y los sos padres fueron el políticu Petras Karvelis (Ministru de Rellaciones esteriores de Lituania de 1925 a 1929) y l'activista cultural Veronika Bakštyte. La familia Karvelis emigró a Alemaña en 1944.

En 1940 ingresó al Sacre Coeur de Berlín, al Kaunas Aušra Gymnasium (1943-1944) y a la Escuela Francesa de Tubinga (1945-1950). Estudió en La Sorbona (1951-1952) y depués nel Departamentu de Rellaciones Internacionales del Institutu d'Estudios Políticos de París, de 1952 a 1956. Prosiguió los sos estudios na Universidá de Columbia de Nueva York, nos departamentos d'Historia y d'Economía (1957-1958).

En 1955 empezó a trabayar pa la revista L'Express nel so Departamentu de Rellaciones Internacionales. De 1959 a 1983 foi editora d'Éditions Gallimard, onde empezó como direutora del departamentu Internacional, y depués dirixó los departamentos p'América Llatina, España, Portugal y Europa Oriental. Gracies a ella fueron publicaos en Francia dellos autores de gran importancia como Julio Cortázar,^[2] Alejo Carpentier, Carlos Fuentes, Pablo Neruda, Octavio Paz, Mario Vargas Llosa, Milan Kundera y Vassilis Vassilikos. Tamién foi crítica lliteraria de Figaro Littéraire, suplementu lliterariu de Le Figaro, y de Le Monde.

En 1988 Karvelis visitó Lituania y en 1991 ayudó al so país a ingresar na UNESCO. En 1993 foi designada Embaxadora Permanente de Lituania na UNESCO.^[3]

Tradució la obra de dellos autores lituanos al francés: noveles de Saulius Tomes Kondrotas, Ricardas Gavelis, Bite Vilimaite y Jurga Ivanauskaite; poemes clásicos de Kristijonas Donelaitis, Maironis, Balys Sruoga, Salomeja Neris, Vincas Mykolaitis-Putinas y Jonas Aistis; poemes d'autores modernos de Marcelijus Martinaitis, Eduardas Mieželaitis, Justinas Marcinkevicius, Sigitas Geda, Antanas A. Jonynas, Gintaras Patackas y Almis Grybauskas ente otros.

La rellación que dende 1967 a 1978 caltuvo con Julio Cortázar, foi decisiva na politización del pensamientu, los escritos y les actividaes públiques del escritor.^[2]^[4]

Obres

Demain, il n'y aura plus de trains, 1991, novela (Traukiniu daugiau nebus, 1997).

Referencies

1 2 3 Afirmao en: autoridaes BNF. Identificador BnF: 119094662. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
1 2 3 Goloboff, Mario (1998). «Cap. 11: D'otros llaos», Julio Cortázar - La biografía. Espasa Calpe, páx. 172. ISBN 950-731-205-6.
↑ «Cultural ambassador dies in Paris» (inglés). The Baltic Times (7 de marzu de 2002). Consultáu'l 13 de febreru de 2014.
↑ «mio padre sustitutu.php Christophe Karvelis: «Julio foi'l mio padre sustitutu»». Siete Díes (16 d'agostu de 2014). Consultáu'l 8 de febreru de 2015.

Enllaces esternos

Biografía de Ugnė Karvelis Plantía:Lt

[f8c07069d5d1000ecd80e00d9c29d8c6f6d07e3c-1] 1 2 3 Afirmao en: autoridaes BNF. Identificador BnF: 119094662. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[GolM-2] 1 2 3 Goloboff, Mario (1998). «Cap. 11: D'otros llaos», Julio Cortázar - La biografía. Espasa Calpe, páx. 172. ISBN 950-731-205-6.

[obitTBT-3] «Cultural ambassador dies in Paris» (inglés). The Baltic Times (7 de marzu de 2002). Consultáu'l 13 de febreru de 2014.

[4] «mio padre sustitutu.php Christophe Karvelis: «Julio foi'l mio padre sustitutu»». Siete Díes (16 d'agostu de 2014). Consultáu'l 8 de febreru de 2015.

[1]

[2]

[3]

[4]