Thelma Hill

Thelma Hill
Vida
Nacimientu	Emporia, 12 d'avientu de 1906
Nacionalidá	Estaos Xuníos
Llingua materna	inglés
Muerte	Culver City, 11 de mayu de 1938 (31 años)
Sepultura	Forest Lawn Memorial Park
Causa de la muerte	accidente vascular cerebral
Estudios
Llingües falaes	inglés
Oficiu	actriz, actriz de cine
IMDb	nm0384716

Thelma Hill (12 d'avientu de 1906, Emporia – 11 de mayu de 1938, Culver City) foi una actriz cinematográfica d'Estaos Xuníos, activa na dómina del cine mudu.

Biografía[editar | editar la fonte]

El so verdaderu nome yera Thelma Floy Hillerman, y nació n'Emporia, Kansas. Foi una de les poques Guapures Bañistas de Mack Sennett en llegar a trabayar como actriz nel cine. Hill foi conocida como la "moza del bañador mah jongg", con motivu del bañador col que yera fotografiada.

Siendo mozu, ella vivía non bien lloñe de los estudios cinematográficos, y llamó l'atención de Mack Sennett y F. Richard Jones. Mientres los sos años na escuela, ella fixo pequeños papeles y trabayó como extra los sábados y domingos, según nos sos díes de vacaciones. Pasáu un tiempu, Hill empezó a actuar como doble de Mabel Normand.

Hill foi escoyida pa trabayar con Ralph Graves nuna serie de curtios risibles relaizados por Sennett en Glendale Boulevard, en Los Angeles, California. Tamién trabayó con Ben Turpin en A Prodigal Bridegroom (1926). Ente 1927 y 1929 actuó xunto a Bud Duncan na serie de curtios cómicos de Larry Darmour Toots and Casper, y foi la primer actriz nel filme de Stan Laurel y Oliver Hardy Two Tars (1928).

Hill completó en 1927 el so contratu con Film Booking Offices of America, pasando entós a Metro-Goldwyn-Mayer pa faer un papel en The Fair Co-Ed (1927). Remató la so carrera nos estudios de Hal Roach "The Lot of Fun" poco dempués de la llegada del cine sonoru.

Sicasí, en 1932 taba enferma por una depresión y pol abusu d'alcohol. Thelma Hill finó nel Sanatoriu Edward Merrill en Culver City, California, en 1938, por causa d'una hemorraxa cerebral. Tenía 31 años d'edá. Los sos restos fueron encenraos y depositaos nel Campusantu Forest Lawn Memorial Park de Glendale (California). Había estáu casada col actor John West Sinclair.

Referencies[editar | editar la fonte]

Los Angeles Times, Additions To Cast, 13 d'agostu de 1924
Los Angeles Times, Bathing Girl Given Lead In New Comedy, 17 d'agostu de 1924
Los Angeles Times, Thelma Hill, Former Sennett Player, Dies,12 de mayu de 1938

Referencies[editar | editar la fonte]

↑ ^1,0 ^1,1 Afirmao en: Find a Grave. Identificador Find a Grave: 8271429. Apaez como: Thelma Hill. Data de consulta: 9 ochobre 2017. Llingua de la obra o nome: inglés.

Enllaces esternos[editar | editar la fonte]

Thelma Hill na Internet Movie Database (n'inglés)
«Thelma Hill». en Find a Grave. (n'inglés)

[41759e30a730c4cf97f26bd4fa331962d62a49b4-1] 1,0 ^1,1 Afirmao en: Find a Grave. Identificador Find a Grave: 8271429. Apaez como: Thelma Hill. Data de consulta: 9 ochobre 2017. Llingua de la obra o nome: inglés.

[1]