Sylvia de Neymet

De Wikipedia
Saltar a navegación Saltar a la gueta
Sylvia de Neymet
Vida
Nacimientu 1938
Nacionalidá Bandera de Méxicu Méxicu
Fallecimientu

13  de xineru de 2003

(64/65 años)
Estudios
Estudios Universidá de París
Universidá Nacional Autónoma de Méxicu
Centro de Investigación y de Estudios Avanzados del Instituto Politécnico Nacional Traducir
Oficiu
Oficiu matemática y profesora universitaria
Emplegadores Institutu Politéunicu Nacional
Universidá Nacional Autónoma de Méxicu
Cambiar los datos en Wikidata

Sylvia de Neymet Urbina (1938 - 13 de xineru de 2003) foi una matemática y académica mexicana. Ye considerada la primera doctora en Matemátiques en Méxicu, titulada pol Centru d'Investigación y d'Estudios Avanzaos (Cinvestav) del Institutu Politécnicu Nacional.

Obra[editar | editar la fonte]

Sylvia foi una de les primeres muyeres n'estudiar la disciplina, yá que nesa dómina considerábase "pocu femenina", sicasí, recibió'l respaldu del so padre (inxenieru) y la so madre (feminista) por que realizara los sos estudios.[1] Al terminar la llicenciatura, ensin titulase entá, recibió una beca pa estudiar dos años na Universidá de la Sorbona en París, Francia. Al so regresu, llogró'l grau de llicenciatura en Matemátiques en 1961 pola Universidá Nacional Autónoma de Méxicu, con una tesis sobre ecuaciones diferenciales, dirixida pol matemáticu estauxunidense Solomon Lefshetz.[2]

Darréu, ingresó al Cinvestav, onde formó parte de la primer xeneración d'estudiantes de posgráu, so la direición del matemáticu mexicanu Samuel Gitler. Llogró'l grau en 1966, convirtiéndose na primer muyer en recibir un doctoráu en Matemátiques nel país, con una tesis en topoloxía alxebraica.[1] Ye considerada como una de les impulsoras de la Teoría de Grupos Topolóxicos de Tresformamientos en Méxicu.[3]

Sylvia tamién foi maestra de la primer xeneración de la Escuela Cimera de Física y Matemátiques del IPN, amás de convertise na primer muyer contratada como profesora de tiempu completu na Facultá de Ciencies de la Universidá Nacional Autónoma de Méxicu.[2] Dedicó más de 40 años de la so vida a la docencia, onde dictó más de 50 cursos universitarios, dirixó tesis de llicenciatura y maestría, y formó parte de la xunta directiva de la Sociedá Matemática Mexicana.[4]

Reconocencies[editar | editar la fonte]

En 2010, el Paséu de la Muyer Mexicana, allugáu en Monterrey, Nuevo León, reconoció a una serie de científiques y académiques mexicanes, ente elles, a Sylvia de Neymet.[5]

Referencies[editar | editar la fonte]

  1. 1,0 1,1 Romeru, Laura (19 de setiembre de 2002). «Homenaxe a Sylvia de Neymet, en Ciencies». Gaceta UNAM. https://paginas.matem.unam.mx/matematicos/matematicos-i-p/matematicos-n/sylvia-de-neymet/818-homenaxe-a-sylvia-de-neymet-en-ciencies. Consultáu 'l 10 de febreru de 2018. 
  2. 2,0 2,1 Gómez Wulscher, Claudia (2010). «Eco del pasáu... lluces del presente. Les nueses primeres matemátiques.». Miscelánea Matemática (Sociedá Matemática Mexicana). http://miscelaneamatematica.org/Misc51/5103.pdf. Consultáu 'l 10 de febreru de 2018. 
  3. Facultái de Ciencies Esactes. Universidá Juárez del Estáu de Durango.. «II Escuela de Grupos Topolóxicos de Transformación».
  4. Ma. de la Paz Álvarez Scherer (Abril de 2003). Sociedad Matemática Mexicana (ed.): «vida-de-sylvia-de-neymet#iv Texendo rellumos: Imáxenes de la vida de Sylvia de Neymet». Consultáu'l 10 de febreru de 2018.
  5. Reconocen llabor de muyeres na ciencia. 1 d'abril de 2014. http://www.milenio.com/cultura/Reconocen-labor-mujer-ciencia_0_272973319.html. Consultáu 'l 10 de febreru de 2018. 



Sylvia de Neymet