Plataforma Social "TuEntidad.es"

De Wikipedia
(Redirixío dende TuEntidad)
Saltar a: navegación, buscar
Ficha de softwarePlataforma Social "TuEntidad.es"
Versión estable 1.0 del Kernel y v6 del Visor
Sistema operativu Linux, Windows, Mac OS X
Llicencia LSW (Software llibre)[1]
N'asturianu Si
Cambiar los datos en Wikidata


La Plataforma Social "TuEntidad.es" ye un conxuntu de ferramientes, protocolos y aplicaciones informátiques qu'ensamen una "Sociedá Virtual" desendolcada por xóvenes asturianos[2] demientres el cursu 2009 na Escuela d'Inxeniería Téunica Informática del Campus de Viesques que la Universidá d'Uviéu tien en Xixón. Anguaño caltiénse pol Proyeutu eWa[3].

A diferencia de OpenSocial (un conxuntu de APIs que permiten construyir aplicaciones sociales), la Plataforma Social ta implementada a más baxu nivel. Asina y tou, ye quien a caltenese accesible pa los programadores noveles gracies a los motores desendolcaos en llinguaxes como JavaScript, php, actionscript, etc. y espublizaos en forma de software llibre baxo la Llicencia de Soluciones Informátiques[4] (LSW).

Evolución histórica[editar | editar la fonte]

Mientres los primeros meses del añu 2009, cuando s'entamó a desendolcar a mou de práctica pa una asignatura, l'aplicación tenía como primer oxetivu ser un Serviciu de rede social más de los munchos que mientres esi añu fueron apaeciendo, magar que con un novedosu diseñu n'estrella. Col aportar del cursu fueron amestándose-y numberoses funciones d'integración con conteníos dixitales públicos y conteníos xeneraos polos mesmos usuarios yá presistentes, que s'amestaros a les opciones iniciales de creación y distribución de conteníos. El resultáu a la fin del cursu llogró una matrícula d'honor[5].

A partir de setiembre de 2009 la Plataforma Social pasó a tar caltenida pol Proyecto eWa (desendolcadores asturianos de software llibre) obteniendo mayor presencia na rede y fuera d'ella, asina como meyores na seguridá, escalabilidá, el rediseñu de la so imaxe corporativa, una financiación fixa y una estandarización completa[6].

Servicios qu'ufre[editar | editar la fonte]

Arriendes de los propios Servicios de rede social qu'inclúin cásique toles Redes Sociales[7], tales como xubir conteníu dixital (fotos, videos, música, hiperenllaces, testos, etc.) y compartilu col restu d'entidaes pudiéndose organizar grupos tanto d'entidaees como de conteníos, la Plataforma Social "TuEntidad.es" permite funcionalidaes rellacionaes cola certificación[8], identificación, accesibilidá[9] y la internacionalización.

El modelu de rede ternariu permite que diferentes webmasters puedan desendolcar múltiples visores con diferentes funcionalidaes, cometíos o diseños calteniendo la sincronía colos datos. Esisten los visores xeneralistes que tomen la forma de los típicos servicios de rede social; pero tamién los hai en forma de Blogues o Gadget pa páxines web o aplicaciones.

Medios[editar | editar la fonte]

Los medios son tol conxuntu d'entidades qu'inclúin información. Considérense davezu medios primarios les imáxenes, vídeos y soníos. En realidá esisten abondes entidaes qu'entren dientro de la definición de medios y subcategoríes de los trés primarios. La división habitual de los medios ye pola estensión conocida que tienen (.jpg, .mp3, .pdf, etc), magar que dende les plataformes oficiales siempres s'opta por una clasificación más natural.

Guetador[editar | editar la fonte]

Cualquier usuariu va poder alcontrar cualquier entidá faciendo un filtráu por diferentes atributos, siempre y cuando tenga accesu a estos. Polo xeneral, magar que pueden facese privaos, el nome, apellíos y la imaxe d'entidá son públicos y, poro, cualquier persona pue buscar y alcontrar a xente por esos atributos.

Modelu de rede[editar | editar la fonte]

El modelu de rede que s'usa ye una evolución del modelu veceru-sirvidor a trés niveles:

Contenedores[editar | editar la fonte]

Por último, tán los Contenedores o Redes Sociales. Son los encargaos d'atroxar los datos de los usuarios de la Plataforma Social faciéndolos accesibles a éstos a traviés de los Sirvidores.

Esisten delles Redes Sociales[10] qu'implementen de mou nativu'l protocolu (faciendo casi superflua la esistencia de Sirvidores) asina como una ferramienta denomada Marcu Común que convierte un Contenedor non-compatible en compatible.

Privacidá[editar | editar la fonte]

Una de les carauterístiques más significatives que tien la Plataforma Social ye l'alta privacidá qu'ofrez. El sistema d'atributos permite que caún de los datos que s'inxerten puen empobinar con máxima precisión hacia los verdaderos destinatarios d'esa información. Los propios moderadores o alministradores de la ferramienta nun tienen accesu a esa información. Namái en casu de vulnerase'l derechu a la privacidá por causes de fuerza mayor (persecución de delitos, fraudes en collaboración con autoridaes policiales y xudiciales competentes) el protocolu pue otorgar l'accesu a éstos, avisando a los usuarios implicaos.

Dalgo asemeyao asocede colos perfiles de menores d'edá, almitíos cola condición de tar baxo la tutela y supervisión d'una entidá certificada, mayor d'edá, tutora del menor: si un tutor desea ver conteníu qu'un menor nun desea que vea, pero que tien la potestá de velo, podrá velo; anque'l menor recibirá un avisu alvirtiéndo-y d'esa aición.

Seguridá[editar | editar la fonte]

La Plataforma Social "TuEntidad.es" tien un sistema de claves que permite torgar l'usu de contraseñes, a favor d'otros mecanismos más seguros como los certificaos dixitales. L'usu de claves evita que s'almacenen contraseñes, dando al sistema mayor seguridá. Les carauterístiques qu'arrodien la seguridá nes sesiones (nun permitir dos o más sesiones abiertes al empar, y desconectala al aniciar sesión n'otru sitiu, inclusive nun permitir recordar la sesión nin ente pestañes/ventanes/restoladores) garanticen dafechu la identidá llexítima de cada pidimientu que s'unvía. Esisten visores que torguen l'usu de cookies, por mor de los problemes de privacidá que pue conllevar, en favor d'otros mecanismos d'almacenamientu temporal muncho más seguros.

Veceros[editar | editar la fonte]

Denomaos visores, son aplicaciones que permiten a los usuarios acceder de forma tresparente a los datos al traviés del protocolu que fixa la Plataforma. Por mor de la internacionalización[11] cola que ta desendolcada la Plataforma Social, esisten visores mesmo en formatu web (HTML, AJAX, JavaScript, Comet, Flash, Java) como en formatu d'aplicación d'escritoriu o pa móviles.

Esisten dellos visores xeneralistes ufríos en forma de software llibre pola propia Plataforma Social, anque cualesquier desendolcador pue implementar los sos propios veceros dende cero o de magar los yá esistentes.

Sirvidores[editar | editar la fonte]

El vestixu del modelu inicial d'implementar la Rede n'estrella orixinó la división de los veceros servicios centralizaos en Sirvidores (canales de distribución) y Contenedores (almacenes).

Los Servidores son máquines qu'entienden el protocolu de TuEntidad y son capaces de procesar los pidimientos (consultes y escritures) que reciben. Son, poro, intermediarios ente los Veceros y los Contenedores. Al poder trabayar de forma independiente, algamen un modelu distribuyíu, muncho más escalable.

Davezu los Sirvidores son los encargaos de procesar, optimizar, comprimir y garantizar la seguridá de les comunicaciones ente los Contenedores y los Veceros.

Ver tamién[editar | editar la fonte]

Enllaces esternos[editar | editar la fonte]

Visores[editar | editar la fonte]

Referencies[editar | editar la fonte]

  1. Llicencia de Soluciones Informátiques eWa (LSW) (en castellán)
  2. www.elcomerciodigital.com Mención al desendolcu fechu por asturianos.
  3. www.proyectoewa.com Entrada sobre la Plataforma Social "TuEntidad.es" nel Proyeutu eWa.
  4. www.tuentidad.es Llicencia usada en "TuEntidad.es".
  5. tuentidad.es Noticia onde se publicar la matrícula d'honor.
  6. www.asturnews.com Entrevista: evolución, servicios, funcionalidaes, y financiación. (n'asturianu)
  7. falarylleer Nota sobre'l visor lotienes como xestor de redes sociales.
  8. eldiariodigital Publicación sobre'l mecanismu de certificación d'usuarios usando'l DNIe.
  9. www.astursat.net Entrevista sobre la integración de Redes Sociales y demás servicios que s'ufren na Plataforma.
  10. wwwhatsnew.com Integración de Redes Sociales: Facebook, Tuenti, Wixet, YouTube, TüE...
  11. tapaponga Internacionalización. (n'asturianu)