Thustra

De Wikipedia
Saltar a navegación Saltar a la gueta

Thustra ye un planeta ficticiu del universu La guerra de les galaxes, con diversa vexetación sobre un tarrén daqué grebiu. Los sos habitantes, los sephi, yeren una especie centenaria con aspeutu élficu, engurriaos, altos, humanoides y con unos güeyos ensin neñina de color prietu.

Carauterístiques[editar | editar la fonte]

Nel universu de ficción de la obra, los sephi vivieron en paz por milenios dientro de la República galáutica edificando monumentales ciudaes con xardinos, palacios, cases baxes, rascacielos, estatues, aveníes, arcos. Estos taben gobernaos por un rei. Nes Guerres Clon dixebráronse de la República ensin dar motivu dalgún. Pesie a too, el senador, Navi, prosiguió en Coruscant alegando que la decisión de dixebrase fuera namái del rei, Alaric.

Los Maestros Jedi Tyr (un gand) y Tyffix (un weequay) foron unviaos colos sos padawans y un exércitu clon al planeta. Dambos foron asesinaos y Yoda, collaciu del rei, viaxó a tomar el mandu y a axustar. A la fin afayóse una conspiración pa faer que la República causara baxes civiles qu'estropiaren la so reputación. El rei y el senador xuniéronse a la Confederación de Sistemes Independientes.

Evacuóse Thustra con un padawan muertu y el mesmu rei ensin vida. Les ciudaes principales acabaron en llapaes y el senador deteníu. Thustra, sicasí, nun reconoció abiertamente ser parte de la Confederación.