Thandie Newton

De Wikipedia
Thandie Newton
Vida
Nacimientu Londres[1]6 de payares de 1972[1] (51 años)
Nacionalidá Bandera del Reinu Xuníu Reinu Xuníu
Llingua materna inglés
Familia
Casada con Ol Parker (1998 – )
Pareyes John Duigan
Fíos/es Nico Parker
Estudios
Estudios Downing College (es) Traducir
Universidá de Cambridge
Humphry Davy School (en) Traducir
Llingües falaes inglés[2]
Oficiu actriz de cine
Premios
Creencies
Relixón ateísmu
IMDb nm0628601
Cambiar los datos en Wikidata

Thandiwe Adjewa Newton (6 de payares de 1972Londres) ye una actriz británica conocida pol so papel de Maeve na serie de HBO Westworld.

Primeros años[editar | editar la fonte]

Nacida en Londres,[5][6] de madre zimbabuense y padre inglés,[7] Newton creció ente Londres y Zambia hasta los trés años d'edá. Depués, por cuenta de la inestabilidá política de Zambia, la so familia decidió camudase de forma permanente a Inglaterra. A los 16 años d'edá, estudio danza moderna na Tring Park School for the Perfoming Arts.

Carrera[editar | editar la fonte]

Thandie Newton nos Premios BAFTA de 2007.

En 1990, llogró'l papel protagonista xunto a Nicole Kidman na aclamada película de John Duigan La primer esperiencia, interpretando a una moza ugandesa aisllada nuna escuela de señorites n'Australia, que se namora d'un mozu d'un internáu cercanu. En rematando la película, Newton volvió a Inglaterra pa siguir estudiando. Llogró una Llicenciatura n'Antropoloxía (con honores) de la Universidá de Cambridge, de la que participaba en llargumetraxes con dalgunos de los direutores más aclamaos, tales como Neil Jordan en Interview with the Vampire, y con James Ivory en Jefferson en París. Newton tamién interpretó'l papel d'una cantante alteriada xunto a Tupac Shakur y a Tim Roth, na comedia dramática de Vondie Curtis-Hall Gridlock'd. Llogró aponderamientos pol so papel na película de Bernardo Bertolucci Asediada.

Tamién recibiría escelentes crítiques, pola so desaxeradamente orixinal y coraxosa interpretación del personaxe principal, na adautación de 1998 de Jonathan Demme de la obra de Toni Morrison Beloved, coprotagonizada por Oprah Winfrey.

Otros de los sos creitos inclúin la contemporánea película romántica de suspense de Jonathan Demme La verdá sobre Charlie, inspirada na película de 1963 de Stanley Donen Charada. Tamién participó na película d'aición de John Woo Mission: Impossible 2, xunto a Tom Cruise.

Pa la televisión, Newton participaría nel ésitu dramáticu de la cadena NBC ER, xunto a Noah Wyle. Este sería'l so debú na televisión norteamericana.

En 2006, Newton participó nel ésitu de taquilla de Gabriele Muccino: The Pursuit of Happyness, xunto a Will Smith nel papel de la esposa de Smith, y en Norbit, la comedia de Brian Robbins, xunto a Eddie Murphy.

Newton foi emponderada pol so trabayu na película Vides cruciaes/Crash ganadora d'un premiu Óscar na categoría de Meyor película, onde se narra la hestoria d'un grupu multirracial de persones, que les sos vides interconectar tres un accidente de coche na ciudá de Los Angeles. Pola so interpretación, Newton recibió un premiu BAFTA (na categoría de BAFTA a la meyor actriz de repartu Meyor actriz secundaria) y un premiu SAG (na categoría Meyor repartu).

En 2016, Thandie foi escoyida pa representar el papel de Maeve Millay, una robot na serie de HBO Westworld. Al preguntar pol so papel nel show, dixo: «Enxamás consideré fan de la ciencia ficción. Pero Jonathan Nolan y Lisa Joy (creadores del la serie), preguntáronme si había vistu filmes de Sergio Leone… Asina que ende tiénesme, viendo Érase una vegada nel Oeste (1968), y paecióme absolutamente esquisita. Foi una gran lleición sobre la mio propia intolerancia y un formosu primer pasu escontra Westworld. Porque d'eso trata'l show: sobre entruganos alrodiu de la naturaleza de la nuesa realidá». Y amestó: «Con Westworld, sicasí, acaldía que fui a trabayar taba satisfaciendo'l mio activismu a favor de los derechos humanos, el mio activismu p'acabar cola violencia en contra de les muyeres, al traviés de los mios diálogos, les escenes qu'interpretaba. Nunca tuviera eso antes y por eso taba bien emocionada».

Vida privada[editar | editar la fonte]

Newton afirmó qu'a los 16 años empecipiara una rellación, que duró seis años, col direutor de cine australianu John Duigan. Ta casada con Ol Parker dende 1998, tien 3 fíos con él: Ripley (nacíu en 2000), Nico (nacíu en 2004) y Booker Jombe (nacíu en 2014). Anguaño vive n'Inglaterra col so maríu y fíos. Thandie sufrió de bulimia, ye vexetariana y amosó afinidá pol budismu.

Filmografía[editar | editar la fonte]

Añu Títulu Papel Notes
1991 La primer esperiencia Thandiwe Adjewa Debú nel cine
Pirate Prince Becky Newton Telefilme
1993 The Young Americans Rachael Stevens
1994 Bloody Weekend Zita
Interview with the Vampire Yvette
1995 Jefferson en París Sally Hemings
The Journey of August King Annalees
1996 Un home d'ésitu Hilary Rule
1997 Gridlock'd Barbara "Cookie" Cook
In Your Dreams Clare Telefilme
1998 Pasión Shandurai Nomada: Premiu Black Reel a la meyor actriz
Beloved Beloved Nomada: Premiu NAACP Image a la meyor actriz de repartu
Nomada: Premiu Satellite a la meyor actriz de repartu
2000 Mission: Impossible 2 Nyah Nordoff-Hall Nomada: Premiu Blockbuster Entertainment a meyor personaxe favoritu femenín
Nomada: Premiu Empire a la meyor actriz británica
Nomada: Premiu NAACP Image a la meyor actriz de repartu
Nomada: Premiu Razzie a la peor actriz de repartu
It Was an Accident Noreen Hurlock
2002 La verdá sobre Charlie Regina Lambert Nomada: Premiu Black Reel a la meyor actriz
Nomada: Premiu NAACP Image a la meyor actriz de repartu
2003 Shade Tiffany
2004 The Chronicles of Riddick Dama Vaako
Crash Christine Thayer Ganadora: Premiu BAFTA a la meyor actriz de repartu
Ganadora: Premiu Black Reel al meyor repartu
Ganadora: Premios de la Crítica Cinematográfica al meyor repartu
Ganadora: Premiu Empire a la meyor actriz
Ganadora: Premiu del Festival de Cine de Hollywood
Nomada: Premiu de la Crítica Cinematográfica de Londres a meyor película
Nomada: Premiu de la Crítica Cinematográfica de Phoenix a meyor repartu
Ganadora: Premiu Satellite al meyor repartu
Ganadora: Premiu del Sindicatu d'Actores al meyor repartu
Ganadora: Premios de l'Asociación de la Crítica Cinematográfica de Washington DC al meyor guión orixinal
Nomada: Premiu BET a la meyor actriz
Nomada: Premiu Black Movie a meyor película
Nomada: Premiu Black Reel a la meyor actriz de repartu
Nomada: Premiu Gotham al meyor repartu
Nomada: Premiu NAACP Image a la meyor actriz de repartu
2006 The Interrogation of Leo and Lisa La Gioconda Curtiumetraxe
American Dad! Makeva (voz) Episodiu: "Campu Refoogee"
The Pursuit of Happyness Linda Nomada: Premiu NAACP Image a la meyor actriz de repartu
2007 Norbit Kate Thomas
Run Fatboy Run Libby
2008 RocknRolla Stella
How to Lose Friends & Alienate People Ella mesma
W. Condoleezza Rice
2003-2009 ER Makemba "Kem" Likasu 14 episodios
2009 2012 Laura Wilson
2010 Huge
Vanishing on 7th Street Rosemary
For Colored Girls Tangie Ganadora: Premiu Black Reel al meyor repartu
Nomada: Premiu Black Reel a la meyor actriz
2011 Retreat Kate
2012 Good Deeds Lindsey Wakefield
2013 Half of a Yellow Sun Olanna
2015 The Slap Aisha 8 episodios
2013

2015

Rogue Grace Travis 24 episodios
2016 Westworld Maeve Millay 10 episodios
2017 Untitled Nash Egerton Proyect Postproducción
2018 The Death and Life of John F. Donovan Postproducción

Referencies[editar | editar la fonte]

  1. 1,0 1,1 Afirmao en: Gemeinsame Normdatei. Identificador GND: 140983074. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
  2. «idRef» (francés). Agencia Bibliográfica de Enseñanza Superior. Consultáu'l 22 mayu 2020.
  3. URL de la referencia: https://www.bbc.co.uk/news/uk-46693826. Editorial: British Broadcasting Corporation. Data d'espublización: 29 avientu 2018. Data de consulta: 29 xineru 2019.
  4. URL de la referencia: https://100women.okayafrica.com/editorial/thandienewton.
  5. Graydon, Nicola; "Thandie Newton on becoming Condoleezza Rice" The Times (London), 7 de setiembre de 2008 (n'inglés)
  6. Carty, Ciaran; "When Thandie met Condi" Tribune.ie, 21 de setiembre de 2008 (n'inglés)
  7. Barton, Laura; "'I was so incredibly self-conscious'" Guardian.co.uk, 28 de mayu de 2008 (n'inglés)

Enllaces esternos[editar | editar la fonte]