Transmurania

De Wikipedia
Saltar a navegación Saltar a la gueta
Transmurania
Alministración
Nome oficial Prekmurje
Rexones estadístiquesRexón del Mura
Xeografía
Coordenaes 46°42′N 16°12′E / 46.7°N 16.2°E / 46.7; 16.2Coordenaes: 46°42′N 16°12′E / 46.7°N 16.2°E / 46.7; 16.2
Superficie 948.48 km²
Puntu más altu ensin valor
Demografía
Población 77 908 hab. (2017)
Densidá 82,14 hab/km²
Cambiar los datos en Wikidata
Los conceyos eslovenos de Prekmurje

La Transmurania (eslovenu: Prekmurje, pron. /prekmúrie/; húngaru: 'Muravidék', en prekmuro: Prekmürsko) ye la rexón más oriental de Eslovenia. Llenda al nordés con Hungría, al noroeste con Austria, al sur con Croacia y al suroeste cola rexón eslovena de Baxa Estiria. Recibe esti nome pol ríu Mura, que la dixebra del restu de Eslovenia (la traducción lliteral del eslovenu sería Sobre-Mura).

La rexón ye plana nel sur, cerca del ríu Mura (un pequeñu afluente del ríu Ledava) y accidentada nel norte (Goričko).

La capital de la rexón ye Murska Sobota. Otres ciudaes importantes son Lendava, Dobrovnik, Turniščy, Beltinci y Črenšovci.

Hestoria y llingua[editar | editar la fonte]

Na rexón hai una considerable población húngara, según un ciertu númberu de xitanus. Formó parte del condáu de Vas, del Reinu d'Hungría, ente'l sieglu XI - 1526, 1687 - 1849 y 1867 - 1918. Tamién foi ocupada per Hungría de 1941 a 1944, mientres la Segunda Guerra Mundial. Los habitantes de Prekmurje vivieron hasta'l final de la Primer Guerra Mundial separaos política, económica y culturalmente, y tuvieron so la influencia d'Hungría. La llei escolar del añu 1908 determinó, por casu, que tolos neños que nun fueren húngaros tuvieren qu'escribir y falar n'húngaru yá na educación primaria.

Antes de la Primer Guerra Mundial hubiera intenciones de venceyar Prekmurje a lo que güei ye Eslovenia pero namái dempués d'ella empezó la real unidá llingüística y cultural. Prekmurje tien yá dende fai enforma tiempu un territoriu billingüe y por causa de ello en el so idioma hai munches pallabres tomaes d'húngaru. El dialeutu, según los eslovenos; de Prekmurje ye'l prekmuro (eslovenu: prekmurščina). El prekmuro ye un idioma, pa los sos integrantes, independiente; del qu'hasta s'anició una lliteratura propia, la que ye una particulidad na lliteratura de los eslavos meridionales, y muncho más pal eslovenu, d'onde se cree procede.

Ente les sos obres importantes ta la traducción del Nuevu Testamentu, de Števan y Mikloš Küzmič. Anque los húngaros quixeron someter a los eslovenos en Prekmurje, dichos intentos fracasaron. Cuidao que la orografía ye complicada y la zona económicamente atrasada, la fala nun había estáu sometíu a la influencia de la llingua eslovena lliteraria y de dalguna manera permaneció aisllada. Esto asocedió a pesar de que nel sieglu XII el pastores protestantes aceptaron la Biblia de Jurij Dalmatin y la llingua de Primuž Trubar.

Monumentos[editar | editar la fonte]

Destaca la ilesia del arquiteutu Jožy Plečnik en Bogojina, asitiada nel conceyu de Moravske Toplice, llamada polos nativos "Palombu blancu" (eslov. Bela golobica). El castiellu Grad en Goričko (eslov. Grad Grad na Goričkem) ye'l más grande en Eslovenia y tien forma de pentágonu. Tien tantes dependencies como díes nel añu, esto ye, 365. En dichu llugar atopa'l centru d'información del Parque Goričko (eslov. Krajinski park Goričko).

Nel pueblu de Selo ta asitiada una pequeña ilesia redonda que foi construyida nel sieglu XII, n'estilu románicu. Nel interior hai un conxuntu de pintures que daten de los sieglos XIV y XV.

Gastronomía[editar | editar la fonte]

Bograč: (caldu con tres tipos de carne y verdura), bujta repa (sopa de nabu), ocvirkov namaz (crema pa untar de chicharrón), ciganska pečenka (asáu xitanu), makovi rezanci (fideos d'amapola), orehovi rezanci (fideos de nueces), zeljeve flikice (cachos de col La famosísima prekmurska gibanica (tarta de cuatro rellenos distintes ) Suel bebese tradicionalmente vieno, zusmiu de mazana y aguardiente.

Feries[editar | editar la fonte]

La feria de Teresa en Murska Sobota (eslovenu: Trejzino senje/Terezijin sejem) tien llugar cada añu'l 15 d'ochobre (Día de Santa Teresa) y cuenta con una tradición de más de cien años. La feria recibe a munchos visitantes, vendedores y compradores d'otres rexones y tamién d'otros países. Na feria la xente puede mercar dellos productos caseros y d'artesanía tal como aguardientes, yerbes y productos de yerbes, productos derivaos del miel, ente otros.

Ver tamién[editar | editar la fonte]

Referencies[editar | editar la fonte]


Transmurania