Tiraña

Tiraña
Alministración
País	España
Autonomía	Principáu d'Asturies
Provincia	provincia d'Asturies
Conceyu	Llaviana
Partíu xudicial	Llaviana
Tipu d'entidá	parroquia d'Asturies
Xeografía
Coordenaes	43°16′18″N 5°33′55″W
Tiraña Tiraña (Asturies)
Altitú	334 m
Llenda con	Carrio, La Pola Llaviana, El Condao, Nava, Santu Medero y Blimea
Demografía
Población	1607 hab. (2020)
Porcentaxe	13.01% de Llaviana 0.16% de provincia d'Asturies 0.16% de Principáu d'Asturies 0% de España
Más información
Estaya horaria	UTC+01:00

Tiraña ye una parroquia del conceyu asturianu de Llaviana. Ocupa la fastera noroccidental del conceyu, y llenda: al norte col conceyu de Bimenes, al este con Nava y les parroquies del El Condao y La Pola, al sur cola parroquia de Carrio y al oeste col conceyu de Samartín del Rei Aurelio. Abarca alministrativamente'l territoriu de dos parroquies eclesiástiques: la de San Xosé de Los Barreros y la de San Pedro. De la primer d'elles, de la so población y de los pueblos y llugares qu'abarca, fálase na páxina correspondiente.

La parroquia alministrativa tien una estensión de 19,8 km² de la cuenca del ríu homónimu. La población de la parroquia eclesiástica ye de 324 habitantes (INE, 2010), que se reparten ente los llugares de L'Arbeya, La Barrera, Bustió, Les Cabañes, El Campu, El Campurru, Carbayal, Los Cardos, La Casarriba, La Casorra, La Cerezal, Condueñu, Costante, Cortina, El Cuetu, El Fabariegu, La Facuriella, La Faya los Llobos, El Forno, Gamonal, La Gatera, Grandiella, L'Agüeria Riba, L'Agüeria Baxo, Lloro, La Moral, L'Ordaliegu, Paniceres, El Paréu, El Patarín, La Peruyal, El Rebollal, Recortina, San Pedro, Los Veneros, El Valliquín, Villarín, L'Azorea Baxo, L'Azorea Cima, El Caleyón, La Cantera, El Colláu, La Corcia, Llanacéu, El Pláganu y La Vaúga.

Los sos habitantes son nomaos cuyarapos, como se recueye nel cantar que vien darréu:

Cuyarapos de Tiraña,
emprestainos la cuyar,
pa dir a comer fariñes
a la Campa Corturial.

Bibliografía

• Espediente colos topónimos oficiales de Llaviana
• VV.AA., Diccionario geográfico de Asturias. Editorial Prensa Asturiana, Uviéu, 2000.
• Castañón, Luciano, Diccionario geográfico popular de Asturias. Uviéu, Servicio de Publicaciones del Principado de Asturias, 1990.

Enllaces esternos

• Datos: Q3826738