Saltar al conteníu

Tito Montero

De Wikipedia
Tito Montero
Vida
Nacimientu Uviéu[1], 1978[1] (47/48 años)
Nacionalidá España
Estudios
Estudios Universidá Pontificia de Salamanca
Oficiu
Oficiu periodista, cineasta, escritor
Trabayos destacaos Cuartu 207
Hilos
Seudónimos Tito Montero[2]
IMDb nm14268302
Cambiar los datos en Wikidata

Tito Montero (1978, Uviéu) ye un periodista, escritor y direutor de cine asturianu.

Trayeutoria

[editar | editar la fonte]

Fíu d'albañil y nietu de ferroviariu, nació y medró n'Uviéu. Estudió Comunicación Audiovisual y Publicidá y Rellaciones Públiques pola Universidá Pontificia de Salamanca y trabayó en prensa escrita, radio (RPA) y en televisión (TPA, Telecinco y TeleAsturias). Especializáu en periodismu cultural, foi creador y dirixó'l programa radiofónicu de cine La Pantalla Mecánica y dende 2015 conduz el programa cultural Pieces (Televisión del Principáu d'Asturies) sobre l'actualidá en lliteratura, música, cine, creación audiovisual, teatru, artes plástiques, cultura tradicional.[3][4][5][6][7]

Mientres desenvuelve la so xera periodística, sigui esperimentando cola imaxe. Del microrrelatu "Los platos rotos" (2015) sobre l'abandonu y zarru de la fábrica de lloza de San Cloyo n'Asturies, premiu FICARQ (Festival de Cine y Arquiteutura 2015 nació'l so primer curtiumetraxe, El esplendor (2016) una curtia hestoria del capitalismu industrial. Siguió-y en 2017 el so primer llargumetraxe, La ciudad y los premios y un nuevu curtiu, Interrail/Mahnmal (2018) que narra'l percorríu per Europa d'un grupu d'amigues n'Interrail demientres el branu anterior a la so entrada na universidá.[8][9][10][11]

En 2018 dirixó Regreso a la aldea perdida, la primer serie documental pa internet de la hestoria de la Radiotelevisión del Principáu d'Asturies. Al traviés de 14 capítulos, cola producción executiva de Ramón Lluís Bande, la serie avérase a los conceutos trataos por Armando Palacio Valdés (1853-1938) en La aldea perdida (1903) y amuesa distintes realidaes sociales y económiques de l'Asturies de la segunda década del sieglu xxi nel añu del zarru de les mines por mandatu de la Xunión Europea por non competitives. La versión cinematográfica d'esti proyectu transmedia foi'l llargumetraxe El pasado presente, nel que narra'l procesu de la desindustrialización de les cuenques y que forma parte de la filmografía del Nuevu Cine Asturianu. «Interésame más la realidá que la ficción nesti momentu» esplica el cineasta que reivindica'l documental. Na serie inclúi tamién el rodaxe d'Elisa Cepedal.[12][13][4][14][15][16]

En 2019 estrena'l documental Un fantasma recorre [...] na seición oficial de curtiumetraxes del Festival Internacional de Cine de Xixón. El curtiumetraxe reivindica la figura de Rafael del Riego, abanderáu de los lliberales asturianos, y la so llucha contra l'absolutismu. La so propuesta defínese por una gueta «d'un cine que se posicione al respeutu de la hestoria y que seya capaz de xenerar pensamientu». El curtiu compitió nel Festival de Málaga de 2020.[17][18][19]

En 2020 estrena Los ladrillos, un viaxe familiar per Chicago nel que se produz un primer acercamientu a la figura del so güelu, desapaecíu mientres la guerra civil. "El mio pá escapó de la mina pa construyir edificios coles sos manes demientres más de mediu sieglu. Ye lo que me permite escribir, ye lo que me permite facer películes. Ye lo que me dexa tar equí y una vegada equí'l tamañu de los edificios qu'otros albañiles construyeron para los sos amos núblame la mirada. En Chicago solo soi capaz de pensar ente la distancia ente la escala humana y l'escala del poder... y esguilar lloñe del suelu" narra cola so propia voz el cineasta.[20]

Memoria histórica

[editar | editar la fonte]
Fotograma de la película Hilos.

El 1 d'agostu de 1937 Felipe García Moro, güelu del cineasta, morrió na Batalla del Cimeru. Con Hilos (2022) Tito Montero ye la primer ocasión na que daquién grabó a la so familia recuperando la memoria de quien "hasta entós, nunca esistió". ¿Inflúi la condición de clase na memoria? ¿A qué tipu de persones puede borrase de la Historia? plantega'l documental qu'amuesa'l pasáu calláu de la so propia familia, premiáu na seición oficial Tierres en trance del Festival Internacional de Cine de Xixón. Nun principiu, el llargumetraxe debía llamase "Notas sobre el silencio", en referencia al silenciu tantu institucional como familiar sobre la figura del güelu.[21]

En 2022 presenta "La estrategia del roble" un proyectu autobiográficu de testos y cantares que se convierten n'ensayos fílmicos sobre los años de guerra n'Asturies, que se completa con un llibru y una esposición.[22][23]

Cine asturianu

[editar | editar la fonte]

El cine asturianu ye una constante na reflexón del cineasta que desenvuelve una investigación pa la so tesis doctoral na Universidá d'Uviéu sobre "La construcción del cine asturiano a comienzos del siglo XXI".[24]

En 2023 Hilos de Tito Montero y Contracampos de Ramón Lluís Bande proyeutáronse en Xixón nuna xornada especial dedicada al cine d'autor asturianu y fueron proyeutaos en distintos conceyos d'Asturies nun proyectu de la Cinemateca ambulante.[20]

La esistencia del cine asturianu y les sos claves son el focu del trabayu de 2024 presentáu nel documental Cuartu 207 (2025). Tito Montero recupera'l proyeutu aniciáu en 2018 por Ramón Lluís Bande Hotel Asturies (2019) cola mesma propuesta: doce cineastes asturianos con película nel Festival Internacional de Cine de Xixón pasen pol cuartu 207 del Hotel Asturies de Xixón para cavilgar sobre'l cine asturianu. Participen nel documental Pablo Casanueva, Maryam Harandi, Diego Flórez, Omar Tuero, Ana G. Argüelles, Álex Galán, Howi Álvarez, Antonio Llaneza, Alicia Moncholí, Manuel García Postigo, Sergio Montero y Ramón Lluís Bande.[25]

Obra

[editar | editar la fonte]

La filmografía de Tito Montero ta considerada dende los sos primeros trabayos como la de «un autor que decidió posicionase con plena conciencia y discursu como re-llector políticu y social de la nuesa llinea histórica», como señala l'escritor Alejandro Fernández-Osorio nuna crítica sobre Un fantasma recorre […] (2019)[26]

Los analises de la propuesta cinematográfica de Montero, planos y montaxe, el so cine-ensayu encamiéntennos a confrontar múltiples escosamientos: dende la desllocalización d'empreses y el final de la industria minero hasta la espectacularización de la imaxe o la mesma ruina del llazu simbólicu ente seres humanos.[27]

Siguiendo les enseñances de Dziga Vertov, Montero dedícase a construyir una forma particular de montaxe asociada a la so esperiencia con un entornu convulsionáu. Como un nuevu home de la cámara afita la mirada nuna tierra en desapaición inxertada nun mundu en tresformación acelerada y apuesta por un montaxe continuu de documentos históricos, que constitúin un marcu visual capaz de producir llectures múltiples sobre esti territoriu y esti tiempu. Como los de Vertov, los documentos colos que trabaya Montero son, d'una banda, ruines de la modernidá; y d'otra, materiales ensin terminar, incompletos ya informes que quiciabes tovía quieran falanos d'un porvenir señala'l tamién cineasta y escritor Ramón Lluís Bande nel testu: "Nel llaboratoriu creativu de Tito Montero: 11 notes de llectura de ‘La estratexa del roble'":[28]

Filmografía

[editar | editar la fonte]
  • Los platos rotos (2015) microrrelatu 2'[29]
  • El esplendor (2016), curtiumetraxe 6' 10[9]
  • La ciudad y los premios, (2017), llargumetraxe
  • interrail / mahnmal (2018), curtiumetraxe 7,15'[11]
  • Regreso a la aldea perdida (2018), serie web+tv[13]
  • El pasado presente (2018) llargumetraxe[12]
  • Un fantasma recorre […] (2019) curtiumetraxe
  • Los lladrillos (2020) curtiumetraxe
  • La estrategia del roble (2022) expo_web
  • Hilos (2022) llargumetraxe
  • cuartu 207 (2025)
  • Áramo (2026) en producción

Publicaciones

[editar | editar la fonte]
  • 10 Corsarios (2012) novela Ed Bestia Audax[30]
  • Charlize Theron y las democracias ardientes (2013) relatos[31] Ed Bestia Audax. Fotografías de Marcos Vega y García de Marina.
  • La estrategia del roble (2020) ensayu editáu pol Festival Internacional de Cine de Xixón
  • Ciudadano Riego. El asturiano que no quiso ser Napoleón. Cuaderno de apuntes para un[a película] collage. (2026) Ilustraciones: Marina Munárriz Álvarez. Bestia Audax Coleición aramo ISBN: 978 84 09 82470 0[32]

Premios y reconocencies

[editar | editar la fonte]
  • Duets-El precio de la fama (2010) foi escoyíu a competición pol Festival Internacional de Cine de Xixón y ganó el Premiu del Públicu nel IV Festival Bocanegra.[5]
  • Premiu FICARQ (Festival de Cine y Arquitectura 2015 por "Los platos rotos"[8]
  • Un fantasma recorre [...] (2019) foi estrenáu nel FICX 2019 y escoyíu na Sección oficial de Curtios Documentales del Festival de Málaga 2020
  • El curtiumetraxe Los ladrillos (2020) foi escoyíu para participar nel Festival Internacional de Curtiumetraxes de Vila do Conde de Portugal.[33]
  • Hilos (2022) Premio Dama al meyor guion de película española y Premiu del Públicu de la competición "Tierres en trance" a la distribución en Festival Internacional de Cine de Xixón 2022.[34]

Bibliografía

[editar | editar la fonte]

Referencies

[editar | editar la fonte]
  1. 1 2 URL de la referencia: https://dafilmfestival.com/es/director/tito-montero/.
  2. ↑ URL de la referencia: http://www.biblioasturias.com/tito-montero/.
  3. ↑ A, M. F. (2020-11-13). «Tito Montero y el viaje íntimo de 'Los ladrillos'» (castellanu). El Comercio: Diario de Asturias. Consultáu'l 2025-11-08.
  4. 1 2 ««Lo que los cineastas asturianos podemos aportar hoy al cine es una visión política»» (castellanu). La Voz de Asturias (2018-11-20). Consultáu'l 2025-10-24.
  5. 1 2 Club Cultura. Principado de Asturias (ed.): «10 corsarios, novela negra de Tito Montero».
  6. ↑ «Pieces». rtpa.es.
  7. ↑ «Jurado Tierres en Trance | 63 FICX – Festival Internacional de Cine de Gijón / Xixón». ficx.tv. Consultáu'l 2025-10-24.
  8. 1 2 PUGA, E. RODRÍGUEZ / J. M. (2015-07-12). «'A primera vista', mejor película del Festival de Cine y Arquitectura | El Comercio: Diario de Asturias» (castellanu). El Comercio. Consultáu'l 2025-10-24.
  9. 1 2 «El esplendor» (italianu). Laboral Cinemateca. Consultáu'l 2025-10-24.
  10. ↑ «El esplendor – Mieres Film Festival» (inglés). Archiváu dende l'orixinal, el 2025-12-03. Consultáu'l 2025-10-24.
  11. 1 2 «Interrail / Mahnmal» (castellanu). Laboral Cinemateca. Consultáu'l 2025-10-24.
  12. 1 2 «RTPA estrena hoy su primera web serie 'Regreso a la aldea perdida'» (18 de setiembre de 2018).
  13. 1 2 «Regreso a la aldea perdida» (2018).
  14. ↑ Mieres del Camino (2018-11-20). «El prólogo de 'La aldea perdida'» (castellanu). La Nueva España. Consultáu'l 2025-10-24.
  15. ↑ Camino, Mieres del (2018-11-20). «El prólogo de 'La aldea perdida'» (castellanu). La Nueva España. Consultáu'l 2025-10-24.
  16. ↑ ««Lo que los cineastas asturianos podemos aportar hoy al cine es una visión política»» (castellanu). La Voz de Asturias (2018-11-20). Consultáu'l 2025-10-24.
  17. ↑ «Entrevista a Tito Montero (Director del corto "Un fantasma recorre..."» (castellanu). COPE (2019-11-20). Consultáu'l 2025-11-06.
  18. ↑ «Tito Montero: «El cine necesario debe asumir sin tapujos su papel de contrapoder»» (castellanu). La Voz de Asturias (2019-11-21). Consultáu'l 2025-11-06.
  19. ↑ «Tito Montero competirá en Málaga con el corto 'Un fantasma recorre [...']» (castellanu). La Nueva España (2020-03-03). Consultáu'l 2025-11-06.
  20. 1 2 «El nuevo cine asturiano, en primera línea de fuego contra el olvido» (local). www.elsaltodiario.com (2023-02-25). Consultáu'l 2025-10-23.
  21. ↑ «Tito Montero: “Hilos es. una película ética y estéticamente minifundista" | 63 FICX – Festival Internacional de Cine de Gijón / Xixón». ficx.tv. Consultáu'l 2025-10-24.
  22. ↑ «Hilos/La estrategia del roble» (castellanu). RTVE.es. Consultáu'l 2025-10-23.
  23. ↑ «"La estrategia del roble" último trabajo de Tito Montero». rtpa.es (18 de xunu de 2022).
  24. ↑ R, A. (2024-11-23). «Tito Montero documenta el momento del cine asturiano» (castellanu). La Nueva España. Consultáu'l 2025-10-24.
  25. ↑ «De La Piedra Producciones, en colaboración con el Festival Internacional de Cine de Gijón/Xixón, rueda durante el certamen la segunda parte de "Hotel Asturies" | 63 FICX – Festival Internacional de Cine de Gijón / Xixón». ficx.tv. Consultáu'l 2025-10-24.
  26. ↑ «La ciudad y los premios» (castellanu). El Cuaderno. Consultáu'l 2025-10-24.
  27. ↑ Aguilera-Mellado, Pedro A. (2024-01-02). «Escombros contemporáneos, estratos modernos … y secreto marxista de la “existencia” en el cine de Tito Montero». Journal of Spanish Cultural Studies 25 (1):  páxs. 151–176. doi:10.1080/14636204.2024.2309320. ISSN 1463-6204. https://doi.org/10.1080/14636204.2024.2309320. Consultáu'l 2025-10-23.
  28. ↑ Ramón Lluís Bande (2022-09-14). «Nel llaboratoriu creativu de Tito Montero: 11 notes de llectura de ‘La estrategia del roble'» (castellanu). El Cuaderno Digital. Consultáu'l 2025-10-23.
  29. ↑ AV451 (2019-03-19). «La 21ª Semana del Cortometraje de la Comunidad de Madrid anuncia sus actividades en torno a Colombia» (castellanu). Audiovisual451. Consultáu'l 2025-10-24.
  30. ↑ Diego Medrano. «La periferia moral de Tito Montero» (castellanu). El Imparcial. Consultáu'l 2025-10-24.
  31. ↑ «Charlize Theron y las democracias ardientes en la Biblioteca de Figueras | Biblioasturias» (castellanu). Consultáu'l 2025-10-24.
  32. ↑ «Guía para llegar a sus raíces» (castellanu) (2026-04-14). Consultáu'l 2026-04-26.
  33. ↑ «Los ladrillos, el último cortometraje de Tito Montero, compite en xunetu en el prestigioso festival portugués Curtas Vila do Conde» (portugués). Laboral Cinemateca. Consultáu'l 2025-11-06.
  34. ↑ «Cine, Estertor e Hilos» (castellanu). RTVE.es. Consultáu'l 2025-10-23.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Tito_Montero&oldid=4684000»