TeleAsturias

De Wikipedia
Saltar a navegación Saltar a la gueta
TeleAsturias
Web oficial
Cambiar los datos en Wikidata
Camarógrafa de TeleAsturias nuna rueda de prensa.

TeleAsturias ye una cadena de televisión d'Asturies qu'emite dende Uviéu. Entamó les emisiones en 1999. El direutor de programación y conteníos ye Alfonso Suárez Suárez.

Según datos de la propia empresa tien una audiencia acumulada de 600.000 persones diaries.

Unes 50 persones trabayen pa la televisión repartíes nes productores VTR Broadcast S.L. (propietaria de la marca comercial TeleAsturias) y Audiovisual del Principado (furrula cola marca comercial VisualMedia).

Situación llegal[editar | editar la fonte]

El 25 de xineru de 2007, la emisora quedó fuera nel repartu de llicencies d'emisión de la Televisión Dixital Terrestre anunciáu pol Gobiernu asturianu, que punxiera a concursu una de les tres llicencies de les que disponía según la llei vixente. Ello condergaba a Teleasturias al cese de les sos emisiones nun plazu de seis meses. Sicasí, el 28 de febreru, el Gobiernu asturianu ordenaba a la empresa encargada de la difusión de la señal de televisión analóxica el cese de les emisiones d'aquelles canales que nun algamaren llicencia nel concursu pa la TDT, midida qu'afectaba a Teleasturias y a Popular TV.

El procesu foi interpretáu por la mayoría de sectores y partíos políticos asturianos (a esceición del PSOE, nel gobiernu), como un cierre políticu de la canal, por mor de la so llinia editorial crítica col executivu del presidente Vicente Álvarez Areces. Poro, l'anuncia del pieslle d'emisiones prevocó numberoses protestes al traviés d'internet y una manifestación en sofitu de los trabayadores de la empresa y Pola llibertá d'espresión n'Asturies. Al tiempu, Izquierda Xunida, tamién nel Gobiernu, y el Partido Popular empobinaron iniciatives parllamentaries cola fin d'atopar una salida llegal que-y permitiera a la canal siguir cola so actividá.

Enllaces esternos[editar | editar la fonte]