Tratáu de Fontainebleau (1762)
| Definite act of cession of Louisianaby the King of France to the King of Spain | |
|---|---|
| Tipu | llei, cesión y tratáu |
| Estáu | Luisiana (Nueva Francia) |
| Llingua orixinal | francés |
| Llocalización | Fontainebleau, Monesteriu d'El Escorial y Versalles |
| Creación | 3 payares 1762 |
| Robláu por |
Étienne François de Choiseul (es)  , Jerónimo Grimaldi (es) , Carlos III d'España, Ricardo Wall (es) , Lluis XIV de Francia y César Gabriel de Choiseul (es) |
 | |
El Tratáu de Fontainebleau foi un alcuerdu secretu robláu nel castiellu de Fontainebleau (Francia) el 13 de payares de 1762 ente los reinos de Francia y España pol que'l primeru dexó al segundu'l territoriu históricu norteamericanu de Louisiana, una de les divisiones alministratives de Nueva Francia, l'área colonizada per Francia en Norteamérica.
Historia[editar | editar la fonte]
El tratáu siguió a la batalla de Signal Hill, enmarcada na Guerra de los Siete Años, una serie de conflictos internacionales desenvueltos ente 1756 y 1763, p'afitar, ente otros oxetivos, la supremacía colonial n'América del Norte. Énte la perspeutiva de perder los sos territorios en Canadá, Lluis XV propunxo a Carlos III la cesión de la Luisiana francesa, que tomaba tola zona central de los actuales Estaos Xuníos, dende Canadá hasta'l Golfu de Méxicu, y de la ciudá de Nueva Orleans.
L'alcuerdu na forma propuesta incluyiría'l vastu territoriu de la Luisiana a entrambos llaos del ríu Missisipi (incluyendo lo que naquellos momentos conocíase col nome de país de los illinois) y caltúvose de callao inclusive tres la firma del Tratáu de París de 1763, que punxo formalmente fin a la Guerra de los Siete Años y qu'escrituraba les tierres al oeste del Mississippi a nome de los franceses y les asitiaes al este (incluyendo Baton Rouge y el país de los illinois) a los británicos. El Tratáu de París afitó un periodu de dieciocho meses mientres los que los franceses canadienses podríen emigrar llibremente. Como resultancia, munchos de los emigrantes güei conocíos como «cajunes» treslladáronse a Luisiana y darréu descubriríen qu'ésta fuera cedida por Francia a España.
El 21 d'abril de 1764 Lluis XV notificó per carta al gobernador colonial de Luisiana, Charles Philippe Aubry, el cambéu de manes del territoriu, empecipiando un curtiu periodu de transición. Los colonos, sicasí, nun aceptaron los fechos y espulsaron al primer gobernador español, Antonio de Ulloa, tres la so toma de posesión el 5 de marzu de 1766. El nuevu gobernador, Alejandro O'Reilly, acabó cola rebelión en 1768 ya izó oficialmente la bandera española nel territoriu en 1769.
Dambes partes del Mississippi, incluyida Baton Rouge, que foi cedida a los británicos y dempués devuelta a la Florida Occidental tres la Guerra de la Independencia de los Estaos Xuníos, xunióse de nuevu per aciu la Compra de Luisiana de 1803 y el Tratáu Adams-Onís de 1819.
El Tratáu de Fontainebleau de 1762 afitó la presencia del Imperiu español na América del Norte, territoriu que tomaba dende Florida hasta l'Océanu Pacíficu, y caltuvo'l control católicu, social y cultural de la rexón, n'oposición a les perspectives protestantes de control británicu.
Referencies[editar | editar la fonte]
Enllaces esternos[editar | editar la fonte]
Acta preliminar de la cesión, de 3 de payares de 1752.
| Control d'autoridaes |
|
|---|
Datos: Q2628377