Tratáu de Creación de la URSS

De Wikipedia
Saltar a navegación Saltar a la gueta

El Tratáu de Creación de la URSS ye un documentu que llegaliza la creación de la unión de delles Repúbliques Soviétiques pa formar la Unión de Repúbliques Socialistes Soviétiques (URSS). Otramiente, foi roblada la Declaración de Creación de la URSS, que foi considerada como una introducción política escontra'l Tratáu.

El 29 d'avientu de 1922, na conferencia de delegaciones plenipotenciarias de la RSFS de Rusia, RFSS de Transcaucasia, RSS d'Ucraína y RSS de Bielorrusia aprobaron el Tratáu de Creación de la URSS y la Declaración de Creación de la URSS.[1] Estos dos documentos fueron ratificaos pol I Congresu de los Sóviets de la Xunión Soviética y roblaos el 30 d'avientu de 1922 polos miembros de les delegaciones,[2] - Mijaíl Kalinin y Stalin, Mijaíl Frunze y Grigory Petrovsky, Musambékov y Serguéi Kírov, y Aleksandr Cherviakov,[3] respeutivamente, ente otros firmantes.

Les socesives repúbliques que se formaron, entraron por enmiendes separaes del tratáu.

1922 - 1940[editar | editar la fonte]

Los primeros exemplos d'ampliación fueron les Repúbliques de Uzbequistán y Turkmenistán, nel 27 d'ochobre de 1924 fueron dixebraes de la República Autónoma Socialista Soviética de Turkestán de la RSFS de Rusia. La siguiente foi la República Autónoma Socialista Soviética de Taxiquistán, hasta esi momentu parte de la RSS d'Uzbequistán, siendo alzada al estatus de república de la unión el 6 d'ochobre de 1929, convirtiéndose na RSS de Taxiquistán.

La República Federal Socialista Soviética de Transcaucasia esistió hasta'l 5 d'avientu de 1936, cuando s'estremó nes repúbliques soviétiques de RSS d'Armenia, RSS d'Azerbaixán y RSS de Xeorxa. El mesmu día la República Autónoma Socialista Soviética de Turkestán dexó d'esistir dientro de la RSFS de Rusia, y el territoriu foi estremáu ente les repúbliques soviétiques RSS de Kazakstán y RSS de Kirguistán.

1940[editar | editar la fonte]

Nel víspora de la Segunda Guerra Mundial, creáronse delles repúbliques nueves anteriores a la invasión nazi en 1941. La primera foi la República Socialista Soviética Carelo-Finesa, qu'el 31 de marzu de 1940 foi alzada al rangu de república de la unión de la previa República Autónoma Socialista Soviética de Carelia, qu'enantes formaba parte de la RSFS de Rusia.

Dempués de la Ocupación de les Repúbliques Báltiques, Lituania, Letonia y Estonia fueron tresformaes en RSS de Lituania el 13 de xunetu, RSS de Letonia el 21 de xunetu y RSS d'Estonia tamién el 21 de xunetu, y xuniéronse formalmente a la Xunión Soviética el 3 d'agostu, 5 d'agostu y 6 d'agostu respeutivamente. La última república foi la RSS de Moldavia, que foi una fusión del territoriu de Besarabia col de la República Socialista Soviética Autónoma de Moldavia, primeramente incluyida dientro de la RSS d'Ucraína.

Dempués de la guerra, nun s'establecieron nueves repúbliques, anque la RSS Carelo-Finesa foi degradada a República autónoma y reanexada a la RSFS de Rusia el 16 de xunetu de 1956.

El 8 d'avientu de 1991, los líderes de les RSS d'Ucrania y Bielorrusia, y la RSFS de Rusia roblaron el Tratáu de Belavezha que derogaba'l tratáu de 1922, que diose por termináu'l 25 d'avientu de 1991. El so efeutu foi la la disolución de la Xunión Soviética.

Cronoloxía[editar | editar la fonte]

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]


Tratado de Creación de la URSS