Tiempu Coordináu Universal

De Wikipedia
(Redirixío dende UTC−06:00)
Tiempu Coordináu Universal
estándar horariu y estaya horaria
Más información
Basáu en Tiempo Atómico Internacional (es) Traducir y Horario universal (es) Traducir
Cambiar los datos en Wikidata

Tiempu Universal Coordináu, o UTC, tamién conocíu como tiempu civil, ye la zona horaria de referencia respeuto a la cual calcúlense toles otres zones del mundu. Ye'l socesor del GMT (Greenwich Mean Time: tiempu permediu del observatoriu de Greenwich, en Londres) magar que tovía coloquialmente delles vegaes nómase-y asina. La nueva denominación foi acuñada pa eliminar la inclusión d'una llocalización específica nun estándar internacional, asina como pa basar la midida del tiempu nos estándares atómicos, más que nos celestes.

A diferencia del GMT, el UTC nun se define pol sol o les estrelles, sinón que se mide polos relós atómicos, ya que la rotación de la Tierra ralentízase, restrasándose respeuto al tiempu atómicu. UTC sincronízase col día y la nueche del UT, al que se-y añaden o quiten segundos de saltu (leap seconds) tanto a finales de xunu como d'avientu, cuando resulta necesario. La puesta en circulación de los segundos de saltu determínalo el Serviciu Internacional de Rotación de la Tierra, en base a les sos midies de dicha rotación.

"UTC" nun ye realmente una abreviatura; ye una variante de tiempu universal, (universal time, abreviadamente UT) y el so modificador C (pa "coordináu"), añadíu paa espresar que ye una variante más d'UT.

Los tiempos UTC de verdadera alta precisión sólo puen ser determinaos tres conocer el fechu de que'l tiempu atómicu establezse coles diferencies observaes ente un conxuntu de relós atómicos de distintes oficines del tiempu nacionales, baxo la supervisión de la Oficina Internacional de Peses y Midíes (Bureau International des Poids et Mesures, BIPM).

El propiu servidor de Wikipedia utiliza UTC como base pa la so llista d' actualizaciones d'artículos.

Referencies[editar | editar la fonte]

Enllaces esternos[editar | editar la fonte]