Trogon elegans

Trogon elegans;
Estáu de caltenimientu
	; Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Trogoniformes
Familia:	Trogonidae
Xéneru:	Trogon
Especie:	T. elegans; Gould, 1834
Distribución
Consultes
	[editar datos en Wikidata]

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

Trogon elegans ye una especie d'ave de la familia Trogonidae^[2] nativa de Centroamérica y Norteamérica.

Distribución y hábitat[editar | editar la fonte]

L'área de distribución del trogón elegante inclúi'l sur de los Estaos Xuníos, Méxicu, Guatemala, El Salvador, Hondures, y el norte de Costa Rica.^[1] Habita los niveles más baxos de montes abiertos semi-grebes.

Descripción[editar | editar la fonte]

T. elegans algama un tamañu de 28-30 cm y pesa 65-67 g. Esiste dimorfismu sexual, una y bones el machos y femes tienen un plumaxe distintu. Dambos sexos tienen un picu mariellu y la parte inferior de la cola ye blanca con barres horizontales negres.

El machu tien la cabeza y la parte cimera del pechu y el llombu de color verde escuru metálicu. La cara ye negru, el gargüelu y el pechu de color negru, la parte inferior del pecho y banduyu son coloráu-anaranxáu. Les ales son de color gris na parte cimera. La fema tien un plumaxe de color bronce metálicu. La parte cimera del abdome ye blancu, y detrás del güeyu tien una pequeña franxa blanca vertical.

Comportamientu[editar | editar la fonte]

Aliméntase de fruta ya inseutos, de cutiu prindaos mientres el vuelu. Los sos picos anchos y piernes débiles reflexen la so dieta y vezos arborícoles. Anque'l so vuelu ye rápido, nun tán dispuestos a volar si nun ye necesariu. Pa cazar inseutos prefieren caltenese inmóviles esperando oportunidaes de caza dende una percha.

Añeren a un altor de 2-6 m nun cuévanu n'árboles, polo xeneral d'un nial abandonáu de páxaros carpinteru. La fema suel poner ente 2 y 3 güevos.

Subespecies[editar | editar la fonte]

Estrémense les siguientes subespecies:^[2]

Trogon elegans ambiguus Gould, 1835
Trogon elegans canescens Van Rossem, 1934
Trogon elegans elegans Gould, 1834
Trogon elegans goldmani Nelson, 1898
Trogon elegans lubricus J. L. Peters, 1945

Referencies[editar | editar la fonte]

↑ ^1,0 ^1,1 BirdLife International (2009). «Trogon elegans» (inglés). Llista Roxa d'especies amenazaes de la UICN 2010.4. Consultáu'l 4 de mayu de 2011.
↑ ^2,0 ^2,1 Sistema Integráu d'Información Taxonómica. «Trogon elegans (TSN 178096)» (inglés). Consultáu'l 4 de mayu de 2011.

Stiles, F. Gary & Alexander F. Skutch. A guide to the birds of Costa Rica. ISBN 0-8014-9600-4
Johnsgard, Paul A. Trogons and Quetzals of the world. ISBN 1-56098-388-4

Enllaces esternos[editar | editar la fonte]

Trogon elegans. Avibase.

[IUCN-1] 1,0 ^1,1 BirdLife International (2009). «Trogon elegans» (inglés). Llista Roxa d'especies amenazaes de la UICN 2010.4. Consultáu'l 4 de mayu de 2011.

[ITIS-2] 2,0 ^2,1 Sistema Integráu d'Información Taxonómica. «Trogon elegans (TSN 178096)» (inglés). Consultáu'l 4 de mayu de 2011.

[1]

[2]