Taveuni
| Taveuni | |
|---|---|
| Taveuni (en) | |
 | |
| Situación | |
| País insular |  Islles Fixi |
| División | Northern Division (en)  |
| Provincia | Cakaudrove (en) |
| Tipu | islla |
| Parte de |
Vanua Levu Group (en) |
| Asitiáu en | Océanu Pacíficu |
| Coordenaes | 16°49′S 179°58′E / 16.82°S 179.97°E |
  Taveuni Taveuni (Océanu Pacíficu) | |
| Datos | |
| Altitú media | 1241 m |
| Puntu más altu |
Mount Uluigalau (en) |
| Superficie | 434 km² |
| Población | 19 000 (2015) |
| Llonxitú | 42 km |
 | |
Taveuni ye una islla de Fixi, asitiada na División Norte. Por estensión, ye la tercera del archipiélagu, dempués de Viti Levu y de Vanua Levu. Tien un área total de 434 km² y alredor de 9000 habitantes, de los cualos un 75 % son indíxenes fixanos, según el censu de 1996. Ye un importante destín turísticu.[1]
Xeografía
[editar | editar la fonte]Taveuni ye una islla volcánia asitiada al norte del mar de Koro. Ta dixebrada de Vanua Levu pel estrechu de Somosomo. La islla tien 10,5 km d'anchu y 42 km de llargu, ye un volcán con forma d'escudu que s'alza dende'l llechu del océanu Pacíficu. Ello ye que cunta con cerca de cientu cincuenta conos volcánicos, incluyendo l'Uluigalau, que con 1241 m.s.n.m. ye el mayor picu de la islla y el segundu a escala nacional, y el Picu Des Vœux, con 1195 m.s.n.m.
Rexistráronse 58 erupciones volcániques dende la llegada de los humanos ente'l sieglu X y el VIII e.C., qu'afectaron los sos dos tercios meridionales. N'efectu, ente'l 300 y el 500 a.C. causaron l'abandonu de la parte sur hasta el 1100. Hubo otra importante erupción con llava en 1550.[2]
Taveuni ye famosa ente otres por ser travesada pel meridianu 180°, conocíu por ser la llinia internacional de cambéu de fecha.
L'aldega principal ye Somosomo, na mariña oeste. Taveuni ye conocida pola so abondosa flora, ye por ello que se conoz como la «islla xardín de Fixi», qu'inclúi delles especies que solo s'atopen na islla. El Parque Nacional del Patrimoniu de Bouma, na mariña este, alluga una selva tropical y trés cascaes, caúna d'unos 20 metros d'altor.
La copra ye el productu principal. [3]
Referencies
[editar | editar la fonte]- ↑ Gillespie, Rosemary G. (2009). Encyclopedia of Islands. ISBN 978-0520256491.
- ↑ Shane Cronin (December 1999). «Volcanic Hazard And Risk Assessment For Taveuni, Fiji Islands». SOPAC Technical Report 298. Massey University. Archiváu dende l'orixinal, el 15 de xunetu de 2014. Consultáu'l 18 de marzu de 2018.
- ↑ Britannica Taveuni, (n'inglés)
Enllaces esternos
[editar | editar la fonte]
Wikimedia Commons acueye conteníu multimedia sobre Taveuni.
Taveuni n'OpenStreetMap.- Programa de Volcanismo Global : Taveuni. "Smithsonian Institution". Información vulcanolóxica de Taveuni.
