Tejat Prior

De Wikipedia
Saltar a navegación Saltar a la gueta
Tejat Prior
Tejat Prior A/B
Constelación Xéminis
Ascensión reuta α 06h 14min 52,66/52,57s
Declinación δ +22º 30’ 24,5/24,5’’
Distancia 350 ± 70 años lluz
Magnitú visual +3,15 a +3,90 / +8,8
Magnitú absoluta -2,0 a -1,2 / +3,6
Lluminosidá 2400 / ? soles
Temperatura 3600 / ? K
Radiu 130 / ? soles
Tipu espectral M3IIIab / G0
Velocidá radial +19,0 km/s

Tejat Prior (η Geminorum / η Gem / 7 Geminorum) ye una estrella de magnitú aparente +3,32 na constelación de Xéminis. El términu Tejat provién d'una pallabra árabe d'orixe desconocíu, ente que la pallabra Prior diferencia a esta estrella de la vecina Tejat Posterior (μ Geminorum), visualmente a menos de 2º. Tamién la conoz col nome de Propus, d'orixe griegu, que'l so significáu ye «pie delanteru».

Tejat Prior ye una xigante colorada de tipu espectral M3IIIab y 3600 K de temperatura. Asitiada a 350 años lluz del Sistema Solar, relluma con una lluminosidá 2400 vegaes mayor que la del Sol. Tien un radiu 130 vegaes más grande qu'el radiu solar; si tuviera nel centru del Sistema Solar, la so superficie práuticamente llegaría hasta la órbita de Venus. Ye una estrella variable clasificada como semirregular, con un rellumu variable ente magnitú aparente +3,15 y +3,90 a lo llargo d'un periodu de 234 díes.

Al pie de la estrella principal, Tejat Prior A, dos estrelles más conformen el sistema estelar. A 7 UA de distancia, una compañera (probablemente de tipu espectral B) completa una órbita alredor de la estrella principal cada 8,2 años. Más alloñada, a 1,4 segundos d'arcu (qu'equivalen a una distancia mínima de 150 UA), alcuéntrase una segunda acompañante de tipu espectral F o G, Tejat Prior B, que'l so periodu orbital alredor del par interior ye cimeru a 700 años.

Tejat Prior yera la estrella más cercana a Uranu cuando ésti foi afayáu'l 13 de marzu de 1781 por William Herschel.

Ver tamién[editar | editar la fonte]

Referencies[editar | editar la fonte]