Teresa Cónsul

Teresa Cónsul
Vida
Nacimientu	La Pola Siero,
Nacionalidá	España
Residencia	Convent of Santa María de la Vega (en)
Muerte	Uviéu, 28 de setiembre de 1834
Causa de la muerte	cólera
Estudios
Llingües falaes	castellanu; asturianu
Oficiu
Oficiu	monxa, dramaturga
Astronauta

Teresa Cónsul (, La Pola Siero – 28 de setiembre de 1834, Uviéu) foi una monxa y escritora asturiana, qu'escribió tanto n'asturianu como en castellanu.^[1]

Biografía

En 1787 ingresó como monxa benedictina nel conventu de Santa María de la Vega d'Uviéu. Ellí vivió, ocupando diversos cargos de la congregación, hasta la so muerte en 1834, pola mor del cólera qu'afaraba Uviéu.1 Perteneció a la llamada "xeneración del mediu sieglu", d'escritores asturianos, xunto a Xosefa Xovellanos, Juan González Villar, Bruno Cepeda y Antón Balvidare.^[1]

Caltiénse namás un entremés de temática relixosa, recuperáu por Álvaro Arias en 1996. Anque'l críticu Constantino Suárez, nel so ensayu Escritores y artistas asturianos, sostenía qu'escribió poemes n'asturianu y qu'escribiera más entremeses, anque tean perdíos.2^[2] L'entremés, d'asuntu relixosu, ta escritu n'asturianu y castellán, y lleva por títulu Entremés representado en el Monasterio de Santa María de la Vega de Oviedo, el día de San Benito, con el que festejaron los días de su Abadesa, la Señora Dª Benita Merás, en el último año de su Prelacía, aquellas Monjas.3^[3]

Na pieza intervienen una tabernera, una monxa llamada Inés, el so hermanu Toribio y dellos monxos más que vienen buscar a Inés. Toribio y la tabernera falen asturianu; Inés fala castellán nel qu'entrepola palabres asturianes (amestáu) y, los monxos, castellán puru. L'usu de dambos idiomes ta rellacionáu cola cultura de los falantes, asina los falantes del asturianu tienen una clase social más baxa y, poro, un nivel d'educación más baxu tamién.2^[2]

Máximo Fuertes Acevedo daba noticia de Cónsul en 1885.^[4] El manuscritu calteníu atópase na biblioteca de la familia de Fuertes Acevedo que se caltién na biblioteca del Real Institutu d'Estudios Asturianos. Forma parte d'un volume nel qu'hai copies d'otres composiciones.^[3]

Referencies

1 2 «Vista de Notas para la biografía de una poetisa bable del siglo XVIII: Teresa Cónsul | Cuadernos de Estudios del Siglo XVIII». reunido.uniovi.es. Consultáu'l 2021-03-02.
1 2 Corrada, Miguel Ramos (2002). Historia de la lliteratura asturiana (n'asturianu). Academia Llingua Asturiana. ISBN 978-84-8168-335-6. Consultáu'l 2021-03-02.
1 2 Cónsul, Teresa (1996). Entrémes: (1789) (n'asturianu). Ed., entamu y notes d'Álvaro Arias Cabal, Academia Llingua Asturiana. ISBN 978-84-8168-059-1.
↑ Acevedo, Máximo Fuertes (1885). Bosquejo acerca del estado que alcanzó en todas épocas la literatura en Asturias, seguido de una extensa bibliografía de los escritores asturianos (en castellanu). Tip. La Industria. Consultáu'l 2021-03-02.

Enllaces esternos

[:0-1] 1 2 «Vista de Notas para la biografía de una poetisa bable del siglo XVIII: Teresa Cónsul | Cuadernos de Estudios del Siglo XVIII». reunido.uniovi.es. Consultáu'l 2021-03-02.

[:1-2] 1 2 Corrada, Miguel Ramos (2002). Historia de la lliteratura asturiana (n'asturianu). Academia Llingua Asturiana. ISBN 978-84-8168-335-6. Consultáu'l 2021-03-02.

[:2-3] 1 2 Cónsul, Teresa (1996). Entrémes: (1789) (n'asturianu). Ed., entamu y notes d'Álvaro Arias Cabal, Academia Llingua Asturiana. ISBN 978-84-8168-059-1.

[4] Acevedo, Máximo Fuertes (1885). Bosquejo acerca del estado que alcanzó en todas épocas la literatura en Asturias, seguido de una extensa bibliografía de los escritores asturianos (en castellanu). Tip. La Industria. Consultáu'l 2021-03-02.

[1]

[2]

[3]

[4]