Tormaleo

De Wikipedia
Saltar a navegación Saltar a la gueta

Tormaleo ye una parroquia del conceyu asturianu d'Ibias. Ta allugáu na fastera meridional del mesmu, y tien una estensión de 36,45 km². Parte d'ellos tán dientro del parque natural de les fontes del Narcea. La so población (INE, 2011), que se reparte ente los llugares de Buso, Fondodevila, Freisno, Luiña, Torga, Tormaleo, Vilares d'Abaxo y Vilares d'Arriba, ye de 423 habitantes. Esto conviértela en la más poblada del conceyu, y ello ye porque nel so territoriu, en Vilares, s'asitia la esplotación antracitera a cielu abiertu de la empresa Minas de Tormaleo S.A. (anque ta previsto que pieslle en 2010 y que los trabayadores vaigan pa la de Zarréu, en Degaña).

Dientro del so patrimoniu destaca'l palaciu de Tormaleo, un palaciu rural qu'emprincipió a edificase, a partir de la torre y del cuerpu occidental, nel sieglu XVIII.

Escudu nobiliariu de la fachada del palaciu de Tormaleo

Enllaces esternos[editar | editar la fonte]

Flag of Asturias (indoor).svg Parroquies d' Ibias Bandera de Ibias.svg
Cecos | Os Coutos | A Estierna | Marentes | Piliceira | San Cremente | Santantolín | Sena | Seroiro | Taladriz | Tormaleo