Tim O'Connor

Tim O'Connor
Vida
Nacimientu	Chicago, 3 de xunetu de 1927
Nacionalidá	Estaos Xuníos
Llingua materna	inglés
Muerte	Nevada City (es) , 5 d'abril de 2018 (90 años)
Causa de la muerte	insuficiencia cardiaca
Fíos/es	1
Estudios
Estudios	Mount Carmel High School (en)
Llingües falaes	inglés
Oficiu	actor, actor de televisión, actor de cine
IMDb	nm0640539

Tim O’Connor (3 de xunetu de 1927, Chicago – 5 d'abril de 2018, Nevada City ^(es) ) ye un actor d'Estaos Xuníos conocíu pola so prolífica obra na televisión. Enantes de treslladase a California, vivió nuna islla en mediu del llagu Glen Wild, cerca de Bloomingdale (Nueva Jersey).

O’Connor especializóse en representar funcionarios, militares y policíes. Dalgunos de los sos papeles más conocíos son: el Dr. Elias Heuer en Buck Rogers nel sieglu XXV, Jack Boland en Hospital Xeneral, y Carson Elliot en Peyton Place. Tamién tuvo papeles recurrentes en Barnaby Jones y en Dinastía. En 1960 foi estrella convidada con Telly Savalas y Joan Hackett na efímera serie médica-policial Diagnosis: Unknown, na canal CBS.

En 1964 apareció como actor invitáu na Serie The Fugitive protagonizada por David Janssen nel papel de Joe Hallop, nel capítulu Taps For a Dead War un veteranu de la guerra de Corea y onde salvara al Dr. Kimble d'una emboscada.

En 1970, O’Connor foi la estrella convidada de la serie Daniel Boone como Secord. Siete años más tarde, apaeció en dos episodios de la serie Muyer maravía (protagonizáu por Lynda Carter) como un unviáu alieníxena llamáu Andros. Tim O’Connor apaeció nel episodiu «Semi-friendly persuasion» de la segunda temporada de The A-Team, como Karl Peerson, líder d'un grupu relixosu pacifista al que la brigada echa un gabitu. Interpretó a un embaxador estranxeru nun episodiu de Star Trek: The Next Generation. La so apaición como'l Sr. Thackery nel episodiu «Bad Day en Hazzard» de Los duques de Hazzard demostró que tamién podía interpretar villanos. Representó otru villanu como unu de malvaos secuaces de Robert Goulet na parodia The Naked Gun 2 1/2.

Apaeció en dos episodios de la serie de misteriu Colombo, protagonizada por Peter Falk. Tamién apaeció en dos episodios de la comedia M*A*S*H. Nel episodiu «De los alces y los homes» representó al coronel Spiker, a quien Hawkeye chiscó-y folla, y que más tarde tuvo qu'operar pa salva-y la vida. Nel episodiu «Operación Amistá» de la novena temporada de M*A*S*H representó al Dr. Norman Trager, un ciruxanu y especialista de la mano qu'operó a B. J. Hunnicutt dempués de qu'esti sufriera una hemorraxa na mano derecha.

O’Connor foi direutor de la Compañía de Teatru de Foothill en Nevada City (California) primero que zarrara. En 2011 protagonizó la película Dreams Awake cola actriz Erin Gray (1950-), coestrella de la serie de televisión Buck Rogers nel sieglu XXV.

Referencies[editar | editar la fonte]

↑ ^1,0 ^1,1 URL de la referencia: http://deadline.com/2018/04/timothy-oconnor-dies-character-actor-best-known-for-role-on-peyton-place-was-90-1202363609/.

Enllaces esternos[editar | editar la fonte]

Tim O'Connor na Internet Movie Database (n'inglés)
Tim O'Connor en Memory Alpha, una wiki de Star Trek.

[a3c1fdd29e8b3b135a144513b313c1834a7fbcee-1] 1,0 ^1,1 URL de la referencia: http://deadline.com/2018/04/timothy-oconnor-dies-character-actor-best-known-for-role-on-peyton-place-was-90-1202363609/.

[1]