The Accidental Tourist

De Wikipedia
Saltar a navegación Saltar a la gueta
Picto infobox film.png
The Accidental Tourist
Geena Davis (1989) crop.jpg
Datos
Títulu orixinal The Accidental Tourist
Xéneru cine románticu, cine dramáticu y película basada nuna obra lliteraria
País d'orixe Estaos Xuníos
Añu 1988
Idioma orixinal inglés
Duración 121 min.
Ficha téunica
Direición Lawrence Kasdan
Guión Frank Galati y Lawrence Kasdan
Música John Williams
Fotografía John Bailey
Edición Carol Littleton
Repartu William Hurt, Kathleen Turner, Geena Davis, Amy Wright, Bill Pullman, David Ogden Stiers, Ed Begley, Jr. Traducir, Robert Hy Gorman, Jake Kasdan, Jon Kasdan y Walter Sparrow
Ver llista completa
Compañíes
Productora Warner Bros.
Distribuidora Warner Bros.
Enllaces esternos
Ficha n'IMDb
Ficha en FilmAffinity
Cambiar los datos en Wikidata

The Accidental Tourist ye un drama de 1988 dirixida por Lawrence Kasdan. El guión ye una adaptación de Kasdan y Frank Galati sobre la novela homónima de Anne Tyler. Foi nomada a distintos premios, ente ellos cuatro nominaciones a los Oscar.

Un matrimoniu intentando superar la muerte d'un fíu nun paez ufiertar a güeyu un bon xuegu pa un guión cinematográficu, pero'l mesmu Kasdan supo cómo afaer esa hestoria pa la gran pantalla y consiguió asina unes merecíes nominaciones al guión adautáu, y la principal: la nominación a la meyor película. Anque nun consiguió nenguna d'estos dos estauínes a la qu'hai que sumar la nominación pola bellu partitura musical del escelente John Williams, foi Geena Davis, entós daquella prácticamente desconocida, quien recibió'l Óscar por unu de los sos más senciellos pero sinceros trabayos.

Argumentu[editar | editar la fonte]

William Hurt ye un home aburríu qu'escribe guíes de viaxe pa homes de negocios, p'aquelles persones que realmente odien viaxar, pero que por motivos llaborales nun-yos queda otru remediu. Pa esos turistes, Hurt pasa la so vida visitando ciudaes, encamentando llugares por que la xente siéntase como en casa. Tou lo qu'un turista accidental precisa, ta na guíes d'esti personaxe.

Kathleen Turner ye la esposa, tamién aburrida, porque nun ye capaz de llevantar un matrimoniu que día tres día va somorguiándose nun abilsu que lu dixebra del so home, porque nun ye capaz d'encarar el fechu de qu'el so fíu finó, de que-y queda una vida que tien de consiguir sobrollevar. Ensin intentar pescudar cómo ta llevando'l so maríu esti duru trauma, anúncialu que decidió dixebrase d'él.

Ye a partir d'esti momentu, cuando empieza una hestoria, conmovedora, onde los sentimientos de los personaxes ocupen el papel protagonista, pos cobren una fondura casi real, afigurando les sensaciones de murnia y murria nel espectador. La apatía, la soledá, l'arrenunciu a la busca de la felicidá... esi pequeñu mundu nel que Hurt pretende vivir el restu de la so vida, va vese invadíu pola presencia d'una cacipladora adiestradora de perros. Geena Davis encarna a esti encantador personaxe, una chica totalmente opuesta a tou lo qu'arrodia a Hurt: optimista, dulce, faladora... con un calter incompatible al de Hurt, una persona senciello y humilde que va espertar nél eses ganes por siguir viviendo, el demostrase a sigo mesmu, que nun ye necesariu escaecer les males alcordances pa siguir alantre, sinón que ye posible vivir con ellos y ser feliz de nuevu.

Los singulares personaxes secundarios qu'apaecen na película, realicen un trabayu estupendu: los hermanos de Hurt, que nun saben vivir ensin la presencia de la hermana, unos neños atrapaos nel cuerpu de persones adultes con un nulu o escasu sentíu de la orientación, cuidao que al tar acostumaos a vivir zarraos mientres años nuna casa de la que nunca salen, nun conocen los encantos de la gran ciudá.

Bill Pullman, editor de Hurt, ye'l cobarde mozu que se namora de la hermana d'ésti. Tamién cabe facer mención al perru, esti pequeñu animal que va ser el desencadenante de que les vides de los protagonistes xúnanse. Hurt va vese somorguiáu nuna difícil dulda. Él nun ye un home que sepa tomar decisiones y plantégase-y un importante retu, del que va depender el so destín: volver cola so esposa ya intentar encarar los sos mieos y esmoliciones, procurando ser los dos más comprensivos y comunicativos, o per otra parte, enfusase nesti nuevu mundu qu'hasta agora desconocía, y que una probe moza de los barrios baxos, amosólu.

Enllaces esternos[editar | editar la fonte]

The Accidental Tourist