Turhan Bey

De Wikipedia
Saltar a navegación Saltar a la gueta
Turhan Bey
Turhan Bey
Turhan Bey 1 cropped.jpg
Vida
Nacimientu Viena30  de marzu de 1922
Nacionalidá Bandera de Estaos Xuníos d'América Estaos Xuníos
Bandera de Austria Austria
Fallecimientu

Viena30  de setiembre de 2012

(90 años)
Causa de la muerte Enfermedá de Parkinson
Oficiu
Oficiu actor, actor de televisión, actor de cine y productor de cine
IMDb nm0001947
Cambiar los datos en Wikidata

Turhan Bey (30  de marzu de 1922Viena - 30  de setiembre de 2012Viena), foi un actor, actor de televisión, actor de cine y productor de cine de Estaos Xuníos y Austria. Tuvo activu en Hollywood dende 1941 a 1953. Llamáu "The Turkish Delight" polos sos almiradores,[1] a la so vuelta a Europa llevó a cabu una carrera artística como fotógrafu y direutor teatral. Volvió de volao a Hollywood pa recibir un premiu, y fixo delles actuaciones televisives como artista convidáu nos años 1990, amás de participar en delles producciones cinematográfiques. Una vegada retiráu, intervieno en dellos documentales, ente ellos unu en llingua alemana alrodiu de la so vida.

Con Lumsden Hare en Shadows on the Stairs (1941)
De izq. a der. Evelyn Ankers, Turhan Bey y David Bruce en The Mad Ghoul (1943)
De izq. a der. Donald Curtis, Cathy O'Donnell, Turhan Bey y Lynn Bari en The Amazing Mr. X (1948)

Biografía[editar | editar la fonte]

El so verdaderu nome yera Turhan Gilbert Selahattin Sahultavy, y nació en Viena, Austria, siendo los sos padres un diplomáticu turcu y una checoslovaca d'orixe xudíu.[1][2] Cola anexón d'Austria a la Alemaña Nazi y tres el divorciu de los sos padres, él y la so madre emigraron a Estaos Xuníos en 1940, asitiándose en Los Angeles y llogrando la ciudadanía americana.[3]

Bey estudió interpretación na Ben Bard's School of Dramatic Art y formó parte del Pasadena Playhouse.[4] Mientres allegaba a clases p'ameyorar el so inglés, participó na obra teatral d'un profesor. Ente'l públicu atopaba un cazatalentos de Warner Brothers que quedó impresionáu con Bey, y que lo contrató dándo-y el nome artísticu de Turhan Bey.[3] Debutó nel cine con Shadows on the Stairs, de D. Ross Lederman (con Frieda Inescort, Paul Cavanagh y Heather Angel), actuando dempués en Footsteps in the Dark, de Lloyd Bacon (con Errol Flynn, Brenda Marshall y Ralph Bellamy), dambes producciones estrenaes en 1941.

Bey actuó de cutiu con María Montez, trabayando dambos en filmes como Raiders of the Desert, Arabian Nights, White Savage, Ali Baba and the Forty Thieves, Bowery to Broadway, Follow the Boys, y Suden. Otres películes destacaes nes cualos actuó fueron Night in Paradise, The Amazing Mr. X y Out of the Blue. Gracies a tou ello, en 1944 fíxose una votación pa "Stars of Tomorrow" que-y dio'l novenu puestu ente otres estrelles.[5]

La carrera de Turhan tornó a finales de los años 1940 y, en rodando'l filme de Sam Katzman Prisoners of the Casbah en 1953,[6] volvió a Viena y vivió cola so madre al empar que trabayaba como fotógrafu de revistes femenines.[6] Turhan foi de nuevu a los Estaos Xuníos a principios de la década de 1990 y actuó en dos episodios de la serie televisiva de ciencia ficción Babylon 5, según en dellos filmes, como Possessed by the Night, de Fred Olen Ray (1994, con Shannon Tweed, Sandahl Bergman y Chad McQueen) y Virtual Combat, de Andrew Stevens (la so última cinta, en 1995, con Don Wilson y Michael Dorn). En 2002 rodóse un documental sobre Turhan, Vom Glück verfolgt. Wien - Hollywood - Retour, dirixíu por Andrea Eckert.

Turhan Bey finó en 2012 en Viena, Austria, por causa d'una enfermedá de Parkinson.[7] Los sos restos fueron encenraos.

Filmografía[editar | editar la fonte]

Cine (seleición)[editar | editar la fonte]

Televisión (íntegru)[editar | editar la fonte]

Bibliografía[editar | editar la fonte]

Referencies[editar | editar la fonte]

  1. 1,0 1,1 Feramisco & Koster 2008, 167.
  2. http://thegardenisland.com/news/world/s-hollywood-actor-dies-in-austria/article_59f223f6-b319-5a22-93fd-8d56y76a154d.html
  3. 3,0 3,1 Hevesi, Dennis (13 d'ochobre de 2012). Turhan Bey, 90, Screen's 'Turkish Delight'. http://www.nytimes.com/2012/10/12/movies/turhan-bey-actor-dies-at-90.html?_r=1&adxnnl=1&adxnnlx=1350158952-3y7p4EFn4jLE/ArSjfzy6g. Consultáu 'l 13 d'ochobre de 2012. 
  4. Katz, Ephraim (1979). The Film Encyclopedia: The Most Comprehensive Encyclopedia of World Cinema in a Single Volume. Perigee Books. ISBN 0-399-50601-2. P.118.
  5. SAGA OF THE HIGH SÍAS.. National Library of Australia. 11 de payares de 1944. http://nla.gov.au/nla.news-article26044148. Consultáu 'l 24 d'abril de 2012. 
  6. 6,0 6,1 Lamparski, p.93.
  7. Hevesi, Dennis (11 d'ochobre de 2012). «Turhan Bey, Actor, Dies at 90». The New York Times. http://www.nytimes.com/2012/10/12/movies/turhan-bey-actor-dies-at-90.html?_r=0. 

Enllaces esternos[editar | editar la fonte]