The Promised Neverland

De Wikipedia
Saltar a navegación Saltar a la gueta
The Promised Neverland
Datos
Autor Kaiu Shirai y Posuka Demizu
Fecha 1 agostu 2016
Xéneru miéu y misteriu
Editorial orixinal Shueisha, Haksan Culture Company Traducir, Tong Li Publishing, Kazé Traducir, Norma Editorial Traducir y Editorial Ivrea Traducir
País orixinal Bandera de Xapón Xapón
Cambiar los datos en Wikidata
The Promised Neverland
The-promised-neverland-logo.svg
Datos
Títulu orixinal 約束のネバーランド
Xéneru miéu y misteriu
País d'orixe Bandera de Xapón Xapón
Añu 1 agostu 2016
Web oficial
Cambiar los datos en Wikidata

The Promised Neverland (約束のネバーランド Yakusoku no Neverland?) ye una serie manga redautáu por Kaiu Shirai ya illustrada por Posuka Demizu. La obra narra la hestoria d'unos neños güérfanos, llideraos por una moza d'once años llamada Emma, que traten de fuxir del orfanatu nel que vivíen engañaos.[1]

La serie ye espublizada dende agostu de 2016 pola editorial Shūeisha na revista selmanal xaponesa Shōnen Jump, siendo recopilada dende entós en trece volúmenes. N'abril de 2019 sigue en desarrollu. A raíz del so ésitu cunta con una adautación n'anime, producío por CloverWorks y transmitíu pola cadena de televisión Fuji TV a partir de xineru de 2019.[1]

Hestoria[editar | editar la fonte]

Ambientada nun futuru distópico nel añu 2045, Emma ye una neña güérfana d'once años que vive nel orfanatu Grace Field House, al pie d'otros 37 neños a los que considera los sos hermanos, y so la custodia d'una muyer conocida como «Madre». Los neños d'esi hospiciu viven felices y esfruten de los meyores curiaos hasta que cumplen dolce años, momentu nel que tienen que fuxir d'ellí.​ Por norma xeneral visten uniformes blancos, tienen un númberu de reconocimientu nel pescuezu, y faen esámenes diarios nos qu'Emma siempre llogra la máxima puntuación al pie de los sos meyores amigos, Norman y Ray. Nel so tiempu llibre los neños pueden faer lo que quieran sacantes averase a dos sitios: la entrada que comunica col esterior y el muru que delimita'l monte.

Una nueche, Emma y Norman incumplen la norma d'averase a la entrada pa devolve-y a Conny, una neña recién adoptada, el coneyu de peluche que s'escaeciera al salir. Sicasí, al llegar ellí afayen que Conny foi asesinada por unos demonios y que «Madre» ye en realidá una criadora del ganáu humanu; los demonios críen a los neños en Grace Field House pa poder comese los sos celebros. Una vegada Emma y Norman asumen que fueron engañaos mientres tou esti tiempu, van xunir fuercies con Ray pa trazar un plan de fuxida que dexe salvar la vida de tolos güérfanos.

Personaxes[editar | editar la fonte]

Emma > Ye ún de los protagonistes principales. Ye bona nos esámenes y xugando al "fuxitivu". Ye perintelixente y s'esmolez polos sos amigos.

Norman > Ye ún de los protagonistes principales, carauterízase pola so intelixencia.

Ray > Ye ún de los protagonistes principales, ye'l fíu d'Isabella (Mama).

Isabella > Ye la Mama del orfanatu Grace Field House.

Don > Ye amigu d'Emma, Ray, Norman y Gilda. Ayudó a preparar a los neños pa la fuxida.

Gilda > Ye una neña tranquila, cuidadosa. Ye amiga d'Emma, Don, Norman y Ray.

Krone > Ye una de les muyeres qu'aspiraron al cargu de Mama. Ella tuvo ayudando a Isabella un tiempu nel Plantíu 3.

Conteníu[editar | editar la fonte]

Manga[editar | editar la fonte]

El primer capítulu de The Promised Neverland foi espublizáu na revista Shōnen Jump el 1 d'agostu de 2016, con guión de Kazu Shirai y dibuxu de Posuka Demizu. Per otru llau, el primer volume compilatorio salió a la venta n'avientu del mesmu añu. Esta obra ye'l debut de dambos autores nuna serie de llarga duración.

Shirai llevaba trabayando nel guión d'esta serie dende 2013, intentó ensin ésitu vender otres idees a les editoriales. El proyeutu titulábase «Una manera de sobrevivir nel mundu esterior» (この世界でわたしたちが生きる方法 Kono sekai de watashi-tachi ga ikiru hōhō?), constaba de 300 páxines y taba ambientao nun orfanatu. Tres allegar a Shūeisha y axuntase col editor Takushi Sugita, quien s'amosó convencíu del so potencial, dambos perfeccionaron el testu hasta convertilo en Neverland.

Anque Sugita quería presentar el proyeutu a los responsables de Weekly Shōnen Jump, pidió a Shirai qu'atopara un dibuxante con quien poder trabayar. Dempués de contautar con dellos candidatos, la escoyida foi la ilustradora Posuka Demizu, quien enantes d'esta obra editó kodomo y trabayó como ayudante n'obres de Shūeisha. Enantes de que-yos aceutaren " Neverland ", el tándem d'autores fixo una hestoria autoconclusiva de trenta páxines, Poppy non Negai («El deséu de Poppy», febreru de 2016).

Sugita destacó dos aspeutos que-y llamaron l'atención en The Promised Neverland: el fechu de que la protagonista fora una neña —daqué poco común n'hestories shōnen— y que l'argumentu tuviera centráu nuna fuxida.

Anime[editar | editar la fonte]

L'adaptación al anime de The Promised Neverland foi estrenada'l 11 de xineru de 2019 na cadena de televisión Fuji TV, dientro del so bloque de programación NoitaminA n'horariu de madrugada. L'estudiu CloverWorks encargóse del trabayu, dirixíu por Mamoru Kanbe (Elfen Lied, Sora no Woto). La primer temporada consta de 12 capítulos que tomen los cinco primeros tomos, y al so fin el 28 de marzu, confirmóse una segunda temporada pa 2020.

Anque Fuji TV firmare un alcuerdu con Amazon Video pa emitir les series de NoitaminA en streaming, The Promised Neverland solo pue vese al traviés d'esa plataforma en Xapón. Pue vese en distintes plataformes como Hulu y Crunchyroll.

Referencies[editar | editar la fonte]

  1. 1,0 1,1 «El anime de la semana: 'The Promised Neverland'» (26 de febreru de 2019). Consultáu'l 4 de marzu de 2019.