Teatru de la Zarzuela

Teatru de la Zarzuela
	Bien d'Interés Cultural
	teatru y monumentu
Llocalización
País	España
Autonomía	Comunidá de Madrid
Conceyu	Madrid
Direición	Calle de Jovellanos, Madrid (en) , 4
Coordenaes	40°25′02″N 3°41′48″W / 40.4172°N 3.6968°O
	Teatru de la Zarzuela Teatru de la Zarzuela (España)
Historia y usu
Quema	1909
Remocique	1956
Orixe del nome	zarzuela
Usuariu	Teatru de la Zarzuela
Arquiteutura
Arquiteutu/a	Jerónimo de la Gándara; José María Guallart; José Espelius (en)
Patrimoniu
BIC	RI-51-0008693
	Web oficial

El teatru de la Zarzuela ye un teatru de Madrid, España, asitiáu na cai Jovellanos.

Historia

Inauguróse'l 10 d'ochobre de 1856, data del cumpleaños de la entós reina Isabel II, gracies a la iniciativa de la Sociedá Llíricu Española, coles mires de tener un espaciu propiu pa les interpretaciones de zarzueles na capital d'España. Los sos impulsores foron consagraos maestros de la dómina como Francisco Asenjo Barbieri, Rafael Calleja Gómez, Joaquín Gaztambide, Rafael Hernando, José Inzenga, Francisco Salas, Luis Olona o Cristóbal Oudrid, sol financiamientu del banqueru Francisco de las Rivas. Les obres encargáronse al arquiteutu Jerónimo de Gándara, magar qu'executaes por José María Guallart, tomando como modelu la Scala de Milán. Asina quedó un edificiu en forma de ferradura con tres altures de palcos.

Mientres la segunda metá del sieglu XIX, el Teatru convirtióse nel llugar central onde s'interpretaben les pieces maestres de la zarzuela, principalmente grande o de dos actos, y producíense los sos estrenos al públicu. El 9 de payares de 1909^[2] l'edificiu del pueblu amburó dafechu por una quema. Reconstruyíu usando menos madera y más metal, en 1914 el maestru Lluna llevantó'l telón al reinauguralu cola so orquesta. Remocicóse en 1956 cuando lu mercó la Sociedá Xeneral d'Autores d'España, pero perdió bona parte de la fachada y los ornamientos del interior. Más tarde pasó a ser propiedá del Estáu y en 1984 el Ministeriu de Cultura, a falta d'un teatru d'ópera en Madrid, amplió la ufierta d'actividaes (amás de la zarzuela y la ópera) a la danza y el flamencu.

En 1998, tres la declaración cuatro años enantes del edificiu como Monumentu Nacional, remocicóse otra vuelta, recuperando bona parte de la so estructura y forma orixinal y destinándose n'esclusiva a la llírica española. Dende xineru del mesmu añu, la Orquesta de la Comunidá de Madrid ye la titular del teatru de la Zarzuela.

Ver tamién

Referencies

↑ «Wiki Loves Monuments monuments database» (13 payares 2017).
↑ «La Zarzuela».

Enllaces esternos

[1950e2792f2175dcdba494bf43603df8d34a81e7-1] «Wiki Loves Monuments monuments database» (13 payares 2017).

[2] «La Zarzuela».

[1]

[2]