Tipulidae

De Wikipedia
Saltar a navegación Saltar a la gueta
Tipulidae April 2008-2.jpg

Los tipúlidos (Tipulidae) son una familia de dípteros nematóceros del infraorden Tipulomorpha, conocíos comúnmente como típulas, mosques grulla, mosquitos xigantes o zancudos xigantes, anque nun son mosquitos o zancudos verdaderos porque son una familia puramente y non culícidos (Culicidae, los mosquitos verdaderos). Delles clasificaciones asitien a les subfamilies Limoniinae y Cylindrotominae en families separaes.[1] Tipulidae ye una de les families más grandes de dípteros, describiéndose a lo menos 4256 especies de tipúlidos (la mayoría pol especialista Charles Paul Alexander).[2]

Los adultos son delgaos, con pates bien llargues y fines; pueden midir de 2 a 60 mm de llargor (ensin cuntar les pates) anque les especies tropicales pueden ser entá más grandes, d'hasta 100 mm.

Contrariamente a una medrana estendida por ignorancia sobro los sos vezos, y que nun pica pa zucar sangre, sinón que delles especies depredan a los mosquitos auténticos. Quiciabes por eso, en dellos llugares como n'Asturies conózse-yos como "sacagüeyos".

Ecoloxía[editar | editar la fonte]

Identificáronse los bárabos de namá'l 2% de les especies. Atopense nuna gran variedá de hábitats acuáticos, incluyendo llagunes hipersalinas, salines y d'agua duce. La mayoría aliméntense de productos de refugaya, son detritívoros. Delles especies alimentarse de bárabos de mosquitos.[3][4] Al ser bien resistentes a los plaguicidas, los bárabos de les especies que s'alimenten de raigaños pueden aportar a una plaga en dellos cultivos y nel verde.[5]

Según la ecoloxía de la especie en concretu, los adultos (imagos) viven en zones húmedes con temperatures nidies pel hibiernu, los bárabos de delles especies viven en poces salines de zones desérticas a temperatures per debaxo del puntu de conxelación. Los imagos aliméntense de néctar o a cencielles nun s'alimenten.[6] Les llargues pates paecen ser una adaptación pa posase nes fueyes de verde.

Munchos páxaros y munchos inseutos aliméntense de típulas. Munchos pexes y delles aves acuátiques aliméntense de los bárabos. Son vulnerables a infeiciones d'hongos. El pescadores suelen usar delles de los bárabos acuáticos como carnada.

Referencies[editar | editar la fonte]

  1. Alexander C.P., Byers G.W. (1981) Tipulidae. in: McAlpine J.F. et al. (Ed.), Manual of Nearctic Diptera. Agriculture Canada, Ottawa, pp. 153–1902 ISBN 0-660-10731-7 pdf
  2. de Jong, H., et al. (2008). Global diversity of craneflies (Insecta, Diptera: Tipulidea or Tipulidae sensu lato) in freshwater.
  3. Crane Flies of Kentucky - University of Kentucky Entomology
  4. Carnegie museum
  5. Andrew Ward. Cricket's Strangest Matches. (1998 edición). Robson Books, London. p. 111.Andrew Ward. Cricket's Strangest Matches., 1998, Robson Books, London, 111.
  6. Carnegie museum