Toque de queda
El toque de queda ye la prohibición, establecida por instituciones gubernamentales, de circular llibremente peles cais d'una ciudá, xeneralmente nes hores nocherniegues. Comúnmente faise en situaciones de guerra o conmoción interna que vive un país o una ciudá. Xeneralmente'l so cumplimientu ye vixiláu por instituciones policiales y de fuercies armaes.
Por casu, pal terremotu de Chile de 2010 na ciudá de Concepción reportáronse numberosos saqueos a supermercaos y tiendes, polo que se decretó un toque de queda que llegó a ser de 18 hores diaries, ente les 18:00 y les 12:00,[1] siendo'l más llargu en tol país.[ensin referencies] N'otres ciudaes como Talca, la midida foi decretada por seis hores, dende les 0:00 hasta les 6:00.
Nel Perú, nos años 1980, mientres la dómina del terrorismu, tamién s'aplicó'l toque de queda, dende les 22:00 hasta les 6:00.
En Puertu Ricu, depués de la devastación del furacán María el 20 de setiembre de 2017, reportáronse dellos saqueos a supermercaos y otros tipos de tiendes, foi entós onde se declaró un toque de queda, dende les 18:00 hasta les 6:00. Orixinalmente'l toque de queda diba durar unos díes, pero tres la revisión de la situación critica tomáronse más midíes preventives per parte del gobiernu puertorriqueñu y entró a valir de manera indefinida.
El gobiernu de Reinu Xuníu llegó a considerar instaurar el toque de queda nos disturbios d'agostu de 2011.[2]
Ver tamién[editar | editar la fonte]
Referencies[editar | editar la fonte]
- ↑ Concepción: Adelántrase toque de queda a les 18 h. Nación, 2 de marzu de 2010.
- ↑ Estudien condiciones pa toque de queda en Londres.
Enllaces esternos[editar | editar la fonte]
Wikimedia Commons acueye conteníu multimedia sobre Toque de queda 
.
