Torre de Soto

De Wikipedia
Saltar a navegación Saltar a la gueta
Torre de Soto
Llocalización
Cambiar los datos en Wikidata

La Torre de Soto ye una torre defensiva d'orixe medieval asitiada na parroquia de Soto, del conceyu d'Ayer, enriba un cuetu de la marxe drecha del ríu Ayer.

Cronoloxía[editar | editar la fonte]

La so construcción remóntase al sieglu XI; en 1100 pertenecía al alcalde Pedro Díaz de Aller, tíu de Doña Ximena, la muyer del Cid Campeador. Los restos qu'entá se conserven son de los sieglos XIV y XV, mentantu que la casa asitiada delantre de la so fachada oriental llevantose nel sieglu XVI. Dambes, torre y casa, foron remocicaes nos sieglos XVIII-XIX. Consérvense anguaño la fachada sur y la parte baxa de les muries que miren al llevante y al poniente. La so paré semicircular, que miraba al norte, y el restu de les paredes laterales este y oeste, esbarrumbaron una nueche del añu 1925.[1]

El Conseyu de Ministros declaró'l castiellu de Soto y el so entornu conxuntu monumental históricu-artísticu el 20 de xunu de 1975[2]

Característiques arquiteutóniques[editar | editar la fonte]

La torre, de calter defensivu, ye de planta cuadrada dividida, según puede deducise de les marques de la so división en pisos que queden nos restos conservaos anguaño, en trés plantes, y rematada con almenes. Los únicos vanos orixinales parecen ser la puerta d'arcu de mediu puntu adovelada y dellos ventanucos allargaos de la so fachada oriental; el restu d'ellos considérase que abriéronse en posteriores reconstrucciones.

Referencies[editar | editar la fonte]

  1. VV.AA.. Diccionario geográfico de Asturias. Ciudades, villas y pueblos, p. 920. Editorial Prensa Asturiana, Uviéu, 2000.
  2. Declaración del castiellu de Soto como conxuntu históricu-artísticu (BOE del 2 de setiembre de 1975.

Bibliografía[editar | editar la fonte]

  • Cobo Arias, F., Cores Rambaud, M. y Zarracina Valcarce, M, Guía básica de monumentos asturianos, pp. 25-26. Serviciu de Publicaciones del Principáu d'Asturies, Uviéu, 1990.